عندما تعشق قاصر

❤

تكملة 🫶
هزتلها ليندا براسها : هاااك نبغيك يا بنت احرزي ترضخيلو هذا ميسواش ..مالقري بقلاوة وكلش اما يستاهل السجن السجن يااابنت ...هوما هك ويسمعو صوت رقية : هبببا لبنات وينكم تاخر الوقت نزلو ...تهزو لزوج .. لبندا: هيا ننزلو يا بنت ولا يفيقولنا ..وقف مروة تنزل في كم تريكو ..القت اخر نظرة على روحها رسمت ابتسامة ..ونزلو عندهم لتخت .لقاوهم مجمعين يستناو فيهم ...هبطت لبندا راسها وقت شافتو مكبر القعدة يقحرلها ..هزت كتافها بلامبالاة وقعدت حدا مروة ..متجاهلا نظراتو ...بعدما فطرو ..ناضو لبنات ..: يلا ماما هذا وقت نروحو جلاال: خلي عاصم يوصلكم وهذي المرة بلا رفض ..هيا قوم عاص وقبل ما يكمل كلامو كان عاصم طار للطونو ..ضحكت مروة بينها وبين روحها ..ودعوهم وخرجو ..تحت تخرنين ليندا لي ميكملش تقحرلو تحب تاكلو بسنيها ..ركبت هيا وياها ..طريق كاملة وعاصم يشوف فيها من مراية يحب ياكلها بعينيه ..مروة شالقة بيهم ...اما دايرة روحها مكاش فالوسط ...عاصم : صفا ليندا كفاه مع القراية ؟ هزت عينيها فيه مخلوعة في صحانية وجهو ..سقمت روحها ورفعت روحها بلا مبالاة وحكات: الحمدلله والله غاااية قاع متتصورش شجال راني غاية ..نقزتها مروة تخت تحت باه ترتب ..عاصم باين عليه الغضب: اياااا غاااية ..ضرب الفولون بقوة ..ضحكو لبنات بشوية باه ميحسش ...شوية ووصلت

ضحكو لبنات بشوية باه ميحيسش ..شوية ووصلو لليسي...نزلو ...ودعت مروة خوها ...اما ليندا كملت طريقها ..بلا ما تشوف وراها ..تنهد عاصم بتحسر ..وكمل طريقو رايح يحط اول Cv ليه في شركة كبيرة ف دزاير لعلهم يقبلوه ...

دخلت ليندا ومروة .. لليسي وكامل يشوفو فيهم .. هزت مروة حواجبها مستغربة ..قرصتها ليندا بشوية تحت تحت وحكات تحت نيفها : يا بنت شا راكي دايرة باه قااع رآهم يشوفو فبك..هزت مروة كتافها بوالو : ما درت والووو يا ليندا شغل متعرفنييش رفبقتك هاا خلينا ... يشوفو ولا يقعدو فارغين شغل تعرفي.   هزت لبندا راسها ودخلو ديركت لكلااستهم ..قعدو في اول طاولة بانتلهم ...مروة: بب نسيت نخبرك ياك عارفة لانيفارسار تاعي قربت هاني نبه فيك باه ديري حسابك وتوجدي كادو قمقوم مش كما مضاري تليكيديني بطرف صابون وقرعة ريحة ...هزت يدها  فالسما وكملت تحكب:هاااذي كااانت زمااان رااانا في عصرر تطور يااا بنت ...شافت فيها لبندا تقلد فيها: عصصصر تطور هه أن شاء. ناس متتقلشش يا طفلة اااه...بعدت شعرها على وجها ..وريقلو قعدتهم وقت دحلو كامل تلاميذ يقحرلو لمروة .نفخت مروة بقوة قالبة عينيها لفوق ...دقائق ودخل الاستاذ...بداو فالدرس ...هي متساجمة مع درس وسمعت زوج بنات يحكو مورا ظهرها ...البنت 1: شفتي كفاه ناس دايرين ..تحرش بيها امنت روحها وراحت خبرت بطلها المغوار وشااه فوق كللش قتلووو قتلووو بدم بارد وزعما دارت روحها متفاجئة تفيبي ...طفلة 2: والله تحيري من عباد هك يقتل ويمشي فالجنازة ...كنت نحبها اما دوك تررر عليا الزبل وبكل انواعو...قلبت مروة عينيها بغضب كبييير ..نفخت بقوة ...زيرت على كفوف يديها ضربتهم في بعض وقامت كيف الثور ..تلفتت ليهم الشر يطاير من عينيها ..مروة تحكي وتكرز على سنانها: وااش قلتي انتي وياها ااه عاودي يلا نتي مرا نوريلك الهمج على اصوله   ضحكت وحدة فيهم: هيبه شفتي همجية اكثر من حبيبها ههههه ..بنت 2 : هههههههههه منستغربش هنههه ...عضت مروة شفتها بقوة ..: بسم الله ...قربت منهم لزوج حكمت كل وحدة من شعرها ..تجبد فيهم بقوة ..ومش راااضية باااغية تزييد تنتفهم ..دخلت ليندا تفك اما والو ...لبنات يبكو وينوحو ..وعلى لسان مروة غير زوج كلمات : نورررريلك الهمج  نورررريلك الهمج نورررريلك الهمج نورررريلك الهمج نورررريلك الهمج نورررريلك الهمج نورررريلك على اصوووووووله ..وهوب تلصق وجوهم لزوج في بعض حتى قريب