عندما تعشق قاصر

♥

الجزء  02

عـنــدــما تــعشق قاصر ♕

طريق كاملة وانا وليندا نحكو حتى نطقت كلمة دخلتلي الشك. ليندا : ولكن علاه مقاليش ليا انا تاني😥؟؟ يك عندنا نفس المشكلة ،هبطت راسها وكملت تمشي وانا حبيت في بلاصتي ، كلامها منطقي زعما علاه مقالهاش، متكونش غادية تبدل ليسي هيا كيفي! محال كون متبدلش راح تبقى هك مشكلة مع طرونسبور الخ ، لحقتها نجري نحاول نطلعلها المورال ، اسينات: ليييندا قارعي نهدر معاك تلفتت ليا وفي عينيها حزن كبير ، تبسمت وقربت منها وعنقتها بقوة : متكونيش متشائمة اكيد انتي تاني تروحي معايا ميكونش نساك برك يعني بلاك غدوة ولا بعدو يفاتحك بالموضوع اوك ! سمعت صوت ضحكتها تبسمت وزيرت عليها ، جبدت عليها وقت مسكت يدي وكملنا نمشو ونضحكو ونحكو على ابطال المسلسلات خخ ، كي قربنا نوصلو لبيتها حبسنا لزوج ودعتها ، وكملت طريقي نزرب الوقت بدا بخوف والظلام بدا يطيح ، هزيت رجليا اعلى من راسي ،نمشي وانا مهبطة راسي ، ما حسيت بروحي غير داخلة في جسم غلييظ قوي ، تهزيت حتى حسيت راسي تحرك من داخل ، بلعت ريقي وانا حاكمة راسي ، شفت فيه ندقق ، بانلي راجل مقنع غير عينيه يبانو؟ بلعت ريقي والف حاجة جات في راسي، جيت رايحة حتى حسيت بيه حكمني بقوة حتى يدي وجعتني ، عينيا غرغرو بدموع  ، رجعت نشوف فيه ووجهي حمر ، نشوف فيه كفاه كان يشوف فيا نظرة منعرف كفاه ، تخوف والله ، قرنت حواجبي من شدة الالم وجبدت عليه بقوة ودزيتو ولكن ما تحرك فيه والو هو الله يبارك جسم تاع سبع ، ما يهزو ريح ، شعرو راح وجاء برك من قوة الدزة ، شعر حريري نازل على وجهو  ، بلعت ريقي وجبدت عليه طالعة القرية نجري راني ديجا درت روطار بففف ملا لصقة هذا تاني دوك نسمع البخايص