احفاد آل سليمان

Part 2

فُقدت السَيطَرة وبالگوة جاي أصبر
وأول مَرة أحس بنفسي ضگت المُر
صفنت لنَفسي هذا التَعب يخلص وين ؟
شوكت أتعَب وأحس هذا التَعب مثمر!
"الوجَع هَدني"
الجسم من كل مكان يصيح
خلصت طاقتي وتَعبان ما أنكر .
يومية بحَياتي أنصدِم بالأحداث
أنهدَم حيلي وبَعد ما بيّه حيل أحزر !
مَچنت أدري الظروف تغَيّر الإنسان
مَصدوم شكُثر يا آني مِتغيّر! .
__________________________________
مُهرة _

گلبي يدك بسرعة خايفة على امي والصوت عالي من غير الطلق الي طرش اذني باوعـت عَ شمس وكعت بالزاوية رجليها ترجف لحكت امي الي سمت بأسم الله وحجـت من ورا الباب بصوت يرجف

لُبابة :- منو انتوا؟

عون :- طلعي ابنج النثية يواجهـنا.

حجت امي من ورا الباب

لُبابة :- والله ابني معليه جان يمي والله وهسه ماكو.

حجة واحد صوته خشن بجدية

ميكائيـل :- تسترن احسن ما نعبر السياج وافتحن السرگي.

أشرت امي ترجف مو فاهمة رحت اركض جوا فتحت باب الغرفة ودخلنا كلنا بقت بس امي برا اباوع عليها من ورا الباب دخلوا زلم بايدهم سلاح ووياهم شيخ كبير بالعمر يمشي بكل ثقة وتكبر ايده ورا ضهرة كاشة روحة من البيت سمعت صوت واحد منهم يحجي ويا امي

ذو الفقار :- بوية ابنج وين خاطف اخيتي وشارد وياها واذا ما نصفي السالفة قبل لا يطلع الضوة الوادم ما ترحم.

لُبابة :- بشنو احلفلكم والله مادري بي وين وهو بس هالوليد عندي وحق ابو فاضل مادري وينه.

حجة الشيخ بصوت ناصي

سُليمان :- انفضو البيت نفض.

هو حجة هيج وذولة تحركو مثل المخابيل رجعت ليووا من شفت احد جاي للغرفة انفتحت الباب صارت مرت عمي نهلة كدامنا عيوني ع الولد الي لاف الشماغ على راسه وشايل دشداشتة بحلكة تفحصنا واحد واحد وحجة

ميكائيـل :- استغفر الله تسترن بابا.

طلع يستغفر حجت نهلة وهي تلبس عبايتها

نهلة :- كل وحدة تحط شال على راسها هذا الشيخ الي تشتغل يمه امج.

باوعت لقمر وديار صافنات وشمس لحد هسه ترجف صار صوت صياح قوي..

لُبابة :- شيخنا احلفلك بالقرآن ما ادري وينه قبل شوية اجة حسيته ودعني وراح شيخنا بروح كل عزيز عليك لا تسويله شي.

علي الهادي :- چا وعمتي الي اخذها ويا وهي بكد امة؟

نهلة :- يجوز يحبها واخـذهـا.

صاح واحد بيهم
عـبد العزيز :- انلصمي يا مرة وارجعي صوب ما اجيتي.

لُبابة :- شيخنا المنطقة كلها تعرفك واحنا يتامى بروح عزيزك لا تسوي شي لابني وتكتلـة.