احفاد آل سليمان

Part 10

قصتك عيشتني اشياء
متوقعت يوم تصير
تنام انتَ وأظل سهران
واگضي الليل بس تفكير
اخاف اغفى وشخص گبلي
الصبح من تگعد يگلك
" صباح الخير "
وهاي الشغلة اذتني
صورة وبيها نضحك ليش بچتني ؟
وصدمتني نهايتنا
الغلط چان بعلاقتنة "علاقتنة"
چنت عالبُعد ما اگدر
واسد عينك اذا لقطة فراگ
تصير گدامك اخافن بيها تتأثر
بعت الدنيا حتى اشريك
وما اذيت يوم انسان
اخاف الذنب يطلع بيك.
___________________________________
ديـار _

اني وكلشي بيه يرجف خفت بمنو استنجد تقدم وهو يلف السلسـلة على ايده تسارعت دكات كلبي تمشيت صرت كدام مُهرة الي صافنة بالفراغ مو يمها الموضـوع

ديار :- فدوة لا تكتلنا عمو لا تكتلنا.

ما يسمع بسرعة ضربني بالسلسـة صارت الضربة على رگبتي من ورا وعلى وجه مُهرة الي صاحت بصوت عالي متألمة ترافس
ما اكتفى هذا الشيطان
رجع كرر الضربة
ردت الزمها بس صارت على ضهري وصدر مُهرة لان هي كاعدة وراي

سُليمان :- بنات الكل... تشردن وتخلن راس سُليمان شيخ كبير وعظيم بالگاع انعل ابو...

ضل يغلط ويفشر والاتعس من هذا يضرب من تعب من السلسله طلع صوندة مثل الخشبة تصير
من شفتها متت زايد تذكرت جانت المعلمة ب الابتدائي تخوفـنا بيـها
اكلنا 5 ضربات بالسلسلة
الله اليعلم كم ضربة راح ناكل من الصوندة
بسرعة شمرني وضربني ويضرب واني أصيح اريد احد يساعدني ماكو كمت حتى الصوت كوة اطلعة من حنجرتي دموعي تنزل مثل الطفل الي يكتلونة
وهو ويا كل ضربة يضحك مبتسم ابتسامتة الشيطانية
من تعب مني حول على مُهرة الي كوة تحرك جسمها وشفتها تذب دم من ضربات السلسلة
ضل يضرب بيها حيل انكسر كلبي وانفطر
واني وين ما احرك شي بجسمي تشوغ روحي من الألم
بالاخير سحلت نفسي بالگاع لزمت رجلة
ترجيتـة وذليـت روحي تعبانـة اي تعبانـة رايدة حضن امي انام بي

من شافني جوا رجلة دفرني صحت اخ بصوت عالي حسيت مثل الشي دخل بضهري
واخترق الجلـد ما كدرت اتحرك غير نفسي تسارع
وهو مستمر يضرب بيها ع الضرب الي شفنا ذيج الليلة.....
مستحيل احد يكدر يتحمل هيج ضرب هي صار الدم ينزل من ايدها وحلكها وجهه صار احمر عليه آثار ضرب وتبجي بكل حرگة بس ما فتحت حلكها ولا تقاوم حتى تبعدة وتخلي ما يضربها

وهو مستمر يغلط ويفشر ويضرب من تعب من عدنـا وكف على صفحة يمسح بكصته وحجة

سْليمان :- ربيتچن واذا نقصت تربيتچن هم ارجع اربيچن ولجن انه كل البالبيت مربيهم.

حجت مُهرة وياريتها ما حجت وراددتـه

مُهرة :- دروح ربي روحك بالأول يا مطي.

هو سمع هيج ورجع عليها ينطي ضربات يمين وشمال واني أصيح بصوت ناصي نايمة بمكاني حاسة شي بضهري يمنعني من الحـركـة...
وخر عنه وفتح الباب وطلع خلاه مفتوح
برودة كفخت وجهي اباوع على مُهرة الدم مغطي كلشي بيها بچيت على شكلها ويا بچيتي ردت اتحرك ماكدرت؟
لا رجل تتحرك ولا ايد بس راسي عبالك جسمي صار فليـن ما احس بشي بس ما احس؟
بجيت زايد وحجيت