احفاد آل سليمان

Part 16

كنت أودّ  إخبارك بأنّ الجّميع قدْ خذلني إلّا أنت ..
‏ولكنّك خذلتني قبل أن اخبرك. رُبما لم يكن شيئاً مهماً بالنسبة لك  ، لكنهُ كان قلبي .
___________________________________
                    بعـد مرور سنتين

من تموت سنتين صعب ترجع مثل قبل مرتين
تعب ومرور هالسنتين غيرتنـا هواي
سوتنا من بنات ضعيفات ضعفن برغبة قرب من ناس ما تسوة
إلى بنات لُبابة المرأة الـي غيرت قدرنا بقرار منها

ديـار_

بين النايمة والكاعدة اشم ريحة حشوة الكبة تكفخ بخشمي ابتسمت بوسط نومي اتخيل داكل بيها
حسيت صفكة بخدي نزيت من مكاني وشفت مُهرة بملابس الدوام لابسه كعبها مبينه هستوها جاية

مُهرة :- كومي يولي النتائج مالتج كاعد ينزلون بيهن بقت بس بغداد.

بسرعة طفرت لموبايلي ايدي ترجف فتحت الموبايل ودخلت ع الفيس شفت

" نتائج السادس إعدادي"

باوعت مُهرة وكمت اكمز من الخوف
جنت شاكة بأجوبتي لحدما نزلوا رابط بغداد

راحت مُهرة تركض لأمي وامها
اجت عمتي لُبابة بأيدها عجين كبة

وامي تركض متلهفة
شمس كاعدة تنزع بحذائها واجت تك رجل تكمز
وقمر بالحمام

دخلت ع الرابط كبل لمدرستي
اباوع اسم اسم لحدما شفت اسمي

ديار بارق....

مشيت درجة درجة انصدم بدرجاتي عكس التوقع كلهن عاليات وب 90 بس الكيمياء اجت 88
ذبيت الموبايل سجدت سجدة شكر
امي سجدت وياي
والبنات يطفـرن
حضنتني امي بكل قوة تبوس كصتي وتباركلي
وعمتي لُبابة باستني وباركتلي
رحت اركض لابني...
كاعد يـم بنت قمر ياكلون بالعجينة مـال كبة
بستـه حيل صار عمرة سنه وشهر

ديار :- ماما رضا حبيب امك ماما نجحت.

هو حاير ياكل ولا هامة حجت مُهرة

مُهرة :- يلا يلا بعد شهر مدري شهرين  تلـبسين اللابكوت مثل قمر.

ديار :- الله والله فرحانة ما تتخيلون فرحتي.

لُبابة :- تستاهلين حبيبتي.

صاحت شمس

شمس :- يمعوديننن كعدوا خرب.

ضحكت عليها وعلى أطفالها

بعد مرور سنتين ومن ذاك اليوم المشؤوم ابتعدنا عن ذاك البيت الاشئم الي خرب حياتنا بعز شبابهـا.

يمكن اكبر غلطة سويتها بحياتي من خليت ميكائيل يتقربلي وصار عندي ولد من عندة رغم بالبداية ما قبلت احمل بي ردت اذبـة
بس اعتراض امي خلاني أتراجع حتى ما احمل ذنب وبعد ما ولدت ابني رضا ما كدرت افارقة لحظة حتى من جنت اداوم