احفاد آل سليمان

Part 14

لا تجين
مات گلبي وكبرت وجهي السنين
وامي من تسألني عنج تضيك بيه
وانتِ ابد ما تستحين لا تجين
الورد والاسوار ادينج ذني ما عندي وجبتهن ذني دين
انتِ من السبعة نمتي واني من السبعة يبدي الونين
___________________________________
شمـس _

بين وسط هوسة البنات وفرصة سمعت صوت صياح عالي صادر من بنات
عبالي وحدة تخربطت ما اهتميت بس من اجتني وحدة من غير شعبة تركض وتكول

_ اختج قمر وكعت من الدرج.

كبل طفرت اركض لازمة گلبي عليها اريد رجلية تكمل ماكدر من شفت مجموعة بنات واكفات بعدتهن واشوف قمر ع اخير باية واكعة وفاقدة الوعي وحوراء تضرب على خدها

شمس :- يمةة اختي يمةةة.

حوراء :- اركضي شمس للمعاونة اركضي.

كعدت يمها وراحن بنات يركضن حطيت راسها بحضني ابجي وخايفة عليها والبنات تبسبس
بسرعة اجن مُدرسات يركضن والمعاونة وراهن

_ كل وحدة لصفهاا يلا بسرعة.

صيحت ع البنات وهنه راحن كعدت يمي وتقيس بنبضها حجت للمُدرسة ام الرياضة

_ خابري على بيت الشيخ بسرعة.

ردت عليها ام الرياضة

_ رقمهم مو عندي.

صاحت حوراء

حوراء :- اني اني عندي اكفي ست.

ركضت حوراء فوك لصفهاا

شمس :- ست حبابة ست سوي شي اختي راح تموت الله عليج سوي شي.

_ اهدي ماما اهدي ان شاء الله ماكو شي خابرنا ع الإسعاف.

شمس :- إسعاف شنو يا إسعاف كوة كاعد تجر النفس.

حجت مُدرسة

_ هسه راح يجي

كعدت يمها ابجي ما طول 5 دقائق ودخل عباس يركض ويا مُهرة تبجي
تعجبت منها طلعت جاية

بسرعة صيح عليهم

عباس :- كاعدات تباوعن الها؟؟ شنو من مدرسة انتوا.

بسرعة صاح علية

عباس :- جيبي عبايتها امشي.

ركضت فوك لجنطتها طلعت عبايتها ونـزلـت اركض

اخدها مني ولفها على عليها من جوا وشالها يركض ومُهرة تدك وتلطم ورا حرت شسوي وين اروح المن انطي وجهي باوعت لحوراء وحجيت..

شمس :- حوراء جنطتها ضلت فوك من تجين ويا رحاب جيبيها حبابة.

حوراء :- روحي معليج روحي.

عفتها ورحت اركض وراهم لكيتهم هستوهم يردون يرحون بسرعة صعدت بالصدر يم عباس لان مُهرة كاعدة ورا وحاطة رأس قمر بحضنـها.....