الرياض |يوم السبت |بيت الجد |ف الصاله |
الجد : وين الناس ليه البنت هدوء
الجده : والله البعض نايم والبعض ف دوامه
الجد : اجل روحي صحي البنات يسون الغدا
الجده :ابشر
عند البنات
كأنو كلهم بغرفه وحده ونايمين جنب بعض
الجده : شغلت النور يلا ي بنات اصحو صرنا الظهر
نجلاء : جده شوي خلينا ننام شوي تكفين
الجده : لا محد قايل لكم اقعدو للفجر يلا بطلع وعشر دقايق اشوف الكل عندي مانبي جدكم يعصب
الكل تمام
نجلاء :صحت وراحت للحمام تروشت وتجهزت وحطت قلوس ومسكره وبلشر ونزلت
ف الصاله
نزلت نجلاء وسلمت عليهم
الجد :وين البنات
نجلاء : الحين يجون
الجده صحو كلهم ؟
نجلاء : اي كلهم وقعدت تناظر بجدها وجدتها لين انتبهو لها
الجد : عندك شي ي نجلاء وشوله هذي النظرات
نجلاء :اي عندي ي جد بطلبك طلب بس قلي تم قبل
الجد : تكلمي
نجلاء :قلت تم طيب
الجد :تم
نجلاء قامت من مكانها وهي تجي بحضن جدها
جدي ابي نروح مخيم الأجواء بدت تبرد وتزين تكفى ي جد
الجد : اقعدو ب الحوش وشوله مخيم وشغله الناس عندهم دوامات محد فاضي للمخيمات
الجده : وهو صادق ي نجلاء محد فاضي
نجلاء :بزعل كويس
الجده : زعلتي ؟
نجلاء : لا مازعلت
الجد : كل ذاومازعلتي
الجده :خلاص ي عيون جدتك يوم الخميس بنروح نخيم لين يوم السبت كل شي ولازعلك ي يبعدي انتي
نجلاء : قولي والله؟
الجد ؛بتكذب عليك يعني
نجلاء : لاجدي بس بتأكد وباست جدتها وطلعت ركض
وهي طالعه ماحست الا اصتدمت بشي قاصي
تميم : ماعندك عيون ؟
نجلاء : هاه انت الي ماعندك ماتشوف قدامك
تميم :ومين الي جاي مدرعم
نجلاء : انت طبعا
تميم :ناظر لها وقال المهم فكينا من ذا وش فيك طالعه مبسوطه؟
نجلاء :مالك دخل وراحت
دخل تميم عندهم وسلم عليهم
الجد : بدري جاي ؟
تميم :خلصت شغلي بدري ورجعت
الجده :وكيف الشغل معاك يمه
تميم :الحمدالله كويس
الجده : زين
الجد : إلا تميم منت ناوي تزوج زي غيرك وتفتح بيت
الجده : منجد ي تميم ليه ماتزوج ونفرح فيك ونشوف عيالك
تميم : ماعندي وقت للزواج ومسؤوليته
الجد : ومتى عاد لك وقت السنين تمشي والعمر بدأ يروح يابوك تزوج وعين من الله خير
الجده :ومالك إلا البنت الي تسر خاطرك انشهد أنها أزين البنات يبعدي هي
تميم : ان شاءالله خير ومن هي البنت يجده
الجده : نجلاء بن عمك مزيونه والف واحد يتمناها
الجد : وهي صادقه ي تميم البنت عمك يقول في واحد متقدم لها واحنا نقول القريب أولى من الغريب
تميم : وهو يفكر والله كلامك زين ي جدي بس توي بدري مافكر ف الزواج الحين
الجد :فكر ورد لي خبر بكلم عمك قبل يوافق ع الخطيب الي جاي لها
تميم : ابشر ي جد يلا انا استأذنكم بروح أريح شوي
الجده أذنك معك يروحي لاتنام تغد وبعدين رح
تميم : ابشري
ف المطبخ
العنود : من بتسوي الجريش ؟
نوف : أنا بسويه
العنود :زين وانا بسوي البرياني بخاطر ثامر
عروب : يمه وش بتسوو من غدا ؟
العنود :والله يكفي جريش وبرياني وشوربه خضار
نوف : اي مانبي نسوي أشياء كثير بعدين تنرمي
نجلاء : حلو وانا بسوي لي فوتشيني
عروب : وانا بسوي سلطه
وكل واحد بدأ يشتغل
فوق جود : لمار وش فيك سرحانه اليوم :
لمار : هاه اءء ولاشي
جود: علي تكلمي وش شاغل بالك
لمار : اقولك وماتعلمين احد ؟
جود :والله م اعلم احد
لمار : زين بقولك
أنا احب لي شخص وهو مو معبرني ابد ولا شايفني من الأساس أحسه يحب بنت ثانيه
جود : السالفه فيها حب ومن ذا سعيد الحظ ؟
لمار : تميم
جود : اما تميم هههه
لمار :وش فيه تميم يعني
جود : مافيه شي بس تعرفين انتي انه مايحب احد ولا عمره لمح بعدين هو وين والحب وين كل وقته شغل و مشاكل مع الناس
لمار : اي طيب وش اسوي والله اني احبه وأعشقه
بس هو مو معبرني بعدين عندي شك انه يحب له وحده
جود : ومن تتوقعين يحب ؟
لمار : مدري بس احس أختك ملاحظه نظراته لها ودايم يدافع عنها وامس عصب علي عشانها واكل من الحلى حقها وهو م يأكل حلى وكمان شفتهم ف الحوش وهو قريب منها وقاعد يمسح دموعها ونظراته كلها حب
جود : والله اني م لاحظت ابد بعدين يالله تميم بيناظر نجلاء ؟
لمار :وش فيها نجلاء بنت زي غيرها اكيد بيناظر لها الحين ابي طريقه اخليه يغرم فيا
جود : فكري طيب ب حل
ف الصاله
تجمعو كلهم وحطو الاكل ع السفره
العنود :يلا تفضلو الغدا جاهز وقعدو كلهم
الجد : تسلم يدينكم سمو بالله وكلو
ثامر : عمتي حطيلي برياني
العنود من عيوني
سحر : بالله ذا الوقت كله ف المطبخ وآخر شي برياني وجريش وشوربه؟
سلطان: خير وبركه قولي الحمدلله
سحر : الحمدالله بس وش ذا استغفرالله
تميم : يمه خلاص مهم انه اكل
الجد : احمدي ربك ي سحر على ذا الاكل غيرك ماهو لاقيه
سلطان: وهو صادق ابوي احمدي ربك على ذي النعمه
سحر : وانا وش قلت أكلتوني بقشوري
تميم : من سوا هذي المكرونه ؟
عروب : نجلاء سوتها
ثامر اما نجلاء تعرف تطبخ ؟هههههه
نجلاء : اي اعرف ليه مب ماليه عينك وشمقت له
ثامر :هههه الا والله ماليه عيني بس ماتوقعت طبخك كذا زين
نجلاء :اطبخ زيه وانت ب ألف خير
ثامر هههههه تمام
وحط ل تميم من المكرونه
تميم : تسلم يدك نجلاء المكرونه حلوه
نجلاء :شكرا
سحر : إلا نجلاء وانتي تطبخي غسلي يدك زين اخاف على عيالي ل يجيهم تسمم ؟
نجلاء : ناظرت لها وماردت وكملت اكل
نوف : وش يعني بتطبخ ويدها وسخه يعني بعدين محد غصب عيالك يأكلون دامك خايفه عليهم ولا كنتي طبختي لهم انتي
سحر جت بتتكلم
تميم : يمه ماله داعي ذا الكلام هاذه اكل زي غيره واكيد نظيف بعدين نجلاء مهي بوسخه عندك عشان تقولين كذا
الجد :معليك منها
الجده : ماقلت لكم ان شاءالله يوم الخميس بنطلع مخيم لين يوم السبت جهزو انفسكم
سلطان :وش طراً يمه له الحين الشتاء لسه بدايته
يوسف : منجد يمه وش طرا
الجده : ابد والله نجلاء جت وطلبتنا وتعرفون ماقدر أردها
يوسف : دام طلب نجلاء عز الله عينا خير ههه
نجلاء : يبه بعدين طفش ف البيت يعني عشان كذا
تميم :وهو يناظر لها كلام نجلاء صح البيت طفش وكل أسبوع نفس الشي
الكل تمام ان شاءالله يصير خير فرحو البنات وراحو يخططون ل فعاليات
نجلاء :وهي قاعده تسقي الورد ف الحوش
تميم : وش تسوين ؟
نجلاء : هاذ ايش الي بدي؟
تميم مويه ؟
نجلاء : وين أنا قاعده ؟
تميم ف الحديقه
نجلاء :وايش جنبي ؟
تميم ورد ؟
نجلاء : اجل اسكت واقلب وجهك
تميم :الحين أبفهم ليش لسانك طويل كذا انتي ؟
نجلاء : مالك دخل وخر يلا من عندي
تميم : ماني رايح مكان بقعد هنا
نجلاء : اقعد طيب مالت بس
تميم : بضحكه هههه وش فيه وجهك قلب احمر كل ذا عصبيه ؟
نجلاء : مااالك دخل وشمقت له
تميم نجلاء بسالك سؤال واتمنى تجاوبين علي ؟
نجلاء : وش اخلص اسال
تميم : تحبين احد ؟
نجلاء : لا ماحب ومارح احب ابد
تميم : افا ليه
نجلاء : ان مافي حب صادق ب ذا الأيام كلهم حيوانين
تميم : ومن قالك مجربه من قبل ؟
نجلاء : لا ومارح اجرب بس واضحين انتم ي العيال الله يأخذكم بس وشمقت وراحت
تميم : هههههه والله مجنونه البنت هذي ههه
ثامر : هاه أشوفك تكلم نفسك واسمع حب ومدري وش أتعرف من تحب
تميم :وانت وش دخلك بعدين مااحب احد
ثامر : علي تكذب ترا نظراتك لها واضحه
تميم يعني مفضوح ؟
ثامر : مرره وهو يغني ترا راعي الهوى مفضوح ههههه
وبكذا يكون خلص البارت وان شاءالله أشوفكم بوقت ثاني ولاتنسون النجمه 💕👍🏻
