يوم الخميس | الساعه ٩الصباح
عند نجلاء صحت الساعه ٩ ودخلت تتروش طلعت ولبست بنطلون ابيض وبلوزه سودا ب أكمام طويله
حطت ميكب خفيف بلشر ومسكره وقلوس وجهزت عبايتها وطلعت تشوف أمها
نوف : كانت صاحيه ومجهزه كل شي
نجلاء : جت وباست راس أمها
نوف : غريبه صاحيه بدري ولا عشان المخيم
نجلاء : اي والله يمه عشان المخيم متحمسه له مرره
نوف : دامك متجهزه تعالي حطي المعجنات والحلويات ف السلات بروح اصحي أختك
نجلاء : تمام يمه وقعدت تجهز كل شي وتحطه ف الصاله
نوف : دخلت غرفه جود شغلت النور وفتحت الستاير يلا ي جود اصحي عشره ونص بنمشي يلا
جود : يمه بدري لسه يعني يوم آخذ اجازه تصحوني بدري
نوف : بعدين نامي بدري يلا اجهزي بروح اصحي اخوك أشوفك قايمه تسمعين
جود : اوف بس تمام تمام وقامت للحمام يكرم القارئ
نوف : راحت تصحي خالد ونزلت تحت
خلصتي كل شي ي نجلاء ؟ اي يمه خلصت بروح انزل أغراضي
نوف : طيب
_________________
بيت سلطان
صحو كلهم وقاعدين يتجهزون م عدى ثامر لسه نايم
سلطان : سحر روحي صحي ابنك بنتاخر
سحر : زين وراحت تصحي ثامر
دخلت الغرفه وبدت تصحيه وهو ولا كانّه يسمع
سحر : اقسم بالله ان لو ماصحيت لاتشوف شي مايعجبك يلا اصحى
صحى ثامر وهو يتحلطم
ثامر : يمه وش فيها لو خليتوني انام بعدين بلحقكم
سحر : قوم وانت ساكت تبي اخليك تروح لحالك بالطريق بعدين ابوك يبيك تأخذ معك عمتك وبناتها
ثامر : خلي تميم يمه سيارتي صغيره وانا بروح مع خالد
سحر : تمام
عند العنود صحت البنات ولبسو وقاعدين يحطون الأغراض ف الحوش
الجد : كل شي جاهز ؟
العنود : اي يبه جاهز إلا يبه مع مين بتروح
الجد : بروح مع يوسف وأنتم روحو مع تميم تراه نايم هنا
العنود : وين م شفته ؟
الجد : فوق ب غرفته جا امس بالليل
العنود : تمام يبه بروح اصحيه
راحت وفتحت الباب شافته صاحي وقاعد يلبس
العنود : كنت جايه أصحيك
تميم : مشكوره عمه بس صاحي من قبل أنا
العنود : اها تمام اجل يلا جيب أغراضك وانزل بنحط الأغراض ف السياره
تميم : تمام ونزل معاها وهو نازل جت بطريقه لمار وهي متكشخه
لمار : تميم من متى انت هنا ؟
تميم : امس جيت ف الليل
لمار :اها
العنود : لمار بدون كثره كلام روحي نادي أختك تجي ونزلو وهي راحت
نزل تميم وبدا يحط الأغراض ف السياره وبدا يركبون جا عمه يوسف وركبو معاه جده وجدته
يوسف : تميم تعال
تميم : سم ياعم
يوسف في مكان عندك ف السياره ؟
تميم : اي ي عمي في
يوسف : اجل ي نجلاء روحي مع تميم عشان امي تأخذ راحتها ورا
نجلاء : تقول ف نفسها مالقيت غير ذا راعي البنات وقالت تمام يبه خذت شنطتها وراحت
لمار : عسى م شر جايه عندنا ؟
نجلاء : ماني جايه ف سيارتك وركبت
وكلهم مشو وقت تميم البقاله وقال الي يبي أشياء ينزل مافيه بقاله بعدين
ونزل نزلو نجلاء ولمار معاه
لمار :عروب تبين شي ؟
عروب : اي خذي لي كندر بس وانتي يمه تبين شي ؟
العنود : لا مابي شي
دخلو البقاله وبدو يأخذون اغراضهم
نجلاء : خذت كندر وجالكسي وشبسات وعصير
خلص تميم وقعد يمشي معاها
نجلاء :خير تمشي وراي
تميم : خلصتي أغراضك ؟
نجلاء : اي خلصت
تميم : اجل تعالي بروح أحاسب راحت معاه وحاسب عنه وعنها
نجلاء : ترا عندي فلوس وأقدر أحاسب لنفسي
تميم : عارف ان عندك فلوس
نجلاء : اجل ليه تحاسب ؟
تميم : لمار خلصتي ؟
لمار :بدلع اي خلصت
نجلاء :شمقت لها ورجعت
ركبو السياره ومشو
لمار : تميم حط لنا أغاني
تميم : طيب وحط
وصلو المخيم ونزلو الأغراض وقعدو
كلهم قاعدين ب خيمه وحده بس بعدين البنات بخيمه والعيال بخيمه
الجد : هاه ي نجلاء عسى مبسوطه الحين ؟
نجلاء : اي يجد والله مره مبسوطه
نوف : ههههه والله اول مره تصحى من نفسها وبدري كمان ومن حماسها جت وساعدتني لين خلصت بسرعه
سلطان : واضح أنها مبسوطه من الابتسامه من الأذن ل الثانيه وضحكو الكل
الجد : يلا مين بيسوي الغدى
العنود : يبه خلي عيالك يسوون زمان عن طبخهم هههه
الجده : وهي صادقه يلا قومو سوو الغدى
سلطان : احنا يمه ؟
الجده : اي انتم
قالو تمام وراحو يطبخون
والعيال راحو يتمشون
البنات جود ولمار مع بعض قاعدين
ونجلاء تلعب مع ميرال بنت محمد وعروب والباقي قاعدين يسولفون
ميرال : نجلاء عادي نطلع برا نلعب ؟
نجلاء : عادي يلا وطلعو يلعبون
تميم وهو يجي عند نجلاء وش تسوين ؟
نجلاء : وش تشوف انت ماتشوف قاعده العب
تميم : وشفيك معصبه ي القزمه
نجلاء : مالك دخل مانك شايف نفسك عمود كهرباء
تميم :هههههههه وشفيك زعلتي
نجلاء : مالك دخل وشمقت له شوفي وشافت دباب
قالت تميم
قال هاه قالت شوف وراك
ناظر تميم وشاف العيال مستأجرين دبابات
نجلاء : شفت ابي دباب
تميم :ماتعرفي له انتي
نجلاء : إلا اعرف
تميم : تمام بس بعدين الحين دور العيال بعد الغدا بنعطيكم
قالت تمام ودخلت الخيمه
شوي وحطو الغدى وتغدو كلهم وحطو الحلى والقهوه وبدت السوالف
ثامر : خلونا نطلع نقعد برا الكل قال تمام وطلعو م عدى الكبار ظبطو القعده وقعدو يسولفون العيال والبنات
عروب خلونا نلعب لعبه
ثامر : تم بس وش هي ؟
عروب : صراحه و جرأه
الكل تم وبدو يلعبون جا الدور على ثامر ونجلاء
ثامر : صراحه ولا جرأه ؟
نجلاء جرأه
ثامر : امممم روحي وقولي ل تميم شي مايعجبك فيه
نجلاء :بتفكير تم راحت عنده وهو قاعد لحاله انه مايلعب معاهم وقفت قدامه
تميم : خير وش فيك
نجلاء : بقولك شي مايعجبني فيك
تميم : تمام قولي وش هو
نجلاء : انك شايف نفسك وذا الشي مب حلو ابد
ورجعت ثامر قلتي له ؟ نجلاء اي قلت له
البنات وش قلتي له ؟
نجلاء انه شايف نفسه
كملو اللعبه وبنصها جا تميم ولعب معاهم جا الدور عليه وعلى لمار
لمار :صراحه ولا جرأه؟
تميم :صراحه
لمار :في بنت ف حياتك ؟
تميم : وذا سوال ولا تدخل
لمار :سوال ذا
تميم : اي في بنت ف حياتي
نظارو فيه
وشوي وجا الدور على نجلاء وعروب
نجلاء :صراحه ولا جرأه ؟
عروب :جرأه
نجلاء : اممم روحي وقعدي جنب ثامر وانتي ماسكه يده لين يجي الدور عليك مره ثانيه عروب : مافيه غيره ؟
جود : اللعب لعب مافي غيره يلا روحي
راحت وقعدت جنبه ومسكو يد بعض وتميم يضحك عليه من بدأ وجه ثامر يصير احمر
داخل الخيمه
الجد :محمد عندي لك كلام
محمد : سم ي جد
الجد : نويت أزوجك وتكلمت مع جدتك
الكل بدأ يناظر وسحر تناظر الجد بحقد
محمد : ومن هي الي تبي أتزوجها انت عارف ان ماعندي مانع
الجد جود بنت عمك
محمد : تمام والنعم فيها
يوسف :بعد إذنك ي يبه بس اسال جود قبل
الجد :معليك بسألها أنا
سلطان:دام الموضوع ذا انفتح ترا كنت ناوي اكلمك تميم يبي بنتك نجلاء وأزعجنا يبي نخطبها له
الجد ابتسم والعنود الساعه المباركه
يوسف أنا ماعندي مانع وعيال اخواني وهم اولى فيهم
من الغريب والبنت مالها إلا ولد عمها بس لازم اسال البنات واخوانهم
الجد :ومن متى نسأل البنات إذا موافقين ولا لا. انت أبوهم والكلمه لك
يوسف بس يبه ذا زواج مو لعب ومن حقي اسألهم ومن حقهم اعرف رأيهم
سلطان : زين خذ راحتك يبه كلامه صح من حقهم يعرفون
الجد :واقولها من الحين ان ماوافقو غصب عنهم تسمعون وراح الخيمه الثانيه ينام
الجده :لاتزعلون من أبوكم
سلطان : لا يمه محد زعلان ولا لا ي يوسف
يوسف : هاه صح يمه كلام سلطان
وراحت الجده عند الجد
سلطان : لاتزعل ي يوسف وانا متفهم والبنات من حقهم يعرفون
العنود : صح كلام سلطان انت روح اسألهم الحين
يوسف : بعدين من يدخلون بسألهم
وطلعو
