وتمر الأيام سريع بعد شهرين ونص
قرب موعد زواج خالد ومنى بعد يومين
الكل كان يجهز ومحتاس
بيت الجد الكل مجتمع م عدى تميم عنده دوام
البنات فوق
عروب : نجلاء وش باقي نسوي ؟
نجلاء: هاه لا خلاص ولاشي
جود:هذي التوزيعات كلها ؟
نجلاء: اي كلها جاهزه
عروب : وش باقي بعد
نجلاء : وهي تتذكر التوزيعات جاهزه والحلويات والمعجنات حجزناها والميكب ارتست كمان كلمنها
وهذي الي أتذكرها جاهزه
عروب :اي باقي الحرمه الي تسوي لنا الحنه بتجي بعدين
جود :اجل زين كذا حلو بنزل بشوف امي
عروب : نجلاء بقولك شي
نجلاء :وش ؟
عروب : الحين حددتي زواجك ؟
نجلاء : اي والله ابوي وعمي حددو وماعطوني خبر إلا بعد م حدوو أنا وجود بنفس اليوم بعد ثلاث أسابيع ان شاءالله
عروب : اها حلو تصدقين انتي وأختك بنفس اليوم مره حلو
نجلاء:هو حلو بس أنا ماودي أتزوج ب هاذ العمر يعني لسه بدري
عروب : لا عادي والله مافيها شي انتي كبيره م انتي صغيره وعمرك مناسب للزواج ههههههه ماني مصدقه ثلاث أسابيع وبتصيري من حزب المتزوجات وان شاءالله بعدها بسنه تبدين حركات الأمهات هذيك الي تصور ولدها ولا بنتها وتكتب الله يحفظك ي وليدي ورده وقلب احمر ههههههه
نجلاء:حيوانه ههههههه بنشوف ترا قريب وبنشوفك عروس ولا ناسيه 😉
عروب : هاااه لا ماني ناسيه بس لسه افكر يعني هو صح ثامر كويس والف بنت تتمناه بس
نجلاء :وش بس ؟
عروب :مدري بس احس أتسرع بموضوع الزواج يعني
نجلاء: طيب هو يحبك ويبيك بالحلال عادي
عروب : طيب ماودي اوجع راسي وتعالي وريني فستانك
نجلاء: تمام تعالي وراحت الغرفه وطلعت الفستان ورتها كيف بس ؟
عروب :وااو يجنن ي حيوانه وبعدين اللون ماقد لبستيه بيطلع خيال عليك ماالوم تميم هههه
نجلاء:كلي تبن انتي وياه
عروب : وتزعل تراه قريب بيكون زوجك
تحت الكل قاعد ويسولف ب أمور الزواج
الجد : كل شي جاهز مب ناقص شي متأكدين
يوسف :اي يبه كل شي جاهز قال زين
وطلعو للمسجد يصلون العصر
البنات صلو وخلصو وجت الحرمه الي تسوي الحنى ومعاها بناتها
سلمت وقعدت
نوف : ماشالله مين هذول الحلوين بناتك ؟
الحرمه : اي بناتي هذي الكبيره لمى والثانيه لجين
نوف :ماشاءالله الله يحفظهم لك ويسوون حنا كمان ؟
الحرمه : اي عشان كذا جبتهم معي
قالت تمام وشوي وجو البنات وبدا يحطون الحنا اول شي الكبار بعدين هم
بدأت جود ولمار ونجلاء وعروب يضيفون الحريم ويحطون القهوه والشاي
خلصو وجا دور نجلاء وعروب قعدو وكل وحده بدت تقول الرسمه الي تبيها
وبدا يحطون شوي وجا تميم يدق الباب الجده مين ؟
تميم :أنا ي جده
الجده :تميم قال لي قالت له في حريم لاتدخل
الحرمه نزلت نقابها وقالت عادي خليه يدخل بناتي مايتغطون
قالت له الجده ودخل سلم على جدته وعمته وزوجات أعمامه وجا بيطلع وقفته امه
البنات
لمى وهي تهز لجين شوفي يجنن
لجين وهي تناظر يمه ي جماله فديته تقولين متزوج
لمى : ماتوقع بس شوفي دكتور وجميل
لجين : تتوقعين اذا شافني بيتزوجني تراني جميله ومناسبه له ولا ؟
لمى :اي اي
نجلاء وهي تناظر لهم بحقد ووخرت يدها منهم وقامت
انصدمو منها الجميع
لجين يمه شفيها هذي
لمى : يمكن ماحبت الحنى
عروب : لا حبيبتي حبته بس ترا انتي وأختك تتكلمون عن خطيبها وش تبونها تسوي يعني ؟
لجين : اما خاطب ياحظها بس هههه
خلصو وطلعو ورتبو المكان
نوف راحت تدور ورا نجلاء وشافتها منسدحه
جت وقعدت جنبها وقالت لها وش فيك تعبانه ؟
نجلاء: لا يمه ماني تعبانه نوف اجل وش فيك
نجلاء مافيني شي بس متضايقه شوي
نوف وليه متضايقه احد مسوي لك شي
قالت لا وقالت ل أمها السالفه
نوف :هههههههه تغارين يعني ؟
نجلاء:لا م اغار بس مابي يتكلون عنه
نوف : طيب هذي مب غيره يعني مهم معليك منهم ونامي ورانا شغل بكره
نجلاء : تمام ونامت
طلعت أمها ونزلت تحت
شافت يوسف وسلطان وعياله والحد والجده
سالت الجده هاه شفتي نجلاء
نوف اي شفتها
الجده وش فيها اجل
نوف بضحكه وهي تناظر تميم ولاشي مافيها شي بس البنت غيرانه ههههههه
يوسف :ومن وش تغار ؟
نوف : ولاشي بس بنات الحرمه الي جت اليوم كأنو يمدحون تميم ويتغزلون بجماله وهي زعلانه
ضحكو الكل وتميم مسوي مايسمع وهو داخله مبسوط إنها تغار عليه
سلطان :قولي لها لاتغار ولاشي ف الأول ولا ف الأخير
تميم لها
ثامر : سمعت طلعت تغار هههههههه
بندر : هههه متوقع كل شي إلا ان نجلاء تغار على ابو عيون هاذ هههه
تميم : انقلع انت وهو بس
محمد :وهو صادق ترا
تميم :ناظر لهم وقالت اذلفو عني بس وراح
ضحكو وكل واحد راح غرفته
تميم وهو قاعد يتسحب ل غرفه نجلاء بدون محد يشوف
دخل وقفل الباب وراه
مشى لين عندها ومعه فلاش الجوال حطه ف وجهها وهي صحت منخرعه
نجلاء : وهي تفتح عيونها يييمه من انت ؟ جت بتصرخ
تميم بهمس بس اسكتي أنا تميم
نجلاء :كذاب
تميم والله اني تميم شفيك
نجلاء اشوف حط الفلاش على وجهك
حطه تميم وتأكدت وقالت وش فيك وش تبي ؟
تميم :ولاشي بس سمعت انك زعلانه
نجلاء : وأي زعلانه وش بتسوي يعني ؟
تميم : افا وش هذي نبره الصوت الزين زعلان منجد
نجلاء:تميم ترا ماني رايقه لك ابد
تميم : لييه
نجلاء :وتسال ليه ولك عين بعد تشوف في حريم وتدخل تسلم عشان يشوفونك ماتستحي انت ؟ انقلع برا يلا قدامي
تميم :والله مب قصدي كذا
نجلاء :ووش قصد حظرت جنابك ؟
تميم : نوني خلاص اسف والله بس اني سلمت عليهم والله م انتبهت لهم ولا ناظرت من الأساس
نجلاء :زين بس لاتنعاد
تميم : امري راضيه الحين ؟ نجلاء. لا
تميم قرب منها وباس رأسها وقال اسف مارح تتكرر
نجلاء :خلاص رضيت اطلع ل يشوفك احد ويفهم غلط
قال تمام وباس يدها وطلع ونامت وهو كمان
