وتمر الأيام |يوم الأربعاء الساعه ١٢الظهر بيت الجد
الجد : وش صار على الاكل ي العنود
العنود : جاهز يبه بس انتظر البنات يجون من المدرسه
الجد : تمام وين حصه
العنود : ف الحوش يبه
الجد : زين وراح لها
الجده : كانت قاعده تسقي الورد
الجد :حصه
الجده : امر
الجد : اقعدي بقولك كلام
الجده قعدت عسى ماشر
الجد : صار لي أيام افكر ف موضوع
الجده :وش هو ؟
الجد : محمد ملاحظ عليه ذايق من فتره ومبتلش ف بنته وبيني بينك فكرت أزوجه
الجده : وانت صادق الولد ذايق وزعلان وبنته بدأت تكبر وتحتاج ان تنتبه لها
الجد : ايي عشان كذا قررت أزوجه
الجده : من ؟
الجد : جود بنت يوسف
الجده : والنعم فيها بنت زينه وقد المسؤولية بس تهقى يوافق يوسف ؟
الجد : وين بتلقى احسن من ولد عمها رجال والف بنت تتمناه
الجده : زين زين على خير ان شاءالله بكره من نتلاقى بالمخيم افتح الموضوع معاهم
الجد : ان شاءالله
ف الصاله
العنود : حطت الاكل وجهزت كل شي
رن الجرس وراحت تفتح الباب
العنود : مين
عروب : احنا يمه
العنود : زين وفتحت الباب
لمار : اوف متنا حر يمه دبري لنا سواق
عروب : منجد يمه
العنود : ادخلو بس ويلا غيرو ملابسكم حطيت الغدى
البنات تمام وطلعو
———————————-
بيت يوسف
نوف : ي نجلاء يلا اصحي
نجلاء :يمه مابي بس خمس دقايق
نوف : يلا قومي بنروح السوق نجيب اغراض
نجلاء : خذي جود
نوف : أختك بالشركه مع أبوك مافي غيرك يروح معي
نجلاء : تمام
نوف : يلا بنزل أحط الاكل اخوانك جو تروشي وانزلي
نجلاء : تمام وقامت تروشت وسوت روتينها اليومي ولبست ونزلت
خالد :بدري صاحيه
نجلاء: وانت وش عليك
خالد : كلي تبن وتعالي كلي
نجلاء : يمه شوفي ابنك
نوف : بس انتي وياه وكلو
نجلاء : تمام
خالد : يمه على العشى سوي بشاميل
نوف : من عيوني
خالد : يمه علمي بنتك الطبخ مردها تزوج وترجع لنا
نجلاء : مالك شغل بعدين روح شوف خطيبتك اندومي ماتعرف تسوي وتجي تتكلم
خالد : جد يمه ماتعرف تطبخ ؟
نوف : اي ماتعرف تطبخ
نجلاء :شفت كل وانت ساكت
خالد : يمه متى بتزوج طفشت ترا
نجلاء : يمه جد ابي زواج عشان اكشخ
نوف : دامك جاهز كلم أبوك
خالد : اي يمه جاهز
نجلاء : ومتى تبيه ؟
خالد : مدري بس قريب
نوف : يعني شهرين كذا ؟
خالد : اي يمه
نجلاء : الله اجل خالد كلم ابوي من يجي ابي مناسبه
نوف : تمام يلا كلو بسرعه عشان نروح السوق
ا————————————————————————
الشركه
يوسف : يلا ي جود تأخرنا
جود : اصبر ي بابا بجيب أغراضي
يوسف : تمام يلا انتظرك ف السياره
وراحت تأخذ أغراضها وهي نازله ركض إلا تصدم ب احد
جود : أفف اعمى ماتشوف ؟
محمد : ومين الي صدم ب الثاني أنا ولا انتي
جود : انت من غيرك يعني قلك دكتور روح صلح عيونك
محمد : أصلحها ؟ سياره هي
جود : اي سياره و وخر يلا من قدامي ابوي ينتظرني
محمد : عمي طلع ؟
جود : اي طلع ف السياره
محمد : تمام بروح له
جود : تمام
ف السياره دخلت جود وقعدت ورا
يوسف : ليه قاعده ورا ؟
جود : محمد يبيك
يوسف : وينه وش يبي ؟
جا محمد وفتح والباب وقعد يتكلم مع عمه
__________________________________
ف المول
نجلاء : يمه ناخذ هاذ ؟
نوف :بالله
نجلاء : وش بالله يمه عادي
خالد : اقول رجعيه قبل يجيك كف صاحيه انتي من يجيب شريط للبر
نجلاء : وعادي وش فيها
خالد : امشي وانتي ساكته
نجلاء : أصلا غلطانه اني جيت معاكم
خالد : احسن مالك داعي من الأساس لو انك قاعده ابرك لك ولنا
نجلاء : شمقت له وراحت تأخذ لها فروه
خالد : هههه الله لايبلانا بس
