خلصو البنات وكل وحده رجعت غرفتها
جت نجلاء بتنام جتها رساله من تميم انه يبيها تجيه
نجلاء: جود بقولك شي
جود :وش
نجلاء: تميم يبيني اجي عنده بروح وانتي قفلي الباب ونامي تمام
جود :وانتي بتنامي عنده ؟
نجلاء: ايي
جود واذا شافك احد ؟
نجلاء عادي صار زوجي
جود تمام اجل روحي وأنتبهي لاتتمادين معه تسمعين
نجلاء :اي اي تمام
راحت وجود قفلت الباب
مشت نجلاء لين الغرفه
فتحت الباب ودخلت وقفلت الباب وراها
شافته منسدح ع السرير قعدت جنبه وقالت وش تبي
تميم : أبيك
نجلاء :بس ب أدب تمام ؟
تميم : ابشري فتح يدينه عشان تجي بحضنه قربت منه وحضنته حطت راسها على صدره وغمضت عيونها
تميم رفعها له ومد بيده يمسح على شعرها وبدا يسولفون
نجلاء : تميم
تميم : عيون تميم
نجلاء: خايفه احد يجي ويشوفنا
تميم لاتخافين أنا زوجك مب رجال غريب حتى لو شافونا محد راح يتكلم
قامت من حضنه وقالت له احلف
قرب منها وقال والله
نجلاء احلف كمان
تميم بضحكه والله
نجلاء زين وانسدحت
جا تميم وقرب منها وبأسها
انصدمت نجلاء وجت بتوخره بس رفض
غمضت عيونها وهي تحط يدها فوق شعره
شوي وبعد عشان تتنفس وحضنها ونامو
الصباح جت نوف تفتح الباب شافته مقفل
دقت الباب لين فتحت جود
دخلت وقالت ليه مقفله الباب و وين نجلاء ؟
جود : هاه راحت عند تميم تنام
نوف : متى راحت ؟
جود : امس بالليل بس ترا أنا كلمتها وقلت لها لاتتمادين معه وهي فهمت
نوف :كويس وانتي فهمتيها وطلعت
وهي طالعه تشوف سحر داخله غرفه تميم
وقفتها وهي تقول العيال نايمين مع بعض
سحر :تميم ونجلاء؟
هزت راسها نوف ب اي
ضحكت سحر وقالت شافوها فرصه عشان ينامو مع بعض
ضحكت نوف وقالت تشوفين
سحر بدخل أشوفهم تعالي
فتحو الباب ومشو لين السرير شافو نجلاء وتميم حاضنين بعض ونايمين
سحر من أتذكر اني كنت بخرب حياته اتفشل من نفسي والله ماكنت متوقعه يحبها كذا كنت بشوف ولدي قدام عيوني وهو حزين لو ماكنت رجعت ل عقلي ماكنت بشوفه مبسوط كذا ناظرت ل نوف وقالت لها اسفه مره على كل شي سويته لكم وعلى كل كلمه طلعت مني
نوف عادي ي حبيبتي كلنا نغلط والحمدلله انك شفتي غلطك وصححتيه وعندك فرصه لسه تعوضين عيالك وماترفضي لهم شي حضنتها وطلعو من الغرفه
نزلو تحت وجهزو الغدا بدأ الكل يصحصح
تجمعو الكل وبدا يأكل خلصو اكل وبعدها كل واحد راح ل شغله
عند بندر رجع من الشغل وراح عند ريم شافها نايمه وبحضنها غيداء صاحيه وفهد كمان نايم
اخد غيداء وبدا يلعب معاها ليين بدت تغفي عطاها حليب ونامت رجعها سريرها وراح الحمام تروش وغير ملابسه ودخل الغرفه على ريم وهي قاعده قعد عندها وقال بسم الله شفيك وش مصحيك تعبانه؟
قالت لا بس حسيت عليك وصحيت جوعان أحط لك اكل ؟
قال لا يعمري اكلت قبل اجي انتي أكلتي قالت اي اكلت بس فهد رفض يأكل منتظرك
بندر:ونام جوعان ؟
ريم :اي والله حاولت فيه رفض
بندر :بروح بجيب اكل وبصحيه يأكل
ريم:واذا مارجع ينام ؟
بندر :معليك بينام ارجعي نامي انتي
قالت تمام
نزل بندر المطبخ فتح الثلاجه طلع توست وطلع بيض بدأ يسوي اكل وخلص وطلع صحى فهد شوي شوي لين صحى باس رأسه وأخذه
نزله تحت وبدا يأكله وفهد زعلان عشانه تاخر
بندر:كل ي بابا يلا
فهد:لا مابي شي
بندر:ولييه
فهد: انت ليش تأخرت علي وجابت لي هديه معاك
بندر:أنا تأخرت عشاني رحت اجيب لك الهديه مب انت تبي دباب
فهد :يس
بندر :جبته لك يلا كل عشان أوريك ياه
فهد :ونلعب فيه ؟
بندر :لا بكره نلعب الحين الوقت تاخر بس أوعدك من تنام وتصحى بنلعب أنا وانت
اكل بسرعه وهو يخلص ويطلع ركض للحوش شاف الدباب وقعد يصارخ
جا بندر وسكته وقال له خلاص يلا ننام بكره نلعب فيه
هزت رأسه بمعنى ايي وطلعو نامو
