بلا منطول عليكم اصحاب هاف فاان 😍
✨✨✨✨✨✨✨✨✨✨✨✨✨✨
Elyas's pov:
نهار وطول وانا مش قادر نركز مع وش راه يصرا قدامي تحيرت على ملاكي وغفلت وش كان يصرا في الساحة نتاع التدريب...كي قالي امين رايح يشوف جماعة نفاصلت عالتدريب مكنتش مدرك لوش راه يقول مديتلو الاذن باش يروح وخلاص شوي شوي شفت زوج ذراري لي ميصلحو لوالو راجعين من خلف المخزن ومشمخين؟؟تفاجأت مع لول من بعد فقت بلي كانت حالة تنمر...معندناش قانون خاص يعاقب المتنمرين عندنا كامل رجالة واذا مكش قادر دافع على روحك كيفاش حدافع على غيرك... عادة تتحل المشكلة بين المجندين ولا يدخل قائد بدون اي عقوبات رسمية،متعود نحل نوعية ذي المشاكل مي امين منيش عارف كيفاش حيصرف...شفتو جاي يجري هو ثاني من نفس لبلاصة لحق ليا وسترجع النفس نتاعو بالخف مي باين عليه مخلوع؟مصدوم؟ومتوتر؟؟عاودت طلعت راصي نلقا خمس خرين جايين من نفس لبلاصة...سقسيتو اذا كشما صرا وقالي مكان والو؟؟حكمتني قلقة في ذيك الدقيقة اذا تحت عيني يتعرض واحد يخدم عندي لديرونجمو منفوتهاش !! ميقليش هوا وش صرا نلقا وحداخر يقلي،رحت لهذوك الخمسة لي زاهيتلهم وقفت عند روصهم خزرو فيا كامل جا حيهدر واحد فيهم قاطعتو قبل ميتنفس منيش حاب نسمع اصواتهم
الياس:اوقفو في وسط الساحة
العمالقة الخمسة:حاضر شاف
قعدت ستنيت شوي لانو مش هوما لي حنخرج منهم الهدرة شفت هذو الزوج ذراري لي ميصلحو لوالو راجعين عيطتلهم وساميتهم لصحابهم تستفو كامل يخزرو فيا بففف شياه(اغنام)
الياس:خصني تقولولي وش صرا هذوين في خمس دقايق متهدروش تتعرضو في سبعة للطرد من هنايا...
قعدو يشوفو في بعضاهم وان صح التعبير الخمسة لولين قعدو يشوفو في الزوج لخرين...واحد محب يهدر صحا انا نعرف كيفاش نطقهم
الياس:اسمع نتا وش اسمك
لي ميصلح لوالو2:عمر بطبطبط
الياس:صحا عمر وصاحبك وش اسمو
عمر: صهيب طرطرطر
الياس:صحا صهيب كن متهدرش نعري عمر!
شفتهم قعدو حالين فامهم ويشوفو فيا نلعب معاهم وقيلا؟!!
شوي شوي صهيب هدرلي كلش حتى لوين راحو وبقا امين وحدو مع هذوك الخمسة...مغدرش بصاحبو ذي لقطة عجبتني حبيت نقلو راك خيرت لاختيار الصحيح بصح منيش قاعد قعاد الموتيفايشن للذر،سبتت هذوك الزوج وقعدو قدامي ذوك الخمسة
الياس:ايا ضكا شكون يكملي لحكاية؟لي يكملها يسلك من العقاب...
مجيت نكمل هدرتي ننطق واحد فيهم
البياع:شاف فلان(ساعفوني خلاصولي افكار نتاع اسماء🙃) تحرش بالنائب نتاعك
هاه؟؟...
Amin's pov:
شفت الغاشي تجمعو في لبلاصة لي كان فيها الياس وذوك الجماعة وحسيت بالتغير في الجو لي يحيط بيهم قررت نزدم ونشوف وش راه صاري لحقت ثما نلقا ربعة من ذوك الخمسة طايحين فلارض ودم يسيل من وجوهم والياس حاكم الخامس طايح عليه بالضرب...اييووو وش راه صاري لهنا كيفاش نلحق لذا الوضع وهووو...تخلعت مع لول من بعد قدمت باش نفرق الياس على لي كان حاكم يضرب فيه لانو بان بلي السيد فقد ديجا الوعي نتاعو وخفت كشما يصير بيه ونعودو في مشاكل خلاف...
امين:شاف شاف الياس...اليااس بعد عليه صايي حبس
قدمت من الياس وسييت نجبدو من ذراعو وانا نهدر معاه مي مقدرتش نفكو منو وحدي، درت للي كانو واقفين يتفرجو وقلتلهم يعاونوني،تحامينا فشي ربع عباد باش نبعدوه وزوج خرين حكمو العملاق الخامس جبدوه بعيد و بالمناسبة راهي تمحات الفورمة نتاع وجهو حاليا💀...شفت مليح في وجوه لي كلاو قتلة من عند الياس ومن بعد تفكرت نتفقد الحالة نتاعو لقيتو مزال ثاير ويبان فاقد للوعي كثر من كونو صاحي قربت منو وسييت نكالميه
امين:الياس صايي مكان والو راك ربيتهم ميسحقش تتقلق كثر...
الياس:لاه مقتليش؟؟
قاطعني وعيط في وجهي بطريقة خلاتني نرجف في بلاصتي اول مرة نشوفو هكذا مختلف تماما على الشخص البارد لي نعرفو،عرفت بلي مهوش حيتكالما هكذا قررت ندبر راسي معاه وحدنا بعيد على المجندين لي حاطينها سينيما!!
امين:صحا نروحو نهدرو في بلاصة خرا معليش؟!
شفتو بدا يرجع في النفس نتاعو ويسيي يهدي في روحو
الياس:تبعني!
حي عليا النهار هذا حالف ميكملش على خير،طريق كامل وانا نخمم كيفاش نحلها بلا ميعاود يتقلق مخصنيش ناكل انا ثاني ضرب كيما لي داوه الخمسة هذوك...وانا نخمم مفقتش لحقنا للبيرو نتاعو دخلنا كيف كيف هو وقف وخلفو البيرو نتاعو قد قد وانا وقفت بعيد عليه شوي وقعدت نستنا فيه يهدر...
الياس:ضكا راك واجد تقلي وش كاين؟
امين:ايه...
🦗🦗🦗🦗🦗🦗🦗🦗🦗🦗🦗
أنت تقرأ
PiNkyyCoffEe~
Romanceالقصة حتكون احداثها في تونس بت حنكتب باللهجة الجزائرية لاني فنيانة نكتب بشي غيرها🥰 القصة bl وكامل عارفين وشنو هذا لي ميعجبوش ميدخلش يقرا💋 تكملة الوصف فاول شابتر تشااوس🎀
