وربي اني مقلشتكم😼كي العدة نبداو ديركت💋
✨✨✨✨✨✨✨✨✨✨✨✨✨✨
Noura's pov:
قبل يومين:
من دخلت السوسة مرت بني زعما لدار وهي الحية مقلبة،كن جات شادة سباعها كي الناس رانا هازين ولادها ومطيشناهمش للحضانة هذي وهاه جاها الوقت وسحقتني فيه،ليوم عندها هي وولدي مناوبات ليلية ولولاد حيباتو عندنا...نقلكم حاجة انا ولاد بني نعزهم وحاجة متبدلني عنهم مي كن جات مهم عابد راهم عندي نهار وطول واناااا مرا بشغالاتها ثاني...اففف قلتلهم منهزش ولادكم من بعد قعد ياكل فيا راصي غاضوني لولاد مساكن يروحو يتمرمدو عند الناس...تفكرت هذاك الشباب الياس كن مجاش بفاميلتو وجات عندي طفلة راني زوجتهالو تبارك الله عليه يدي ويجيب في بنتو ولسانو حلو وعاقل ويحشم مع لكبار وميردهمش،مسكين ديما يبان عليه التعب في وجهو...
نورة:عووثمااااان تيليفونك راه يصونيي ومتنساش ضكا نروحو نجيبو لولاد تعود تجيك كاش طريق ثان...
عثمان:ياااو سمعت...آاالو...
الياس:امس الخير عمي عثمان عرفتني؟
عثمان:اييه الياس ولدي امس الخير وشراهي حوالك؟
الياس:في رحمة عمي عيطتلك قاصدكم وحاشم مش عارف كيفاش نهدرلكم...
عثمان:قول يا بني يخي تفاهمنا تسحقنا تلقانا...
الياس:عندي جنازة قايم بيها ومنقدرش ندي ملك ذي الليلة اذا تقدرو تحكموها عندكم وتحملوها...
عثمان:لي فيها خير يا ولدي هم ولاد ولادي ثاني راح يقعدو عندنا واحد زايد كلي مكانش متتحيرش عليها يخي نورة؟
نورة:هات التيليفون...كي راه ولدي عظم الله اجركم... متتحيرش على ملك راهي عندي كي بنت بني ولغدوة هانا نديوها مع لولاد ثاني متتحيرش عليها خلاص
الياس:ربي يحفظكم عمي وطاطا غدوة هاني نديها من عند الحضانة ديركت،خيركم مننساهش
عثمان: بلا مزية ولدي تصبح على خير
الياس:ونتم من اهلو...
نورة:اسمع يا راجل الطفل هذا يا مرتو ماتت يا مطلق وانا نقلك
عثمان:بسم الله كيفاش عرفتيها ذي؟؟
نورة:شكون يخلي بنتو عند ناس عندو يومين من عرفهم هذا باين دارهم مكانش ولا معاديينو ومرتو كيف كيف...مسكين وانا نقول الطفل لاه يبان عليه التعب هذا راه يربي في بنتو وحدو...
عثمان:استغفر الله عند نهار نحصلو مع استنتاجاتك هذو ربي يكون في عونو وخلاص وجدي روحك نروحو نجيبو لولاد...
ديما يكذبني ومن بعد تطلع عندي حق كن جاو يصدقوني رانا رابحين فذي الدنيا...لحقنا للحضانة لقيناهم وجدولنا لولاد في ثلاثة شكيت الياس هدر معاهم، هزيناهم حطيناهم من لور وقعدت معاهم نعس فيهم ايووو ياعمري ياعمري ملاايكة في ثلاثة...ملك زينها زين وعقالتها تفرجك مشكيتش حيتعبونا ذي الليلة وصح متعبوناش سيرتو البنوتة الجديدة هذي قول من زادت وهي فدارنا كي تزرب توالف الديار سبحان الله...الغدوة الصباح ديناهم في ثلاثة للحضانة ايي وبكاو شوي عليا ههه يحبوني لولاد الصغار وامين ولدي جا كيفي ديجا تفكرتو معرف وش راه ذاك الطفل من يروح يخدم ميهزش تيليفون يعيط ومن بعد كي يروح يقعد يجيح في روحو فطرفي معرف وقتاه يكبر ويدير دار كي الناس...عاود عثمان عيط لالياس يطمنو على بنتو بانلنا الطفل بلا التيليفون راه مطمن فرحت الصراحة حط فينا الثقة نتاعو وذي مش حاجة ساهلة...
Elyas's pov:
بعد يومين:
غدوة العطلة نتاعنا وسقسيت امين وش راح يدير فيها قالي حاب يرجع لبيت باباه يقعد معاهم شوي...بفف وليد ماما يبان...هو ميبانش بصح انا بانلي هكذا...كل مرة نركز فوجهو نلقا ملامح نتاوعو يشبهو بزاف لنتاوع طاطا نورة...حبس تشوف صافي يشبه لنسا ولا كيفاه؟؟؟امم نو هو جاي عادي مثلا عينيه بنيين وجاين كبار وحادين فنفس الوقت بشكل رجولي بصح كن يدير لكحل تحسبلك نتاع مرا...نيفو جاي عادي ثاني مسقم رجولي بصح ماضي شوي لي يخليك تحسو ثاني نتاع طفلة؟؟
اااههه خصني نحبس منتفرج فيه فاقلي ومنيش حاب يتوسوسلي...اه لاه يتوسوسلي!!هاااه...مكان لاه نكذب على روحي عندي اهتمام بيه ميي تبانلي اهتمام برك لانو جاي مثير...
للاهتمام زحي وش المثير في الموضوع كن نكمل نفكر نعميها نحبس خيرلي...ايه نرجع للعطلة، خصني نشري كاش حاجة نديها في يدي كي نزور طاطا وعمي عثمان وندي معايا ملك ثان؟منيش حاب نديها للحضانة هذو ليومين تقعد معايا خير... توحشتها...ندي معايا بوكي ورد وحلوة لطاطا ولعمي نديلو ريحة وقندورة وسواك،شفتو يهتم بالمظهر نتاعو كثر من الناس لي في عمرو عادة فكرني بامين تحفيفة نتاعو ديما مفيهاش غلطة...اف نروح نروح ونرجع نفكر فيه...زعما راني حاب نزوج وليت من جماعة لي طاح في المقلا يتقلا؟؟ذي سبابي تالي لاه راني ندير هكذا؟؟!...هااه خصني نحبس كذب على روحي...
خلاص ليوم وانا غير نخمم كي العادة وامين مهوش لاتي بيا... (ويخبط البيرو) لاه يلتا بيا ديجاا!!...اا تحمست وخلعتو...
امين:كشما كاين شاف؟
الياس:لا مكان والو وش راك دير؟
امين:قريب نكمل خدمة نتاع ليوم...
الياس:حاب نشرب قهوة تروح معايا؟
امين:...ا..ايه.....
الياس:هيا...
بفف راه يبان مخلوع زعما نكون فاجأتو؟؟ايي ويي ونت لاه مكش لاتي بيا...طاح عني سطل ما كي عاودت فكرت فوش درت...تحمست شوي لا؟...شكون يشرب قهوة على السبعة نتاع لعشية؟؟...ايه عادي مهم جا معايا...ااه وهذي لي قلت نحبس منخمم فيه!!
أنت تقرأ
PiNkyyCoffEe~
Romanceالقصة حتكون احداثها في تونس بت حنكتب باللهجة الجزائرية لاني فنيانة نكتب بشي غيرها🥰 القصة bl وكامل عارفين وشنو هذا لي ميعجبوش ميدخلش يقرا💋 تكملة الوصف فاول شابتر تشااوس🎀
