PiNkyyCoffEe~

mission?

حيكون شغل ارك من ذا الشابيتر لوين يخلاص مدري ميبي 4 فصول ولا باش نرفع الضغط كل نهاية بارت سوو لي ميحبش يطيح فذاك الموقف يستنا لشابيتر اسمة mission the final ويقرا الارك على ظربة🤗وكي العادة هاف فان💋
✨✨✨✨✨✨✨✨✨✨✨✨✨✨

Amin's pov:
خلاصت العطلة ورجعنا للبيرو والخدمة والروتين... ايه الروتين...
الصباح نبكرو ندو ملك للروضة ، نشرو قهوة من الطريق، نصبحو نخدمو،نفس وش كنا نديرو من قبل بريتم ثقيل شوي؟ لغدا عدنا مناكلوش فريسطو ويديني كل مرة وين...توحشت الريسطو... العشية نكملو بكري اممم انا نكمل بكري والياس يدي وش بقالو معاه،نجيبو ملك ونرجعو نروحو لدار باش ندير لعشا!مفهمتش كيفاش نقصت عليا الخدمة؟؟وعلاه مناكلوش في الريسطو غدا نهار الثنين يديروه بنين ديما...حسيتو يحاول يعتني بيا اذا عرفت نوصف كأنو يحوس يثبتلي بلي معاه حياتي حتكون افضل؟...منيش حاب هكذا...مشكلة قاعد يضغط في روحو...
امين:الياس...
الياس:...
...هااه كنت عارف...عندو ساعة وهو يخدم على ذوك لوراقي ومخلانيش نقرب نعاونو...
امين:اليااس!!
الياس: اه...ااه امين...كشما تحتاج نجيبلك؟
امين:لالا...ديجا نقلك مكان والو كمل وش راك دير...
الياس:ها؟...
نورمالمو يفهم وحدو بلي مش ذي نوعية العلاقة لي رانا حابينها بين زوج...
الياس:...امين عينيا كشما خصك؟وش كاين؟علابالك بلي منيش حنردك فاي حاجة...
امين:نو مكان والو...كمل خدمتك وانا نروح نتلاقا ادم عندي بزاف مشفتوش...
خرجت قبل منسمع وش راح يريبوندي علابالي ميخلينيش نروح كن منهربش...ادم يضال في نفس البيرو مش صعيبة باش نحوس عليه نروح نشاورو وش لازم ندير قبل...
امين:ادم وليدي راك تخدم
ادم:لالا بيبي راني نخصي في الوز كيما راك تشوف
امين:اسكت برك نحوس ندي من عندك استشارة
ادم:منيش دوكتوغ انا انفوغماتيسا بب...وش راك دير لهنا علاه مكش خدام
امين:مكانش خدمة طبيب البيسيات...اسمعلي... وقلي وش الحل...
ادم:انطق برك
امين:امممم عندي واحد صاحبي يخ...راه طايح فيه واحد ويحبو سيريو يخ...ايا وهذا صاحبي نورمالمو ثاني هوا معجب بيه،مي هذا السيد تحمس ويحوسو ميدير والو غير يتفرج فيه وهو يخدملو خدمتو اكل...ايا وهذا صاحبي مش حاب تكون علاقتهم هكذا يحس روحو يستغل فيه... بصح معرفش يوصلو ذي الفكرة مع العلم انو هذا السيد راصو شوية خشين بزاف... فهمتني؟
ادم:صاحبك انا هذا نعرفو؟😑
امين:نو😶
ادم:صحاااا والسيد هذا ميبداش اسمو باللام؟
امين:لا يبدا بالالف!؟
ادم:صحااا صحااا...قل لصاحبك هذا يدبر راصو مع حنونو لاه يكسرلنا في روصنا حنايا وقلو متخليهش يفتحك بالخف برك
امين:...شبلق(صوت صقلة)متهدرش هكذا...عندك حل ولا لالا؟
ادم:ااه وجعتني...معنديش حل...عندي بصح منيش عارف...
امين:اهدر برك...
ادم:هو اكيد راه يصرف هكذا حسبتلو نتا...قصدي صاحبك مهوش صح مهتم بيه يسماا قلو يحاول يبينلو بلي راه مهتم بيه بلاك بعدها تسهال عليك... لازم عليه يفهمو كيفاش حابو يعاملو...
امين:صحاااا!!ضكا نقولهالو باي...تهلا في روحك حنوني
ادم:نتا ثاني صديق
كنت عارف نلقا عندو حل راصو مليان بكلش مالڨري عزبة برك،قررت نرجع لالياس ونسيي نهدر معاه بلاك نلقاو حل...فيا طبيعة كي ديرونجيني حاجة ونكون عارف بلي لي ديرونجاني راه قاصد حسن ناية منعرفش كيفاش نتصرف ونصارحو بلي مكان لاه يدير ذيك الحاجة لي راهي ديرونجي فياا!!اااه... وقيلا عندو مفهوم غالط على علاقة بين رجال؟؟؟... لحقت للبيرو بالخف دخلت ديركت لقيتو واقف؟يستنا فيا!...هدرنا فنفس الوقت
امين:الياس...
الياس:امين...
امين:صحا ابدا نتا خير...
Elyas's pov:
زعف؟...تقلق مني!!...لاه وين غلطت...خرج وخلاني وراه... وراح لصاحبو من فوق؟...دنية دارت بيا متخيلتش روحي فموقف كيما ذا عرفت بلي قادر نخسرو في اي لحظة ولازم نلقا حل قبل متتفاقم المشكلة...نخسر الفرصة نتاعي باش نكون معاه... وبلاك منقدروش نرجعو كيما كنا...ويمكن حتى يكرهني... ذو لافكار بقاو ينهشولي في مخي،منيش واجد باش نخسر اول شخص ولخر ليا...وراح لصاحبو!!!ذي لي صدمتني،بدلني بصاحبو فاول مشكلة بيناتنا؟...طول مرجعش...هااه فاتو 10 دقايق شغل عمر عليا،اخيرا رجع...اه نبدا انا...منيش عارف وش نقول...
الياس:زعفت مني؟...فواش غلطت معاك؟
امين:اا...ايه زعفت...هي مش حاجة كبيرة بزاف عادي برك يسماا شغل مزعفتش!...بصح زعفت...
الياس:...
فهمت وش كاين وقيلا...
الياس:علابالك لانو مهتم بيك وحابك تعتمد عليا... مي اذا معجبوكش تصرفاتي معاك قلي ليا انا، متروحش تشكي لواحد وحداخر...
امين:...غرت؟
الياس:...ايه
امين:من ادم؟؟هههههه رحت سقسيتو وش لازم ندير برك،خفت نغلط معاك في الهدرة...مش لازم تقضيلي كلش...اممم نتا ثاني تقدر تعتمد عليا كثر...
فشلني...ضري ودوايا...جامي سييت نعتمد على بنادم في حياتي،فرحت كي سمعتها من عندو،كنت خايف قبل يبقا معايا ذا الشهر لانو حطيتو في ضغط ولا حاجة،على الاقل تأكدت بلي راه يخمم فيا كيما نخمم فيه...
الياس:متزعفش مني!
امين: لا منيش حنزعف منك...اا..هاا
قربت منو وملت ليه باش نقرب من طولو وايييب we shared a kiss habibi مقدرتش منديرهاش واصلا كان لازم نطور لعلاقة نتاعنا لذي النقطة بالخف من بكري منيش قادر نصبر كثر، كي حطيت على شواربو حسيت بيه تفاجأ مي مقاومش وذي لي خلاتني نتعمق في القبلة كثر ودخلت لساني فثغرو وهو مقصرش معايا وتشبث برقبتي كثر...اه... وقف الزعيم...منيش خفيف هكذا مي مع امين وليت منعرفش الكور نتاعي...متأكد حس بيه...خزر فيا وهو مصدوم مع لول من بعد شد الضحكة؟؟ صحا وبعد عليا ثاني؟؟
الياس:راك تضحك عليا؟؟...
امين:ههههههه دبر راصك معاه هههه
الياس:صحااا....
امين:مستحيل نديرها معاك لهنا راك عارف...
الياس:وكي نرجعو لدار؟؟
امين:بلاك...بصح مش ضكا...
شفتو عاود قرب مني وباسني خفيف فوق شواربي وعاود خرج؟؟
الياس:وين رايح؟؟؟...
امين:قتلي نعتمد عليك...منيش حاب نخدم ليوم
الياس:اا...
خرج وخلاني عاجز بعد مهيجني...بيناتنا ليام سي امين...ونشوفو شكون يضحك فذاك الوقت...
كي رجعت فكرت فوش صرا بيناتنا وبلي هوا ثاني بادر باش يقرب ليا...رجعت ريحت وكي العادة جامي يخليني محير من جيهتو...توحشتو ديجا...
كملنا النهار عادي امين مرة يدخل عندي للبيرو مرة يروح لادم... ضرتي هذاك كاش نهار نلقالو نقلة ميزيدش يدور لهنا...قرب الوقت لي نروحو فيه...شفت ضو التيليفون شعل توقعتها ابال من التوب هاد لهنا...
الياس:الو الياس طرطرط معاك
الجيهة لخرا من التيليفون:الياس...معاك حميد
الياس:ااه حضرات راك مليح؟
حميد:ايه الحمد لله...كاين وحد الميسيو حابك نتا تتولاها وشوي حساسة...منقدرش نمدها لوحداخر...تكتب وصية...فهمتني؟
الياس:...ايه...
حميد:غدوة ارواح ليا نعطيك الاوامر مباشرة
الياس:داكور...
مهمة بوصية...يعني احتمال تخسر حياتك فيها وخصك تكتب وصية لاملاكك...ولملك وامين...كنت مقرر بلي منخبي حتى حاجة عليه...وقالي بلي نعتمد عليه...بلاك في الطريق نقلو؟...
Author's pov:
تخيلو معايا الموقف...اعز شخص عندك في الدنيا تروح تقلو بلي قادر تروح ومتعاودش ترجع...فذاك الموقف تحط الياس...واول مرة يتحط في موقف مماثل لذا...ركبو لوطو نتاعو كيف كيف والمشاعر نتاوعهم متعاكسين وبلاك يولو متشابهين...!
الياس:امين...
امين:تخلعني كي تعيطلي باسمي...وش كاين؟
الياس:تخلعني كي تتوقع وش راه جاي قبل ما نتنفس...كاين حاجة لازم نقولهالك ومنيش حابك تتقلق اوكي؟
امين:احكي الياس...(حط يدو على يد الياس الحرة وجبدها لعندو)
الياس:وصلني امر بمهمة...غدوة نتلقاه مي اعلموني بيه مسبقا...
امين:ااا عادي موالف نخرج في مهمات...
الياس:لا نروح وحدي...تبقا نتا وملك في الدار... متخرج متخرجها معاك داكور؟
امين:وش قصدك...وش كاين...وين راك رايح؟؟
الياس:...(شاف فيه بنظرة دافية)اوكي؟...نخليلك ذي الورقة معاك داكور؟...متفتحاش الا اذا مرجعتش...واذا رجعت تحب تفتحها تحب تخليها... اوكي؟
امين:...ام...
امين عرف وش راه يقصد الياس بهدرتو وحاول يحافض على الكالم نتاعو والياس عرف بلي امين ميحتاجش شرح كثر وبالعكس فهمو بلاك من قالو اول جملة...زير كثر امين على يد الياس ويمكن طاحتلو دمعة...مي كانت الظلمة وواحد ما شافها...
يقلك كي تفقد حاجة باش تعرف قيمتها عندك... وامين عرف بلي قادر يخسر الياس فأي لحظة وذي لحاجة لي خلاتو يعرف صح شحال راه يحب الياس وشحال تهمو سلامتو...بقاو ساكتين حتى لحقو جابو ملك ورجعو لدارهم...السكات لي طاح عليهم سبتو كل واحد فيهم يخمم على الثاني كثر من نفسو وبقات الافكار تدي وتجيب فيهم...غرقو فيها...ونساو اهم حاجة يحكو كثر مع بعضاهم...
Amin's pov:
فضرف ثلث شهر قدر الياس يخليني متعلق بيه وانا منيش فايق ندمت لانو مستعرفتش بوش راني نحس تجاهو...حسيت الوقت ضياق ومعرفتش وش هي الخطوة التالية لي لازم نديرها،عادة حتى وتكون المهمة بمستوى ذي الخطورة قليل وين تكون كاين خسائر بشرية...قاعد نصبر فروحي بصح كلاني ذاك الشعور المرنك من قالي عليها...ااه قالي عليها...
امين:اليااس...الياس وينك...
الياس:فشمبرة نتاع ملك...ارواح عاوني محبتش ترقد...
عند ملك؟نسيت روحي خلاص وانا نفكر...دوشت بالخف وبدلت قشي من بعد رحت ليهم...دخلت بشوي لقيت الياس يشوف فملك وهي تلعب بالعضاضة نتاعها ههه خرجو سنيها شوية... شفت فالياس كان يخزر فيها وباين متقلق عليها...اففف هذا لي قلتلو يعتمد عليا شوي!عندو لحق وانا ابسط حاجة منقدرش نتعامل معاها...قربت ليهم وقعدت جنبو... يبان تعبان...نورمال كن نحضنو؟ويت اصلا رانا كوبل ولااا؟....هااه قعدت فوق السرير على ركايبي وتحضنتو من لور باش يقدر يحط راصو عند صدري... طويل بسلامتو جا عند رقبتي بصح حسيت رخف روحو عندي...
امين:...تعبان؟...
الياس:ام...
كنت متمني يقلي لعكس...جامي بينلي الضعف نتاعو...ديما افعالو تخليني نعرف صح قيمتي عندو... حطيت يدي على وجهو وقررت نطمنو بالشي لي نقدر عليه...
امين:...باينة بلي مكش راح تتحير على ملك معايا يسما نفوتو ذا السوجي اوكي...
الياس: هههه ام اوكي...
امين:...ومتتحيرش من جيهتي منيش حنتحرك من الدار حتى نترجع يسما ثاني ذي منحكوش فيها اوكي؟
الياس:ههه اوكي...
امين:...مزال مقالولكش وقتاه تروح؟
الياس:على يومين بلاك نروح...
امين:حنتوحشك...مذابيك ترجع بالخف مش ننوصيك وملك ثاني متقدرش تقعد بلا بيك...
الياس:...اوكي...زيد وش حاب تقلي؟
امين:ههههه وقيلا هذا مكان...كي تجي نزيد نقلك عفايس خرين متخافش...
الياس:...ام...
كل مرة نذكر حكاية رجعتو نحسو يعاود يغوص في افكارو... منيش حابو يتعب روحو بالتخمام قربت من وجهو وبستو من قدام عينو ونيفو وهبطت لعند فمو وتبادلنا قبلة خفيفة مي دافية
هزيت من عندو ملك وريحت في حضنو وقعدت نسيي نرقد فيها ويب رقدت بالخف...تصرفاتي كامل باش نوصلو بلي كيما هو متحير على فاميلتنا الصغيرة انا ثان نخمم فيها ويقدر يعتمد عليا باش نحفضها...لانوو مبقاتش علاقتنا في نطاق لعب نتاع ذراري...حطيت ملك فمكانها من بعد حكمت الياس من يدو ورحنا للغرفة نتاعو...*نتاعنا...ورقد ذيك الليلة في حضني وانا نمسحلو على شعرو...يمكن صح تعبان...

النهاية
1589 كلمة
اعتقد قصير على المعتاد مي حيكونو فصول ذا الارك هكذا...ادري طولت بزااف بصح كنت شارجي مع لقراية ساعفوني🙂🌹
hope you have fun
luv💋 byee