PiNkyyCoffEe~

suggest?

كيما قلت المرة لي فاتت ذا البوف الزاوج🥰انجوي اييت💋💋
✨✨✨✨✨✨✨✨✨✨✨✨✨✨
Amin's pov:
كنت ديما حاير علاه شايعة انو تلاقي اهل الشخص لي راك فعلاقة معاه صعيبة...وووو كي شغل جربت الشعور تقريبا يعنيي لانو مزال مناش "فعلاقة" صح! كنت حاسب بلي هوما الياس وباباه ميتفقوش ولي شفتو عكس ذي الهدرة...كيما اي واحد كبير يلعبها مهوش مهتم بحاجة وهو تخمامو كامل فيها ويضحك من فوق هههه على الاقل تفاهمت معاه...تغدينا كيف كيف من بعد روح عمو فيصل ورجعنا ثلاثة في الدار...نورمالمو وقت يرقدو فيه لولاد؟ غسلت ماعن لغدا ورحت نحوس على ملك والياس لقيتو ديجا بدا يسيي يرقد فيها وهي لاتية تلعب بوجهو
امين:نعاونك؟
الياس:تعمل مزية،محبتش ترقدلي...
امين:بلاك مهيش نعسانة؟مدهالي نسيي معاها...
الياس:اوكي ولا مرقدتلكش تحصل معاها اه...
امين:هههه اوكي روح برك...كشما عندك شغل؟
الياس:ايه شوية تلقاني في البيرو نتاعي اذا حتجتني...
امين:داكور...
الياس:....
امين:كشما كاين؟
الياس:...قالي بابا نعاونو مع الشغل نتاعو...سقسيني منا وجاي
امين:هههه مش لازم تقلي نورمال...
الياس:سقسيني!!
امين:اوكي روح اخطينا صايي
الياس:...متقعدوش لهنا روحو لشمبرة نتاعي...
امين:صايي روح اخطينا...ولا نقلك حنايا لي نروحو...
الياس:ملك حتديك مني؟
امين:راك دير كي الذراري الصغار😑...
الياس:صحا صااحاا...
هاااه اخيرا راح مغلطتش كي قلت عليه لسقة،متخيلتش يكون متشبث هكذا...كل مرة نفكر في نوعية العلاقة لي ممكن نكونو فيها نخاف من ردود الفعل نتاع يما وبابا وباباه هوا ثان مع انو يبان متقبل الوضع؟؟كيفاش حنتعاملو مع المجتمع حولنا؟وكيفاه ملك حتتقبلني كي تكبر وتفهم نوع العلاقة لي بيناتنا انا وباباها؟
منيش عارف اذا الياس خمم في ذو الحوايج ولا لالا مي الحاجة لي متأكد منها حاليا...على الاقل انا متقبل انو نكون معاه...بلاك لازم نتناقشو فذا السوجي كثر...هااه نرقد هذي البنوتة قبل،لي يشوفها يقول مشربينها كاس قهوة
ايا حبسي تمسخير كتكوتة وقت النوم ضكا...
قعدنا شي نص ساعة حتى رقدت اخيرا وحطيتها في بلاصة الياس وساميتها في لجيهة لخرا...عندي بزاف مريحتش هكذا، توحشت لقطوطة نتاوعي،موالف كي نروح نخدم نخليهم عند امينة تعتني بيهم اصلا هيا تحبهم مقبلتش برك نمدهملها...الياس يحب لقطوطة؟ولا لكلاب؟ولا ميحبش لحيوانات خلاص؟كي نقعدو نسقسيه على هذي ثان...
2 hours later:
فتحت عينيا نطحني الضو...اه رقدت...عاودت فتحت عينيا شفت الياس وفوق كرشو ملك يتفرجو فيا هههه يضحكو كي يكونو هكذا تحسهم صح اب وبنتو...
الياس:نضت...؟
امين:ام...وقتاه ناضت ملك؟
الياس:هذوين برك...بصحتكم عينيا...
امين:اا..اهه ام عيشك...
الياس:معليش نهدر معاك هكذا ولا مكش الاز؟
امين:لا عادي دير لي تحبها...
اففف قلتلو وندمت معرف باش كنت نخمم...
الياس:اوكي...
امين:...اممم نسقسيك...خممت في وش حيصرا كن نكونو في علاقة؟...
الياس:ايه...حنكمل حياتي فرحان معاك...
امين:لا مش هكذاك قصدي علابالك بلي حاجة مهيش نورمال في مجتمعنا...
الياس:واحد ما حيتجرأ يقيسك بحاجة وانا معاك امين ومنيش نهدر في فراغ برك...
امين:...منيش عارف كيفاش نقل لماما وبابا...
الياس:انا نهدر معاهم...
امين:وملك...
الياس:هيا ثاني تبغيك
امين:هااه...تحب لقطوطة ولا لكلاب؟ولا متحبهمش خلاص
الياس:لقطوطة نتاوعك ثاني يقعدو عندنا عينيا...
امين:...مقدرتش نصدقك ههههه حاس روحي نخايل...منيش عارف واذا نقدر نوفيلك حقك...
الياس:شوف فيا امين...تجرب معايا شهر؟شهر واحد وبعدها قرر اذا نكملو ولا نحبسو،منيش حاب ذي العلاقة تكون ثقل عليك العكس حابك غير تبقا مرتاح ونتا معايا...اوكي؟
امين:...اوكي...
الياس:شرط تبقا في داري وتعيش حياة كاملة معانا ذا الشهر معليش؟
امين:...ام عادي...نجيب لقطوطة نتاوعي؟
الياس:(بنظرة رقيقة)ايه...نروحو نجيبوهم؟هوما وحوايجك...
امين:ام داكور...
الياس:مغسي لي حطيت ثقة نتاعك فيا...
امين:مغسي لي طحت فيا...
الياس:ههههههه بلا مزية عينيا...نوض وجد روحك باش نروحو
امين:ام...
هااااه فهمت علاه لبنات يبغو واحد يعاملهم هكذا،عندهم الحق... كيفاش منطيحش فيه وهو فيه كلش برفكت،حرفيا حاطني قبل كلش...منيش حاب نجرحو...
لبست حوايج لقيتهم جابهملي يشبهو للبسة نتاعي؟بصح يبانو غاليين...عجبوني...لقيتو يسيي يلبس في ملك وليت كملت عليه بين ما هو راح يوجد في روحو ثاني
امين:ملاكي تحبي لقطوطة ولا لالا؟انا نحبهم حيوليو هوما ثاني صحابك وتلعبي معاهم...
كملت والياس هبط هزيت ملك ولحقتو ركبنا في لوطو كيما موالفين...والفت نركبو هكذا ملك عندي وهو يسوق ويحكي معايا...لحقنا لداري مع لول لميت حوايج خفاف وعاوني الياس من بعد رحنا لدار بابا، هبطت ومزالت ملك عندي طبطبت على الباب فتحت عليا ماما...
نورة:امين!!كيفاش جيت بلا متقلي...ايااه وجبت معاك ملك؟؟والياس...
امين:جيت ندي فلقطوطة نتاوعي برك...
نورة:...ادخلو...
امين:لا عادي ماما جيبيهملي برك...
نورة:قتلك ادخلو...بلاك كشما تقولولنا!
امين:اه...هاه؟؟
خزرت في الياس لقيتو حاط عينو عليا ومنحاهاش...خزرتو حنينة ديما معايا...كل مرة نشوف في عينيه نتأكد من شحال راه معجب بيا...شردت حتى حكمني الياس من كتفي ودخلنا كيف كيف وكلش كان تحت عينين ماما...هذوين فهمت وش كانت تقصد كي سقساتني واذا توحشتو!!من ذاك الوقت وهيا عارفاا؟ من ذاك الوقت وهو يبغيني؟...
ريحنا في صالة وراحت ماما تجيبلنا في كاش ڨاطو وعصير خادمتهم باينة
الياس:خايف؟...
امين:لا...متوتر؟
الياس:لا...(مع ابتسامة دافئة)
امين:وش حتقل لماما كن تسقسينا؟
الياس:انا ندبر راصي معاها...كيما وعدتك
امين:اوكي...
نورة:وش راكم توتوتو اه؟...
الياس:متحيريش طاطا مكان والو
هاه؟؟؟مشي كان حيقللها؟؟؟
نورة:راكم ملاح وليدي؟
الياس:ايه فاحسن حال الحمد لله...(وهو يخزر في امين)
نورة:علابالك حتكون ثقيلة على كتافك ذي الطريق...
الياس:معول نمشيها للخر...وحنكون قد مسؤوليتها (بعيون واثقة)...
نورة:يتقاس ولدي ولا ملك بحاجة نتا لول لي نبدا بيه
الياس:عارف...ههههه ونخليهم امانة عندك اذا كشما صرالي...
نورة:اويلي بعيد الشر عليك...وش ذا الفال؟؟
الياس:...
نورة:اذا كان ولدي فرحان منيش حنزقف في طريقو مذابيك تحفظ روحك على جالهم...
الياس:اوكي طاطا...
نورة:مكش حتعيطلي يما؟؟...هههه انا قلت ميطولش ويبدا يقولهالي ههه
الياس:كيما يجي فخاطرك...يما...
قعدت ماما كسرت على ظهري كوكاو من بعد راحت توجدلي في لقطوطة نتاوعي...حسيت الياس متخوف من حاجة مي معرفتش وش كاين ومنيش حاب نضغط عليه،مين ذاك تخلعني ماما عندها حاسة سادسة،تقبلت علاقتنا وذي اهم نقطة قي الموضوع يسما انا ثاني لازم نبذل جهدي على جالهم...
نورة:هم لخماج نتاوعك...رايح تقعد عند الياس؟
امين:ايه...
نورة:استحفض بروحك اوكي؟
امين:اوكي...
نورة:بين زوج علابالنا وش هاز الياس ليك...مهيش لعبة مش ننقلك...نتا ثاني استحفظ بيهم
امين:فهمتك ماما
نورة:ونتا تحبو؟...
امين:...ام(وهبط راصو)...
نورة:خطرة لجاية قولهالي ونتا متأكد...
امين:داكور ماما
حاجة متفوتها ماما...مين ذاك تكون ذي القدرة مزعجة ومين ذاك تكون افضل حاجة في الدنيا...هزيت لقطوطة في الصاكة نتاعهم بعد ما مديت لالياس ملك،حطيتهم من لور من بعد حكمت عليه ملك وركبنا راجعين لدار الياس ولحياتي الجديدة معاهم...
 

النهاية
1011 كلمة
امين...
ادري الشابيتر توو شورت بصح ذا وش حلبت البڨرة،حسيت لازم نحبس تمطيط ونبدا الشابيتر الجاي احداث جدد ميبي!؟نغير بيهم اجواء 🥰
استناوني شابيتر الجاي😼
وبااي💋💋