Loving You

KABABATA 5: Father

Karen's POV

Balak muna namin na ipaalam kay Mommy na buntis ako at si Khen ang ama. Hindi ko pwedeng sabihin na si Kuya Pabs ang tunay na ama ng dinadala ko. Sobrang swerte ko kay Khen kasi kahit alam niyang hindi sya ang tatay ng anak ko paninindigan niya.

Pero paano kapag nalaman ni Kuya Pabs na siya ang ama ng dinadala ko? At papaano din kapag nalaman ng mga kaibigan ko lalo na si ate Pao mapapatawad ba niya ako lalo na at ipapaako ko pa sa kapatid niya ang anak ng iba?

Lalo na ang family ni Khen?Anong sasabihin nila sa akin? Na kaladkarin ako? Umiyak ako ng umiyak sa kwarto ko natatakot ako. Paano kung hindi ni Mommy matanggap na buntis ako? Napatigil ako sa pag-iyak ng naka-isip ng paraan kung paano ko sasabihin kay Mommy at kung sino ang makakatulong sa akin.

Agad agad kung kinuha ang phone ko at tinawagan si Ate Kath. Ang ate ko at alam kong siya ang unang makakaintindi sa sitwasyon ko.

'Kriiiinggggg Krinnnggg' dalawang ring pa lang ng sinagot na ito ng ate ko.

"Hello Karen?"

"A-Ate pwede ba tayong mag-usap? Pwede bang pumunta ka po sa bahay? Ate may importante lang akong sasabihin sayo?"

"Bakit? May nangyari ba? May masakit ba sayo?" Tarantang sabi ni ate.

"Ate dito ko nalang po sasabihin sayo, please ate."

"Sige pupunta na ako ngayon."

"Thankyou ate."

Nakahinga ako ng maluwag. At tinawagan din si Khen.

"Hello Mahal ko, miss mo agad ako?Siguro ako pinag-lilihian mo? Aminin mo hahaha", pabiro niyang bungad sakin ng sinagot ang tawag.

Napakasarap talagang pakinggan ng boses ni Khen na para bang pinapakalma ako.

"Hello Mako, ahm Khen, Mako tinawagan ko pala si Ate Kath."

"Ha? Bakit may nangyari ba?"

"Wala naman Mako, gusto ko lang sana unang sabihan si Ate Kath na buntis ako. Alam kong maiintindihan niya ako, at manghihingi din ako ng tulong kung paano ko sasabihin kay Mommy na buntis ako."

"Ok Mako, basta pag may kailangan kayo ng baby natin tawagan mo lang ako at please, wag kang mag papaka-stress baka makasama yan sa baby natin".

"Sige na Mako end call ko na alam kung busy ka". Pag papaalam ko sa kanya, dahil alam kong marami siyang ginagawa.

"Pag-dating sa mag-ina ko kahit kailan hindi ako magiging-busy.
Mako, nga pala kakausapin ko si Pao about sa atin lalo na sa magiging anak natin."

"Khen natatakot ako baka hindi na ako tanggapin ni Ate Pao."

"Mako tatanggapin ka non ikaw kaya ang sister in law niya". Pag papakalma niya sakin.

"Bye na Khen, andito na si Ate Kath."

"Ok Misis Palang-at, bye I love you Mako and our Baby ingat kayo dyan."

"Opo Mister Palang-at, mag iingat po kami I love you too". Sabay baba na ng tawag.

May kumatok sa pinto, alam kong si ate kath iyon. Pagbukas ko ng pinto, bumungad ang nag aalalang mukha ni ate kath.

"Karen? Kamusta ka?" maagap niyang tanong.

"Pasok ka Ate Kath".

"Alam mo ba Karen kinabahan ako, akala ko napano ka na?". Sabi niya sa nagaalala pa ding mukha.

"Hahaha sorry Ate."

"Ano bayang sasabihin mo?". Alam kong nag aalala na si ate kath saken.

" Ate..." huminga muna ako ng malalim bago itinuloy ang aking sasabihin kay Ate.