خداع || Deception

Chapter -3-

صلوا على سيدنا محمد
الشابتر الثالث
~~~~~~~~~~~~~~~

فاتن: لعند امتى نبو نتحملوا مسؤليتها خليها تعدي تشوف حالها
علي سكت وقعد يفكر بعدين قال:باهي اقل شي نسال عليه يعني بلكي يقعد هـ
فاتن:توا نسالو عليه غير توا تفاهم معاه يجيبو هله
علي:بيش تقوليلها انتي
فاتن:توا نقوللها

-
على الخط:

فاتن:انظر من جاها وهي مش ديما يجوعا عارفين سمعتها الكلبه
دلال(مرات خال ماريا الاخرى):خايفه تخرب ع باقي بنات خالاتها انا
فاتن:لالا باذن الله لا توا تعدي هي للي جايها هذا انظر شن يطلع شايب ولا مريش
دلال:خلوها تشوفه وتقوللنا شـ
فاتن:لا خالها موافق قال بنوافق معندها عليش قاعذه
دلال:كنه علي كل شي ينحل بالتفاهم
فاتن:لا صدق يدلال خليها تعدي بالي ادير فيه هذا تبيها تفضحنا وينفضحو بناتنا معاها ويعنزن
دلال:لا صدقتي

-
وفعلا ثاني يوم محمد جاب هله
فاتن استلمت كل الصيافه جابت احلى حاجات قدام علي ع اساس مهتمه وهي نيتها ان يشوفو ان هي بنت ناس وياخذوها

الساعه اربعه ونص ...

فتحت ماريا الباب وهي متستغربه من داق لان محدش يعبر فيها لقتها فاتن وخشت بدون ما تقول شي
ماريا:خير انشاءالله
فاتن:خير ي حنه عدي البسي هيا وخشت دارها
ماريا وفعت خاجبها باستغراب :قصدي خير شن جايه وعليش خاشه داري
فاتن :غير البسي سقدينا جايينك عرب
ماريا رفعت حواجبها الاثنين:وانا توا كيف عرفت جايين انا ولا انتم
فاتن:غير البسي حاجه كويسه وديري ميكب خفيف متفجعيش الناس وبخي عطر انزلي بعدها لوطه بيجو
ونزلت وماريا بكل رواق فتحت دولابها تبي تطلع شن تلبس وهي تفكر في عقلها انها ح تاخذ رقم امه وترفض بكل هدوء وادب ..

-

الساعه سته الا ...

قعمزت ماريا كانها ضيفه مع امه وعمته وهدرزت عادي وهما حبوها بكل وعجيتهم وفاتن مش عاجبعازالجو لان باينين كيف هما حيوها وكيف هما ناس واضحين راقيين وكويسين بكل لعند خالها طلعلها وقاللها تطلعله استغرب بس لبست وطلعته ونصدمت بعد شافت نفس الشاب الي من المعرض

محمد:كيف حالك
ماريا قعمزت مقابله مش بعيد واجد :الحمد لله وانت
محمد:الحمد لله ...سيارتك قريب توصل
ماريا ابتسمت : جاي مع هلك بيش تقولي هذي
ضحك محمد (عجباته اكثر عرف انها مش ساهله ):لا طبعا مدامي جاي مع امي اكيد عرفتي شن نبي
ماريا:اها يعني جوك هكي انتي الي تشوفها حلوه في معرضك تهديها سياره وتجي تخطبها علشان مترفضش
محمد:انتي شن رايك
ماريا ابتسمت(عجبها هي كذلك فهمت ان الكلام الي داره لها هي بس علشان عجباته وطول جاها هذي ثاني حاجه عجبتها ):متعرفنيش انت حتى
محمد:ونتعرفوا عادي
ماريا هدت واسها ب صح وشافت لبعيد
محمد:محمد ال## عمري 28 قاري تسويق بس عندي معرض
ماريا :تعرف اسمي
قطع عليها :ماريا
ماريا :امم عمري 22 مزلت نقرا ومنبش نشتغل الصراحه منبيش نتعب بس انا نحب نشري صراحه ومنعرفش را لا نطيب ولا ندير حاجة حوش الصراحه يعني اهم شي
ضحك محمد :على كيفك عادي عندي
ماريا:كويس
محمد:متفاهمين
قعدو يشوفلو لبعضهم لفتره (eye contact ) بعدين صبت هي طلعت وردت قعمزت مع امه