وحشتوووووني🥺🫂
طولت في الغيبه بس هرجع بـهيبة أن شاءالله😂😂🩵
استمتعوا بالفصل وقولولي رأيكم 🩵🖇
★*****★*****★*******★
في اليوم التالي
في غرفة عاصي كان نائم بعمق عاري الصدر حينما تعالي رنين الهاتف الخاص به
مد يده يتحسس طرق الهاتف وهو مازال مغمض العينان ثم اعتدل ما ان التقطه وقال بصوت يحمل اثر النوم.. "ألو"
هب واقفا ما ان استمع لصوته الذي يردف بسخرية.. "سربرايس"
عاصي بغضب مكبوت.. "باسم"
ضحك البغيض وقال بهدوء.. "اااهااا باسم.. عجبك ادائي يا عاصي"
ابتسم عاصي ببرود قائلا.. "جدا.. وهيعجبك اكتر ادائي انا لما اجيبك متكتف زي الخروف"
باسم وقد دوي صوت ضحكته المكان.."بجد.. وهتعملها ازاي دي"
عاصي ببرود.. "تؤتؤتؤ.. دي شغلانة عاصي بقي.. وانا عارف من زمان ان عاصي تقيل عليك"
اثار غيظه وضغط علي نقطة ضعفه فقال بغل ونبرته يفوح منها الكره.. "بكرهك يا عاصي... بكرهك وهفضلك عامل زي الشوكة في الزور"
ضحك عاصي وقال.. "شوكة.. مشكلتك يا باسم انك مدي نفسك حجم كبير... كبير اوووي.. لو تعرف انا شايف اد ايه.. لا شايفك ايه.. لو تعرف اني مش شايفك اصلا مش هتتنفخ النفخه الكدابة دي كلها"
جز باسم علي اسنانه خاصةً حينما اردف عاصي بـ.. "اصل واحد زيك.. فاشل وابوه فاشل.. اطرد من الاكاديمية وانا كنت من اسباب طرده.. هيغير منه ليه.. وبعدين لامؤاخذة يعني شغل الغيرة والغل والكلام ده بتاع الستات اللي شبهك وللاسف عاصي الغُمري مالهوش في شغل الحريم ده.. او حتي شغل الالوان"
صرخ باسم بغل.. "هقتلك ياااا عااااصي.. ورحمة امي هقـتـلـك"
عاصي ببرود مستفز.. "طب بس ماتحلفش برحمة امك لانك انت كنت السبب في موتها.. ماااتت بحسرتها علي واحد واطي غلاوي مايستهلش دمعه من عين واحدة طيبة زيها"
كان باسم يجز علي اسنانه بغل يتمني لو كان امامه الان لقتله وارتوي بدمائه
حينما استمع عاصي للسكون منه قال ببرود واسف مصطنع... "شكلي عكيت ولا ايه.. شكلك معندكش كلام جديد"
صمت حينما قال باسم وصوته يحمل من الغل الكثير.. "وحياة اللي خلقني وخلقك يا عاصي لهجيبك لغاية عندي مذلول.. وهحسرك علي اقرب ما ليك.. واولهم نغم اللي هتموت كل دقيقة وثانيه قدام عينك ومش هتقدر تعمل لها حاجه"
لم ينتظر رد منه انما اغلق الخط في وجه عاصي الذي ضغط علي هاتفه بقوة والقاه بعنف للحائط فسقط متهشم وجلس علي الفراش بانهزام وهو يشد علي خصلاته بقوة
ثواني وطرق الباب فقال بغضب.. "مـيـن"
أنت تقرأ
فتيات في امبرطوريه الغُمري
Casualeرحلة الاباء انتهت لتبدا رحلة الابناء.. تهرب الكبار من العشق حتي لا يقعوا في فخه.. ولكن كيف وهو كان القدر المحسوم تُري هل سيهرب الشباب اما ان سحر الفتيات كان له راياً اخر اهلا بكم في رحله "فتيات في امبرطوريه الغُمري" الجزء الثاني من "نيران قُصي"
