وهن بَيت آل سُقراط.

الحَلقةُ الثَامنة

بــِسـمـ آللّٰه آلرحمـٰن آلرحيم

آلح ـَمـدللّٰه آلذي وُهبــني عَقلآ مـُفكرآ
وُلسـآنآ نَآطـقآ..

°°وهن بَيت آل سُقراط °°

-تَصويتكم الجَميل
ومتابعة الحساب..
التَعليق بَين الفَقرات لُطفاً💜.

«‏إنجُرحنا بمـَعركة ،
بــس الكـَرامة بِخير
عـَاركـَنا عَليها وُمَانطيِناهَا».

°°°°°°°°°°°°°°°°°°°°°°°°°°°°°°°°

-ميثم: اي مو السالفه بيها فلوس وبيوت شلون يفوتها جدي

-أجوان: من كُل عقله يريد ياخذنه كلنه البغداد ماجاي يشوف الأخبار؟

-قيس: لا تخافن خاتونات ان شاءللّٰه أخبار كذب

-زُمرد: ياريت بوقتها طلعت كذب وما چان صار الي خايفين منه طلع كلام أجوان كله صح بـ صح، ندست أجوان حتىٰ نطلع من يمهم

-أجوان: هسه لازم مهرة تجي هسه!!

-زُمرد: أجوان بالعباس گلبي لاعب

-أجوان: مثلي مثلچ بس خو ما نخلي ايدنه علىٰ خدنه ونتفرچ عليهم؟

زفرت نفس بتعب وخوف حرفياً خايفة من هيچ خطوه المُشكلة احنه بنات صحيح كبار ونعرف نتصرف بس هيچ أمور خطره وأجوان ماجاي تسمع الأي وحده بينه مـُصره تسوي الي براسها

-أجوان: رايحه انام وانتِ اذا خلصتي دراسه نامي

هزيت أيدي وابتسمت أردفت:

-زُمرد: تحچين صدگ؟ يانوم هذا

-أجوان: هاي شمالچن خايفات مو عيب عليچن

-زُمرد: اهاا يعني الي افهمه هسه انتِ ماخايفه مثلنه مو؟

-أجوان: لا منين ترديني اخاف من جدج؟ تره متعودين علىٰ سوالفه مو شيء جديد علي

-زُمرد: أجوان لاتخبليني شنو مو شيء جديد عليّ
ليش جدي من شوكت بايعنه؟

-أجوان: خيتي الفلوس تگلب بَني آدم گلاب

-زُمرد: حسبي اللّٰه

-أجوان: علىٰ سُقراط اي واللّٰه راح اتحسب عليك
لليل ونهار

-زُمرد: لا ولچ مو هيج شگي زيجچ ودعي عليّ بصلاة الفجر انتِ بخِيته

-أجوان: اللّٰه كريم

راحت تنام وانه ضليت چني سحير الليل لابيه انام ولا بيه ادرس منا ضيغم حتىٰ ماخابرني ضليت اللوب علىٰ الولد اريد اعرف شلون صار

جريت كـُرسي وخليته گدام الشتلات وگعدت صافنه بيهن احس عقلي مو براسي منْ كثر المشاكل شايفين من تصير هوسه براسكم؟ ماتعرفون بشنو تفكرون
بالضبط انه هسه هيچ احس راسي يريد ينفجر