وهن بَيت آل سُقراط.

الحَلقةُ التَاسعة

بــِسـمـ آللّٰه آلرحمـٰن آلرحيم

آلح ـَمـدللّٰه آلذي وُهبــني عَقلآ مـُفكرآ
وُلسـآنآ نَآطـقآ..

°°وهن بَيت آل سُقراط °°

-تَصويتكم الجَميل
ومتابعة الحساب..
التَعليق بَين الفَقرات لُطفاً 💜.

«‏بـَچوا عِیوني ، الچنت مِنطيهم عِـيوني».

°°°°°°°°°°°°°°°°°°°°°°°°°°°°°°°°°°°

أجوان...

درت وجهي عنها البومة عابت بكلشي حاشره روحها
رد ضيغم المكالمة وفتح مكبر الصوت اجانه صوت جدي يحجي سريع

-سُقراط: ضيغم بساع الكل يجهز روحه الساعة بالأربعة الفجر نطلع البغداد

وجه نَضره ضيغم وباوع علينه بقلق رد گال الجدي

-ضيغم: شني جدي صاير شيء؟

-سُقراط: بعدين تعرفون هسه جهزوا نفسكم.

-ضيغم: زين هوا منو الِيروح؟

-سُقراط: البنوات يروحن خلي يجهزن نفسهن

-ضيغم: جدي شني البنات ي..

بأثناء مايحجي قطع الأتصال بوجهه وضل واحد يباوع للثاني گلبي ضل ينبض بقوة من القلق باوعت المُهرة واشرتلها ندخل للبيت

-مُهرة: صخام الصخمنييي.

-أجوان: وهسه سواها جدج؟ شلون نطلع وهاي الخبلة انطت الأوراق الكرار

-مُهرة: راح اموت من الخوف أجوان الوضع مو أمان.

اللّٰه لايخلي أحد بهذا الموقف اقسم بالله ما اتمنىٰ العدوي اربع بنات بلا والي لا والمشكله الأكبر والي لا تُصدق جدي يريد يبيعنه!!!

-مُهرة: لاااا تصفنيينن أجوووان.

-أجوان: شوفي هسه لازم نبين احنه كُلشي ما نعرف ونسوي نفسنه متفاجأت نروح مثل الحبابات نلم غراضنه

-مُهرة: اي وشلووون بعدين؟؟

-أجوان: مناك ونشرد لاتصيرين ثوله اروحلجن فدوه اشتغلن عدل مخي راح يوگف.

-مُهرة: نشرد؟ لا لاا.

-أجوان: عندج غير حل؟

-مُهرة: لو عندي اجي اباوع بوجهج؟

-أجوان: اصعدي الزُمرد گليلها تسوي مثل ماعلمتج ولا تفتح حلگها بكلمة لأن اقل خطأ كُلشي يخرب وانتن بكيفجن بعد.