الساعة ٦ المغرب ..
بيت سلطان المشب
دخل خالد يضحك من شاف هتان وعبدالرحمن يتضاربون زي كل مرة .. تقدم يسحب هتان عن عبدالرحمن ينطق بعد الضحك بعصبية : خلاص يابزر انت وياه أنا أصغر منكم ولا سويت سواتكم !
بعد هتان عنه يتقدم يحضن عبدالرحمن من كتفه ، يجلس خالد و يجلسون بعده ينطق عبدالرحمن يتنفس بسرعة يضحك : هادم اللذات انت ! كنت برد له الحركة الي سواها فيني ..
ضحك هتان يرد بعده : فوق مانت سارق أسلحتي تردها !!
تنهد خالد من مشاكلهم : بالله عليكم في عاقل يتهاوش عشان لعبة ! ولا بعد مين كرفت مدري شسمها ذي !
ضحكوا عليه يصحح له عبدالرحمن : ياي يالعيب ببجي انت وصالح ما كأنكم تتهاوشون ! وبعدين اسمها ماين كرافت وش مين ذي منين جايبها ؟
سكتوا من دخل عليهم بارق يجلس ينطق بعصبية : وش هالصراخ ذا !
وقف خالد يجلس بين هتان وعبدالرحمن يهمس : شفيه منفس ذا ؟
همس هتان : هذا وجهي إذا ما تلاقونه متهاوش مع عبير ..
ضحك عبد الرحمن يضحكون بعده يلتفت لهم بارق يرفع حاجبينه : بدال ما تتضحكون واحد يقوم يصب قهوة ! المفروض حتى ما أعلمكم انت هو !!!
قام هتان يصب قهوة له ..
" ملاحظة "علاقتهم غير عن بارق الأخ الأكبر والي يشبه صفات جدهم ونفس الطبع يكرهون من يجلس معهم بكل بساطة ينقد على اي شي ويصرخ شخصيته تختلف مع زوجته عبير الي تكون بنت عمه سعد ، بنعرف الشخصيات الفرعية بالبارتات الجاية ..
/
بمكان جـديد بـيت الفريق الأول نجيد
غرفة غيّم ..
جالسة بين افكارها وهواجيسها تكتب نهاية روايتها الأولى رفعت راسها تتشتت كل افكارها من طرق الباب تبتسم من دخل ابوها نجيد ..
وقفت تحضنه يبتسم يردف : اخبار غيمتي ..
مسكت يد نجيد تجلسه ترد :دام شفتك بخير ف أنا بالف خير ..
ابتسم يقبل راسها يلتفت لمكتبها يعقد حاجبه من شاف الكتاب الجديد : هذا لا يكون روايتك؟
هزت راسها توقف تاخذ الكتاب تجلس بجانبه : شرايك ؟
هز راسه بإعجاب : الغلاف حلو بالمره ..
رفع السبابه يشير إلى صورة بنت بالغلاف حزينه ، ايش قصتها البنت الي هنا ؟
نزلت راسها بضيق : هذي البطله وحبيت اخليها نفس قصتي ، لان كذا بعرف اعبر بالرواية ..
مد يده يحاوط كتفها يحزن من تضايقت : ليش هي حزينه كذا !
رفعت يدها تحيط ظهره : ماعندها ام عشان كذا خليتها حزينه ..
رفع راسه يقبل جبينها : افا وانا ابوك موجود وتتضايقين؟
رفعت راسها تبتسم ماتبي تضايقه وهو كل مره يحاول يسعدها وما يبي ينقصها شي ومعوضها حنان الام ، ولكن في أشياء كثير محد يقدر يعوضها غير الام .. : لا يبه ما اقصد شي والله وانت ماقصرت عوضتني واحتويتني حتى ماتزوجت عشاني هذا الشي يكفي والله ..
ابتسم يوقف : ادري وانا ابوك ، واي شي تحتاجينه علميني ..
هزت راسها تضحك : اساسا ما بخلي ولا ريال بجيبك
ضحك يحضنها : لك الي تبين بس امري ..
شدت عليه تضحك : احبك والله ..
/
عند ليال ..
بغرفة ريم جالسين يحاوطون بعض
ريم : بنات شريت امس لعبة من النت شرايكم نلعبها ؟
تقّوى : دام بنلعب لازم نجيب سهره بس من تروح؟
هزت راسها غُدى : صدق مافي لعبه بدون شبسات وحلويات ..
ليال : أنا اروح بس من تروح معي ؟
غُدي بحماس : تم أنا معك
عقدت حاجبينها ريم : شلون بتروحين ؟
تقّوى : ماتعرفين تسوقين ولا عندك سياره !
ابتسمت ليال : من قال لكم معرف اسوق ؟ بنزل تحت و اخذ مفتاح ابوي او بندر و سيف ..
تحمسوا البنات تردف ريم : دامك تعرفين بنروح كلنا !
غُدي : تعالي يالخاينه تعرفين وما علمتينا !
تقّوى : اي صح ! شلون ماقلتي ولا احد يعرف ؟
ليال : ودي أصدمكم بعد ..
ريم : حشى كنك دينا مسافره ولا نعرف عنها شي ..
ابتسمت ليال بضيق : يحياتي دينا امس كلمتني وحشتني ..
نزلت راسها تقّوى : اخ ياما امي زنّت عليها ماتروح ..
غُدي : تقّوى ترا بالنهايه مستقبلها وهي رايحه تدرس طب مو شي تافه !!
هزت راسها ليال توافقها الرأي : أنا لو احب الطب كان من زمان رحت ..
ريم : بترجع باذن الله ومعها شهادتها ..
ردت تقّوى بتذكر : تعالوا غريبه مسك ماجت ولا حتى علمتنا ؟
ريم : ارسلت لها مشوين و للحين ماشافتها ..
عقدت حاجبينها غُدي : غريبه تو تراسلني !
التفتوا لليال من نطقت بزعل : أنا تهاوشت معها ..
وسعت عيونها ريم : ليال منجدك ؟
غُدي : دايم تتهاوشون وذي اول مره ماتجي وعشان هوشه ؟
تقّوى : ليش متهاوشين ؟
نزلت راسها ليال تردف بعصبيه : بنات تخيلوا تبيني اكلم عبدالعزيز ولما رفضت زعلت !!
رفعت حاجبينها ريم : لحظه وش يبي منك ؟
وقفت تلبس عبأتها : مو مهم يلا الي تبي تروح تلبس ولا اسحب عليها ..
وقفوا بسرعه يلبسون ، نزلت ليال لحالها تطلع برا للحوش شهقت من سحب يدها يوقفها ، رفعت يدها الي ماسكها تهزها بقوه تبعده : شتبي يالمريض !!
ابتسم عبدالعزيز يردف : تدرين اني جاي عشانك ؟
رفعت يدها تهدده بسبابتها : اقسم بالله ان جيت مره ثانيه لا العن خامسك يالمريض ..
أبعدت عنه تمشي توقف عن المشب تحت أنظاره
رفعت جوالها تتصل بـ بدر يرد : سمي يابوي ؟
ابتسمت تردف : سم الله عدوينك ، يبه ابي مفتاح سيارتك ..
بدر : ابشري وانا ابوك ..
المشب وقف ياخذ مفتاحه يطلع
