🌪️
أردف يميل النظر بين الاوراق : تمام بدق عليك بعد شوي تاخذين الاوراق وتردفينهم باللابتوب حقي ..
اومئت تردف : تمام في شي ثاني استاذ ؟
اومى برفض تطلع برا يمسك الاوراق يعبيهم ويدخلهم بالملف رفع نظره من دق الباب يردف ادخل ..
دخل صالح يبتسم له خالد يوقف يتوجه له : ياهلا والله بالرفيق ..
ابتسم صالح يحضنه : هلابك زود شلونك ؟
ابتسم يشير على الكرسي يجلسون مقابل بعض يردف : طاير ياصالح طاير ..
وسع عيونه يضحك : انت دايم طاير وش الجديد يعني ؟
ضحك يردف بحماس : شفتها !
وسع عيونه : حب الطفولة ماغيرها !
ابتسم يومئ : شفتها وهي تمردغ عامل ..
وسع عيونه يضحك بصدمة من كلامه : عامل ! لحظه مو تقول انك خايف عليها لانها تخاف من اي شي كيف ممردغه رجال وهي تخاف ؟
ضحك يرخي ظهره : تحرش فيها ولد الكلب وداسته برجلها وتفلت بوجهه يلبيه القوي ولما سالتها قالت وصيتك و وقتها كانت معي ترف وهي تطلع امها الي تعتني فيها من توفت نجود الله يرحمها المهم وجت تصرخ علي تحسبني خاطف ترف واخر شي علمتنا ترف انها ليال واني خالد ..
ضحك بخفه يردف بصدمه : الحين وش الصدفه الغريبه ذي ! وكيف ماعرفتها دامها ام ترف يعني ماعلمتك ترف ..
تنهد يردف : طلع عمي بدر وابوي متفقين انهم مايعلمونا لان ببالهم اننا لو عرفنا بيصير مشاكل ومدري وش التفكير الغبي حقهم ولو ابيها باخذها غصباً عنهم كلهم حتى هي ..
وسع عيونه صالح يردف : خالد صاحي انت وبعدين وش بيستفيدون إذا ماعلمتكم اكيد فيه آن بالموضوع ؟
رفع اكتافه يردف : الله اعلم وانا اخوك بس والله لا اجيب راسها مو أنا خالد تصرخ علي وتقول مابيني وبينك شي ..
وقف صالح يردف : اقول بس لاتمردغك مثل الواطي ذاك ..
ضحك يردف بهيام : فداها كلي والله ..
وسع عيونها يمسك المناديل الي بالطاوله يرميها يفز خالد من استقرت على وجهه يردف صالح : اهجد بس لا يروح قلبك فيها ثانياً لزقة عنزروت ذيك غير تحقد عليك وتسحرك وذيك ساحرتك من اول خالصين منها الله يخلف عليك و انتبه بس لقلبك ..
مشى يطلع يطيل النظر بالباب خالد يردف : والله لا تندم صويلح ..
..
المدرسة ..
الساعه ٧:٠٠
وصلت ليال تدخل للساحه الخارجيه تلتفت للساحة الصغيرة ترفع نظرها لـ كّذا بنت يعدلون اشكالهم تنزل شنطتها ثم نزلت عبايتها تدخلها داخل الشنطة لبست الشنطة على كتفها تتوجه عند برادات الموية تعدل شكلها وتلف أصبعها حول خصلات شعرها تعدل الويفي تبتسم لشكلها تلتفت تمشي توقف من شافت جود قبالها بمسافة تبتسم لها ابتسمت ليال بوهقه تلتفت يسارها تمشي عند عتبة الباب ، تضحك جود تلحقها التفتت ليال للمعلمة تردف : استاذة وين غرفة الإدارة ؟
رفعت نظرها المعلمة تردف : آخر دور تلاقينها يسارك من توصلين ..
اومئت تحس بجود خلفها مشت للدور الثالث تميل النظر حوالينها للمدرسة بعد أعوام من تخرجت تقدمت عند غرفة الإدارة رفعت يدها تطق الباب تردف تحت سمع جود تضحك جود : ماتستاهلونها بس شنسوي .. فتحت الباب تدخل تلفتت لـ كّذا وحده موجوده تردف :منهي منكم مجيده ؟
همست جود وراها : ابك مو مجيده حاف كذا لا تكفر فيك شوفي نظراتهم ياويلك ..
ضحكت بخفه تلتفت لها التفتت من اردفت وحده منهم جالسة بمكتب يتوسط الغرفة : أنا مجيدة وبعدين وش تقولين مجيده كذا !
غمضت عيونها تاخذ نفس تردف : معليش بس ابي اعرف فصل ثاني د وين ؟
أردفت جود : وانا معها بعد ، تقدمت تهمس : لازقه فيك لازقه قلبو ..
أردفت مجيده: ايش أساميكم ؟
أردفوا مع بعض : جود سلطان ، ليال بدر ..
اومئت تردف لوحده من المعلمات :
عائشه هذول من فصلك دليهم ..
التفتت مجيده لليال تردف بعصبيه : وانتي ثاني مره اياني واياك تتكلمين بهذا الأسلوب ..
أردفت بسرعه جود : معليش بس صحبتي ماتعرف تتكلم ..
وسعت عيونها ليال تلتفت لها تردف بهمس : خير !
سحبتها جود يطلعون تردف : يابقره تبينها تحقد عليك وماتعرفين تدجوين بعدين ؟
اخذت نفس تلتفت لها تسكت من أردفت عائشة تأشر على فصل بجانب الدرج : هذا فصلكم بناتي روحوا له ..
اومئت جود تسحب ليال يدخلون الفصل يردفون من شافوا معلمة ومن الكلام على السبورة عرفوا انها معلمة رياضيات : السلام عليكم ..
أردفت شيمه : وعليكم السلام من انتم ؟
أردفت ليال تقرص جود : حنا طالبات جديدات هنا ..
اومئت شيمه تردف : شسمكم ؟
أردفت جود : جود سلطان ..
أردفت بعدها ليال : ليال بدر ..
عقدت حاجبينها مريم تلتفت لورا تردف : بنات مو كانهم خوات ؟
اومئت جنان تردف دلع : ماهم خوات أساميهم غير ..
أردفت شيمه تأشر على كرسيين فاضين بالزاويه الاخير بالصف الي موجودين فيه مريم والبنات : اجلسوا هناك مافي احد ..
اومئوا تبتسم جود للبنات تهمس لليال : ابتسمي على الاقل !
وسعت عيونها تجلس بالزاويه تجلس بجانبها جود تردف ليال : انتي مأكله شي ؟
ضحكت تردف : الله يقطع بليسك اشتهيت مكرونه بالتونه ..
وسعت عيونها تردف بقرف : استغفر الله بس شلون تأكلينها انتي !
التفتوا من أردفت شيمه : بكذا خلصنا الوحده الثانيه بكرا بنبدأ بالثالثه باذن الله ..
وقفت جنان تردف : استاذه ممكن اروح ورا دام خلصنا ..
اومئت شيمة تمشي جنان توقف عند جود تبتسم : مرحبا ؟
ابتسموا تردف جود : هلا والله ..
أردفت جنان : ممكن اتعرف عليكم ؟
اومئوا تردف ليال تبتسم : شسمك ؟
ابتسمت جنان تردف : جنان ماشاءالله تهبلون كلكم ..
ابتسموا تردف جود لليال : اسمها يجنن بسمي بنتي بعدين كذا !
ضحكت ليال تردف لجنان : معليك منها ذي .. ابتسمت جنان تردف : واساميكم تجنن تدرون ، إلا من اي مدرسة جيتوا لان هنا مافيه إلا مدرسة وحده بس ؟
همست ليال بوهقة : هذا الي ماحسبنا حسابه ..
أردفت جود : مدري والله عنها أنا جيت هنا من الرياض ولكن بسبب عمامي هنا نقلنا ..
همست ليال تبتسم لجنان : الله ينكبك ..
أردفت : وانا جيت من حائل بسبب شغل ابوي هنا والا القى ذي مسنتره عند الإدارة هنا ..
ضحكت جنان من شافت نظرات جود تبتسم تأشر بمكانها قدام من عند الباب تردف : تعالوا هنآك بنلعب ..
اومئت جود تبتسم : ابشري قلبي بس دقايق بتفاهم مع ذي ..
ضحكت جنان توقف عند البنات تردف : تكفون بنات يهبلون !
عقدت حاجبينها دلع تضحك مريم : جنان لازم تتعرف ..
ابتسمت فرح تردف : وش قلتي لهم ؟
ضحكت تجلس تردف : بنات تدرون مايعرفون بعض ؟
وسعت عيونها مريم تردف : أما عاد شلون جو مع بعض وجلسوا جنب بعض وما يعرفون بعض !
رفعت أكتافها جنان تردف : مدري بس انهم عسل !
