بـسم اللـه الـرحمـن الـرحيـم
*_____________________*
بقـلـمي بُـشـرى ألـ جبـور
تعليـق بـين الفقـرات
التـصويـت بالنجمـة
حساب التيك توك 0j.a.i0
يوزر الانستغرام bushra_jabour
قناة اليتليكرام https://t.me/j0ai21
**********************************
.يَا حُزنُ قَد فوَّضتُ أمرِي كُلَّهُ
وَالحَالُ وَالشَّكوَىٰ إلَىٰ الرَّحمَنِ.
الينور: مرت الايام وبطني بدت تكبر ولحد الان ما رايحة للدكتورة اباوع بالتليفون الاكل الصحي للحامل والفيتامينات اللي لازم تاخذها الام اني محد اهتم الي ووداني. ولا اعرف بيا شهر. وأنس شغلة زين. بس ما اعرف ليش هيج يصرف وياية.
الينور: نزلت جوة افتر بالطرمة بعد ما سوينة مساحة بيها. حديقة بيها ورد. كل الالوان والريحان. رشيت مي على الحايط تقربت منة شميتة حسيت الريحة دخلت لصدري. ارتاحيت باوعت للزرع. شفت سندانة صغيرة بيها فراولة هستوها. كبرانة حتى بعدها بيها حمار قليل. اشتهيتها هواي
الينور: باوعت للباب ماكو احد قطعتها وضليت آكل بيها على كيف. واتمتع بريحتها وطعمها حتى ما غسلتها بيها ريحة المي والتراب لأن راشتها ام أنس.
رجعت افتر لا من شاف ولا من درة.
الينور: شوية وطلعت ام أنس تعتني بالورد تقربت منها اريد احجي وياها بس مستحيةاخر شي تجرأت وحجيت
الينور: يمة اريد احجي وياج
ام انس: ها يمة كولي
الينور: بس يمة قنعي أنس خلي اروح للدكتورة يعني من حللت لحد الان لا رحت لا اخذت فيتامين اني اخاف على الطفل وحتى بيا شهر ما اعرف
ام انس: اول شي هسة اكلة بس انت حالتج ما بيج شي حسب الاشوفة حالتج مو سيئة واذا على الفيتامينات ماكوو داعي اكلي بيض وحليب اشربية كل العافية بية
الينور: سكتتورجعت دخلت للبيت. ضليت احاول امشي بنصايحها بعد ما ايست من أنس يوديني.
كمت اسوي ريوك واخلي كل شي بالثلاجة بالصينية حتى تنفتح نفسيتي.
الينور: كعدت اريد ابلع اللكمة ما اكدر فات عمي من يمي يريد يطلع رجع باوعلي مستغرب من كثرة الاكل المخليتة. استحيت منة. نزلت راسي وهو طلع. حاولت اكمل اكل ما كدرت.
الينور: شلت الصينية ورجعت كل شي لمكانة رحت اغسل باوعت لوجهي. أصفر ومن اتقيء يطلع بوجهي نقاط حمرة طوخ تنتشر بيدي وأكثر شي بوجهي حتى داخل جفن العين يطلع ورة ساعتين يروح.
الينور: وبهذا الوقت اني منتهية من الوجع وصلنا لشهر الثالث ما بقة شي على عيد زواجنا. طلعت ويا عمتي ام أنس. للسوك اشتريت اشياء بسيطة. شمع وورد مجفف ونفاخ احمر وكلت الكيكة اوصي عليها قبل يومين من تاريخ زواجي. رجعنا ضميت الغراض بداخل كنتوري زين حتى انس ما يشوفهم.
