بـسم اللـه الـرحمـن الـرحيـم
*_____________________*
بقـلـمي بُـشـرى ألـ جبـور
تعليـق بـين الفقـرات
التـصويـت بالنجمـة
حساب التيك توك 0j.a.i0
يوزر الانستغرام bushra_jabour
قناة اليتليكرام https://t.me/j0ai21
**********************************
الينور: كعدت ثاني يوم. حالي نفسة نزلت اتريك حتى اخذ علاج لكيت يزن وام أنس يتريكون صبحت عليهم وكعدت يمهم حتى اكل صفن يزن بوجهي وحجة موجة كلامة لامة
يزن: يمة شوفي وجة الينور راح تموت
ام انس: اسم الله شبيك هي هاي الحامل
يزن: دخيل الله هيج الحمل
الينور: عافنا وراح للشغل.
ام انس: شلونها حركت الطفل
الينور: بعدة. ما تحرك ويمة دايخة هواية.
ام انس: منا للعصر إذا نفس الوضع اوديج للدكتورة إللي اني اعرفها زينة.
الينور: للعصر خفت هواية. حركة قليلة ووجع أسفل البطن رحنا الدكتورة اخذت أوراقي وعلاجي للاحتياط دخلنا عليها ودخلت وياية ام أنس. حجت للدكتورة عن وضعي وانطتها وصفة المستشفى قرتها الدكتورة ونصدمت
الدكتورة: حجية صدك تحجون. تدرون عندكم بخت عند اللة الطفل ما مات هو والام تدرون هذا العلاج مو مال حامل على السريع تذبوة وهذا تحليل بسرعة
الينور: طلعت منها خايفة لا صاير شي بأبني سويت تحليل ضلينا منتظرين لحد ما طلع رجعنا للدكتورة قرتة.
الدكتوره: ماما اول شي عندج فقر دم دمج درجتة ٩ ونص هذا اللي مسببلج دوخة والسواد اللي يصير على عيونج وثاني شي. الراحة الراحة. وثالث شي عندج التهابات قوية بالكليات والصلايب رمل ناعم هو اللي سبب نزول الدم
الينور: طلعت من الدكتورة. خايفة الحمد لله ما خسرت ابني .رجعت للبيت. سويت عصير البرتقال حتى اخلي بيهن انبولات مال فقر الدم. خابرت اهلي طمنتهم شوية وخابرني أبوية. اطلعلة بالباب
لبست حجابي ووكفت بالباب اجة
ايهم: شلونج بابا
الينور: الحمدلله يابه
ايهم: هاج هاي العلاكه اكلي بدون محد يدري ويحجي عليج اصعدي فوك اكليها على السريع.
الينور: مشكور يابه ودعتة وطبيت للبيت. اخاف احد يشوفني. صعدت لغرفتي على السريع. فتحت العلاكة. جايبلي لفة شاورما. باللحم حجمها كبير. فتحتها. الريحة سطرتني. ابتسمت على سوالف ابوية يدري بية احبها. وخاصة هالفترة.كعدت أكل بيها على كيفي واتلذذ بطعمها.
الينور: مرت ايام صرت زينة على العلاج. رحت لاهلي حتى اشوفهم اتفقت ويا ارجوان. دخلت وسلمت عليهم. سوت امي النا العشة وكعدنا داير مداير الصينية نضحك ونسولف. ما اعرف لان ارتاحت نفسيتي. اتحرك الطفل حركة قوية وضرب بطني.
ارجوان اخترعت. من بطني. لأن ضربتة بينت. .
