بـسم اللـه الـرحمـن الـرحيـم
*_____________________*
بقـلـمي بُـشـرى ألـ جبـور
تعليـق بـين الفقـرات
التـصويـت بالنجمـة
حساب التيك توك 0j.a.i0
يوزر الانستغرام bushra_jabour
قناة اليتليكرام https://t.me/j0ai21
**********************************
الينور: بعد ماشفت ارقام الاخيره صار عندي شك كل قوي مرت الايام واني اراقب انس وبـيوم شوية صار بية حيل والجو تغير. نظفت البيت كلة. على كيفي. صار موعد اشيل الخياط رحت للدكتورة.
الينور: دكتورة بعدني متأذية
:هسة اشوفج ماما
الينور: صعدت على السرير تفحصني
: ماما هذا الخياط تعرفين شنو يعني اللحم كلة جراحة والخياط غلط. بغلط. حتى لو تطيبين تبقين تعانين
الينور: سكتت استحي اكلها لأن مستشفى مال بلاش.
طلعت للصيدلية بعد ما كتبت الي علاج للجراحة.
قررت اروح لاهلي بعد ما عندي شي. بليل كلت لانس يوديني حظرت ملابسي اخذت سلة حتى اخلي بيها ملابس حسن باوعت انس بعيد عني ضميت قوطية الحليب بداخل الملابس. حتى بليل تساعدني الممة
اجة انس ياخذ الغراض للسيارة.
الينور: باوع للسلة ضل يطلع بالملابس مال حسن لحد ما وصل للقوطية طلعها خلاها يمة. صفنت علية هذا شلون عرف
الينور: انس حباب رجعها. بليل والله اتعب ظهري ينكسر. اضل ساعة كاعدة. وبعدني ما صايرة زينة
انس: لا هسة يتعلم على القواطي وتعال يا أنس جيب الحليب والحفاظات ماكو متاخذية.
الينور: خلة القوطية فوك الكنتور. طلعت بالسيارة كعدت. ضليت ساكتة. ما اعرف اذا حقة أو لا لأن بطل من الشغل هاليومين صارت مشكلة ويا ابو الشركة.
الينور: ضلينا ساكتين لحد ما علك اغنية دائما يعلكها وتثير فضولي ما اعرف اذا جانت اغنية عادية او اكو شي بس احس نظراتة وصفنتة اكو شي وراها
.غصبا علية الفراك غصباً علية.
ابقى اني احنن واشتاك غصباً علية
لو بآخر الدنيا ودوم لازم اجيكم فد يوم .
ونطفي نار الاشواك غصباً علية
الينور: لحد ما وصلنا احنا ساكتين. نزلت وهو راح حتى ما دخل سلم على اهلي دخلت سلمت على اهلي
:وينة انس
الينور: رديت عليهم منحرجة اها يمة مريض يتعذر منكم.بليل سوت امي عشة. وابوية موجود يضحك ويسولف وياية تمدد بفراشة خليت حسن بحظنة. فكرت اخذلهم صورة نفس ابن اختي حتى تبقى تذكار.
الينور: لليل الكل نام رحت للغرفة انام. حسن ضل يبجي رضعتة ونمنا الفجر هم كعد. حسن يبجي بعيني النعاس وتعبانة كعدت ارضعة وروحي رايحة وادردم على أنس. لأن ما انطاني الحليب. ساعة كاملة كاعدة لحد ما شبع ونمت
