نايف كان حاظنها ب قوه لدرجه شوي وتتكسر عظام ميهاف وميهاف الي مصدومه من حركته وتحس ب دموعه على كتفها
ميهاف سمعت صوت بكاء نايف وحطت يدينها على ظهره وبصوت خفيف : ولد نايف ... هيه
نايف وهو يبكي ب حرقه ومتضايق : تكفين خلاص خلاص لاعد تتكلمين خلاص
ميهاف سكتت ولا قالت شي وصارت تطبطب على ظهره الين مر دقيقه وبعد عنها وعلى طول أعطاها ظهره عشان ما تشوفه وعيونه دموع
ميهاف : ليش تبكي
مسح نايف دموعه وطلع بره المشب وطلع بره البيت
ميهاف بهمس. : ذا وين راح
خالد جاء ودخل المشب. : شفيه نايف طلع
ميهاف ناظرت ل خالد من فوق لتحت ولا قالت شي وطلعت
خالد بهمس. : وذي بعد شفيها
ميهاف حاولت تتصل ب نايف أكثر من مره لكن ما رد وكانت خايفه عليه يسوي شي
دخلت البيت وكان باين عليها الزعل وراحت فوق تركض
نجود. : وشفيها عاروستنا
الجد سلطان : ميهافف تعاليي
ميهاف ما ردت ودخلت غرفتها وسكرت الباب بقوه
ابو فهد : وشفيها بنتي
رفه. : خليها ما عليك
بسمه. : لايكون نايف قال لها شي
دخل خالد وهو يقول. : نايف مب ب البيت شفته طلع وسكر الباب بقوه وكان معصب وزعلان
ابو سعود. : شفيه
شهد ابتسمت ب خبث ونطقت. : لايكون تضاربو
الجد سلطان بعصبيه. : وش هل كلام اسكتي ي شهد
شهد سكتت وسوت نفسها زعلانه عليهم لكن من داخلها تضحك ومبسوطه
اريج.بهمس : شهد لايكون سويتي شي
شهد ناظرت لها وهمست : وش اسوي انتي شايفتني انا بس قاعده
العنود : بروح اشوف ميهاف
الجد سلطان : اي اي روحي
(عند ميهاف)
كانت ميهاف تبكي ولوسي ب حضنها
(لوسي قطوتها )
اله تدق الباب العنود. : ممكن ادخل
ميهاف : ادخلي
دخلت العنود وعقدت حواجبها وجلست جنبها : تبكين يروحي ليشش
ميهاف شالت لوسي وحطتها على الطاوله وراحت على العنود وحضنتها وصارت تبكي ب حرقه
العنود طبطبت على ظهرها : شفيك يروحي
ميهاف بعدت ومسحت دموعها : التبن نايف
العنود : وشفيه
ميهاف : صرخ علي وعصب وجرحني ب كلامه
العنود :وش قال
ميهاف قالت لها السالفه من اول ل الاخر
العنود شهقت وحطت يدها على صدرها : وش ذا نايف قال لك كذا
ميهاف. : ايوه
شهد كانت وره الباب وتتسمع عليهم وتضحك وتبتسم ابتسامه الخبث اله تجي من وراها دانه وهي معصبه : وش تسوين
شهد. : ها ولاشي
دانه : مريضه انتي انزليي تحتتت
شهد صدت ونزلت تحت ب عصبيه
ودخلت دانه ل الغرفه وقامت ميهاف وحضنت دانه وصارت تبكي
دانه ناظرت ل العنود وهزت راسها يعني شفيها
العنود عيونها تملو دموع وصدت
بعدت ميهاف عن دانه وجلست دانه على الكنبه : شفيك
العنود. : نايف قال كلام عن ميهاف زي التبن الولد جرحها
دانه فتحت عيونها بصدمه : كيف وش قال
العنود : قال إنها تحاول تجذب العيال لها وتحاول تخلي خالد يحبها وتسوي نفسها مسكينه و من ذي الأمور ب اختصار قال لها انك راعيه عيال وكذا
دانه. : نايف قال كذاا !!!
ميهاف قعدت وتبكي : انا ما ابيه ما ابيه ياخي اخوك ما ابيه صدقيني لو تزوجته بتخرب حياتي وحياته
ميهاف قامت وطلبت من العنود و دانه يطلعون
طلعو البنات وهي سكرت الباب وكملت تبكي
نزلو البنات
الجد سلطان : ها شفيها ؟
نطقت العنود ب توتر : مافيها شي
دانه. : اي صح مافيها شي هي بس جبت تنام شوي الين قبل العصر تروح على المشغل تضبط نفسها
نجود. : على الخير
ــــــــــــ
مر الوقت وصارت الساعه 3:00
وصحت ميهاف ونزلت تحت وعيونها متفقعه من كثر البكي
الجد سلطان : توك تصحين اقول قومي روحي ل المشغل
نجود : شفيك
شهد بخبث : كنتي تبكين
ميهاف. : ها لا وين لا .... وين نايف
بسمه. : لسا ما جاء
ميهاف : أجل مين بياخذني
فراس : عندك سياره انقلعي فيها انتي والبنات
العنود : ذي ديره ويمكن ماتعرف فيها شي
خلف : خلاص انا باخذكم
ميهاف. : بلبس عباتي و اجي
خلف : تمام ونتو ي بنات قومو البسو عباياتكم وتعالو
راحوا البنات ولبسو عباياتهم اله شهد كانت جالسه
نجود : يمه شهد روحي معهم سوي شعرك و أظافرك
شهد ب دلع : لا ما ابي اساسن انا اعرف اسوي شعري و أظافري شوفي يجننون مايحتاج اسويهم ولو على المكياج انا اعرف احط ميكب فنان
اريج : خلاص خلاص اجلسي مايحتاج تقولي كل هل كلام افف
نجود : اريجج شفيك على اختك
شهد. : امم بروح على غرفتي اضبط نفسي لاني مارح اخلص الين المغرب
قامت وراحت ى غرفتها و ميهاف نزلت وهي تحط الطرحه على راسها : مشينا يخلف
خلف. :، تم
البنات الي راحو (ميهاف ، دانه ، تهاني ، اريج ، ريوف ، العنود )
ركبوا السياره
ميهاف من قدام و البنات الباقي من وره
وصلهم عند المشغل وناظر ل ساعه يده : اكيد نايف عند الحلاق بروح هناك ونتو بس تجهزو اتصلو علي
العنود. : ما عليك
نزلو البنات و دخلو ل المشغل وصاروا يضبطون نفسهم
(عند خلف )
اتصل على نايف مره ومرتين وما رد
خلف ب عصبيه : وين ذا
اتصل مره ثانيه عليه ورد
نايف ب عصبيه : شفيكم فجرتو جوالي شفيك
خلف : وينك انت صارلي ساعه أدق ولا ترد
نايف : انا عند عبدالله
خلف : اقول قوم انقلع ل الحلاق بلا مشاكل اليوم عرسك
نايف : ما ابي
خلف : جايك باخذك من هناك
نايف. : ياعمييي خلاص عندي سيارتي ذلحين اروح ل الحلاق انا و التبن عبدالله ونت تعال هناك
خلف سكر الجوال وراح ل الحلاق
(عند البنات )
كانو يغنون ومبسوطات و ميهاف نست ضيقتها وصارت تغني معهم
