عند خيمه مها ام صقار
|تعريف بسيط عن ام صقار و ولدها )
مها ام صقار عمرها 59 سنه سوريا لكن متزوجه واحد سعودي ومثل ما شفتو وش قالت إن هو تركهم من يوم وكان عمر صقار 16
صقار عمره 33 سنه عصبي شوي لكن حنون يخاف على امه ويحبها أكثر من نفسه تربه بين النياق و البر
--------------------------------
ميهاف كانت نعسانه وكانت مها تتكلم مع نايف الين ميهاف نامت وراسها على كتف نايف
مها : نامت
نايف : تعبانه ...
مها : وش سالفتكم
نايف. : يخاله هي كانت ضايعه ونا لقيتها وضعت معها 🥲
مها : أيي خلاص بس تشرق الشمس نشوف ايش نسوي
نايف : على الخير
مها قربت على ميهاف تبي تاخذ الفروه منها اله نايف يحط يده على كتف ميهاف ونطق : هي لابسه فستان بدون اكمام
مها : اها... أجل خليها نايمه ب الفروه
نام نايف هو وميهاف ومها راحت ل الخيمه الثانيه نامت هي و صقار
صقار : يمه انتي كيف تدخلينهم حنا ما نعرفهم
مها : ماشفت حالتهم هم ضايعين حرام اخاف تجي لهم دابه تخلص عليهم ونت تدري وش فيه هنا
صقار سكت وحط راسه ونام
(ب المزرعه )
العنود و بسمه كانو يصلون ويدعون : يارب يارب يرجعون لنا سالمين يارب
و دانه و تهاني واريج كانو يبكون وريوف حاطه يدها على جبهتها وتحاول تحبس دموعها و شهد الي حاطه رجل على رجل ومتكتفه ومبتسمه
وعبد المجيد الي جالس جنب رفه ويحاول يهديها : يخاله أن شاء الله يرجعون سالمين لاتبكين
رفه : هاذي بنتي بنتي الوحيده كيف ما ابكي يارب يارب ترجع لنا هي ونايف ياربي
الكل : امين
شهد : طيب ولو ما رجعت اخاف ماتت وكلاها ذيب لأن هنا في ذيابه كثير و اخاف ياكلونها
صرخت نجود : وش ذا الكلام الي تقولينااا
شهد ب برود : ماقلت شي انا قلت الحقيقة هنا في ذيابه ويمكن كلوها
رفه بدئت تبكي زياده و عبد المجيد يناظر ل شهد ب حقد و العنود الي خلصت صلاة وجالسه على سجادتها وتبكي و بسمه الي تدعي و البنات الي يبكون
مر الوقت وصارت الساعه 4 الفجر
(عند الجد سلطان)
الجد سلطان : خلف انزل وروح شوف هل خيم يمكن ميهاف فيها
فراس : لا يجد فيه ناس
الجد سلطان : انت انطم
خلف : حاضر
نزل خلف راح وسئل كل الي ب الخيم لكن ماشافو ميهاف ولا نايف
خلف حط عينه على خيمه مها ام صقار وراح يسئل
طلع صقار : ارحب
خلف : شفتو بنت قصيره وشعرها طويل و ولد طويل و....
قاطعه صقار ونطق : تقصد نايف و ميهاف
خلف ابتسم : ايوه
صقار ابتسم : انتظر شوي
دخل صقار ل الخيمه : يمه يمه
صحت مها : هلا
صقار : يمه فيه واحد من أهل الولد و البنت الي عندنا
مها تنهدت : ايوه ايوه خليني اصحيهم
راحت مها لهم ودخلت الخيمه الي نايمين فيها وقربت على نايف : يوليدي
نايف صحى : لبيه يخاله
مها : قومو اهلكم بره
(عند الجد سلطان)
نزل الجد سلطان ونطق : ها يخلف لقيتهم
خلف : ايوه ب ذي الخيمه (أشر على الخيمه) اكيد نايمين فيها
الجد سلطان : أجل يولد اتصل على عمك ابو فهد وبشره
خلف : ابشر
خلف طلع جواله واتصل : عمي
ابو فهد: ها بشر لقيتوهم
خلف بفرح : ايوه ايوه
ابو فهد : طيب وينكم
خلف قال له عن المكان
ابو فهد: هالحين جاي
