طبع حبها ف قلبي والايام ماتقدر تمحيه

بارت 16

بعدت ميهاف عنه ونايف مسح دموعها وحط يدينه على وجهها : لاتبكين وشفيك انا معك.
ميهاف ب صوت مهزوز : نايف
نايف : عيوني
ميهاف : خلينا نرجع ل المزرعه ما ابي اجلس هنا تكفى وديني
نايف : ابشري ومن عيوني ذلحين باخذك
ميهاف مسحت دمعتها الي نزلت وابتسمت : ها وين السياره
ميهاف : اكلمك أناا
نايف ماكان يدري وين مكان الشاص اصلا
ميهاف : نايففف شفيك تناظر لي ولا تقول شي
نايف ماكان يبي يقول ما اعرف وين الشاص ومسك يدها ونطق : تعالي نمشي من هنا
ميهاف : هناك السياره !؟
نايف : اي اي امشي
قامت ميهاف تمشي معه ولا كانت تدري تحسبه يعرف وين هم رايحين لكن نايف مايعرف وين رايحين اهم شي ما يقول لها أن هو ما يعرف وين الشاص و اساسن ضيع المكان

مرت ساعه كاملا وهم يمشون وميهاف تعبت وجلست على الأرض
نايف فتح عيونه بصدمه : ليش جلستي هنا
ميهاف بتعب : تعبت
نايف جلس قدامها ونطق : اقلك شي
ميهاف بتعب : وشو
نايف لف يمين ويسار ونطق : ما اعرف وين احنا اصلا ضعنه
ميهاف قامت وبصوت عالي : نعمم
نايف قام : قصري صوتك شفيك اسمعي انا الحين ما اردي وين احنا خلينا نرجع على المكان الي لقيتك فيه
ميهاف بعصبيه اتكتفت : لا ولله منجدك انت
نايف حط يده على وجها وسكت
ميهاف : ليش ما ترد طيب دامك كنت تعرف اننه نمشي ب طريق غلط ليش ما قلت لي ليشش
نايف : انطمي و امشي قدامي
ميهاف جلست و نطقت ب عناد : مانيب متحركه
نايف ب مزح : اي لا تمشين ذلحين بيجيك ذاك الذيب ويتكلم
صد نايف وصار يمشي و ميهاف كلاها الخوف وقامت وراحت تركض ولصقت ب نايف
نايف ضحك وناظر لها : ليه جيتي
ميهاف بضحكه : افا عليك انت زوجي ما اجيك
نايف بدء يضحك : اقول امشي امشي
ميهاف : طيب نايف انت متاكد انك تعرف الحين وين رايحين
نايف : لا
ميهاف : وشووو
نايف : بنرجع ل المكان ... الي لقيتك فيه ونبدء نمشي الين نلقه الشاص
ميهاف : اهههخخ ياخي بنجلس كذا نمشي الين الصباح.
نايف ب برود : عادي
ميهاف وقفت وناظرت له ب عصبيه : طول وعرض وحركات و اكشن. اخر شي ما تدري عن الديره ذي ولاشي أنت تربيت فيها ولا تدري عن مكانها
نايف وقف وناظر لها ب عصبيه : ياعمي حنا ب بررر تعرفين وش برر ونا نادراً اجي ل المزرعه
ميهاف : طيب انا تعبت
نايف : وش اسوي لك
ميهاف قربت ل عنده وبزعل نطقت : انت زوجي
نايف ب برود : زوجك
كان نايف يمشي ولا يناظر لها وهي منقهره من تصرفاته و بروده
ميهاف بقهر : ايي  ... شيلني
نايف وقف ولا ناظر لها ونطق : نعم
ميهاف مدت يدينها له : شيلني
نايف ناظر لها وابتسم بعصبية : اشيلك
ميهاف بدلع : ايوه
نايف : احلام المغرب
ميهاف : لا احلام الفجر الحين احنا ماندري كم الساعه ونت تهبد وتمشي والمكان كله ظلام طيب ولو جت ناقه
نايف : وتجي ناقه
ميهاف بخوف : بتدعسنه وتروح
نايف ضحك وحط يدينه بجيوبه : ياخي انتي خوافه
ميهاف ب عناد : لا
نايف : اله ... اقول هاتي هاتي شماغي
خذه شماغه الي كانت حاطته على رقبتها
وخذاه الشماغ ولفه على رقبته عشان ما يبرد وقام يمشي وميهاف كانت واقفه ومنصدمه من بروده
لحقته ميهاف وبصوت عالي : نايفففف
كان حواليهم خيمات فيها ناس
اله يلف عليها نايف ويحط يده على ثمها : يابنت اسكتي هنا فيه ناس نايمه
ميهاف مسكت يد نايف وبعدتها عن ثمها : ناس ؟
نايف : ايوه فا اجلسي ساكته لا يطلعون علينا وهم ماسكين أسلحتهم ويقتلونه ونموت
ميهاف ضحكت ونطقت : غبي
نايف : نعم
ميهاف : شف وش بسوي
نايف : بنت انت....
ما كمل كلامه اله ميهاف تبدء تصيح : ساعدونيي ساعدونييي
اله تطلع عاجوز من وحده من الخيم وتنطق : من فيه هون
نايف بهدوء  : بنت اجلسي ذي لهجتها غير لهجتنا
ميهاف ما اهتمت وراحت ل العاجوز ونطقت  : السلام عليكم
العاجوز ب استغراب : و عليكم السلام.... من انتي
نايف بعصبيه : استغفر الله
نايف كان وره ميهاف و منقهر من تصرفها
ميهاف : انا و ذا الولد ضايعين هنا
العاجوز : شو بتساوو
ميهاف : ي خاله اقلك حنا ضعنه ضعنه
العاجوز : تعالو تعالو ادخلوا هنا ب الخيمه
ميهاف دخلت ونايف كان لسا واقف مصدوم اله فجئه و أحد حط مسدس على راسه من وره

صقار : يمه تعالي يمه
جت العاجوز وشهقت : ي ولد نزل المسدس
نايف كان واقف ومتجمد
نزل المسدس صقار ونطق : من ذا يمه
العاجوز : ولد و بنت ضايعين هنا ودخلتهم
صقار عقدت حواجبه وراح ودخل الخيمه و نايف دخل وجلس جنب ميهاف
العاجوز راحت وجابت مويه لهم وأعطتهم : اكيد بتكونو عطشانين جبت لكم ماء
صقار بعصبيه  : انتو من وين
ميهاف : حنا م...
ماكملت كلامها اله نايف يقاطعها : حنا من بيت الجد سلطان اكيد تعرفوه
صقار : لا ولله ما اعرفه ... يمه تعرفيه
العاجوز : انا هلأ فيه كثير من الي هون اسمعهم يقولو عن بيت سلطان بس ما كنت اسئل عنه ... يعني انتو من بيت سلطان
ميهاف : ايوه
نايف ناظر ل ميهاف وانتبه أن شعرها باين ومهي لابسه طرحه ونطق : وين طرحتك
ميهاف بدلع : ضاعت
نايف لف على العاجوز و العاجوز فهمت ونطقت : انا بجيب لك
اله نايف يهمس  : لهجتهم غير شوفي الولد يتكلم زي كلامنا أما العاجوز لا
ميهاف بهمس : ذي اتوقع سوريه
نايف بهمس : ابلش
ميهاف لفت على صقار ونطقت : انتو سوريين
اله تدخل العاجوز ومعها طرحه : لا بس انا سوريه لكن أنا اتزوجت واحد سعودي من ذي الديره و ذا ولدي
ميهاف : وين زوجك
صقار عصب وتضايق وطلع بره الخيمه
نايف استغرب : وشفيه ي خاله
العاجوز : صقار أتعذب ... صقار انا يوم جبته أبوه كان يضربه كان يعذبه ماكان يعاملا زي اخوانه كان يكرها الين صار عمره 16 و ابو صقار طلع من البيت ولا رجع
ميهاف ناظرت ل العاجوز ب حزن
ونايف نزل راسه : لاحول ولا قوة الا بالله
ميهاف : طيب ونتي و ولدك من متى هنا
العاجوز : صار لنا سنين هنا
نايف و ميهاف سكتو
اله تنطق العاجوز : انتو متزوجين
ميهاف : ايوه بس تزوجنه غص....
ماكملت كلامها اله نايف يمسك يدها بقوه ونطق : احنا تزوجنه عن حب
العاجوز ضحكت ونطقت : كم اعماركم باين انكم صغيرين
ميهاف : انا 18 وهو 22 أو 21 مدري
العاجوز : ويي لسا صغيرين

(عند المزرعه )
الكل كان جالس اله ينطق خلف : ذا راح يجيب ببسي ولا رجع
خالد : الساعه بتصير 1 وهو لسا ما جاء
الجد سلطان : ي بنات وين ميهاف .
دانه بتوتر : هي راحت تنام
فراس : بس على حد علمي أن قسم الحريم مافيه اله غرفتين وصغيره يعني ما اضن أنها نايمه لان ميهاف تكره الغرف الصغيره و الضيقه  ....
قاطع كلامه عبد المجيد وهو داخل ل المزرعه ويفرك ب عيونه لانه توه صحى من النوم  : سلام عليكم
الكل : وعليكم السلام
تقدم عبد المجيد وجلس جنب خلف
الجد سلطان : : يولد ليش ما جبت  ميهاف معك
عبد المجيد ب استغراب : ميهاف
فراس : ايوه ميهاف
عبد المجيد : بس ميهاف مب بقسم الحريم مافي احد كان هناك غيري
نجود : هاوو أجل البنت وينهي
دانه : يمكن راحت ....
الجد سلطان : كملي
دانه : يمكن راحت ل الفندق
الجد سلطان : هي جت مع نايف
قام سعود ونطق : نايف مب هنا و ميهاف مب هنا
خلف : هدي هدي يمكن راحو ل الفندق
سعود : لا ما راحو للفندق قال لي نايف أن مارح يروح ل الفندق و بينام هنا ب المزرعه
خالد : اي صح
اريج : و ميهاف قالت لي انها بعد بتنام ب المزرعه
العنود : اسمع يعمي
الجد سلطان ناظر لها : هلا
العنود : ميهاف راحت ل البقاله
الكل : وشووو
الجد سلطان : كيف تروح وهنا بررر مافي بقاله هنا
العنود : راحت هي وملاك
نجود : بس ذي ملاك
العنود : راحت هي وملاك لكن ميهاف وهو ب طريقه ل المزرعه شاف ملاك و ميهاف وخذه ملاك وكان يحسب ميهاف تمشي وراه يوم وصل السياره ناظر وره ما شاف ميهاف و جاب ملاك هنا وهو راح يدور ل ميهاف

رفه حطت يدها على صدرها وشهقت : وين ذولي الحين
الجد سلطان قام ونطق : يعيال قومو خلينا ندور لهم
قام ابو فهد و ابو سعود وراحو سياراتهم و خلف و فراس ب سياره و سعود و دانه ب سياره و الباقي جلس ب المزرعه