دخلو المطبخ وكان ب المطبخ
رفه و بسمه و العنود و عبير و لين
ميهاف ب استغراب همست : تهاني من ذول البنات الاثنين
تهاني ابتسمت وهمست : ذولي عبير و لين بنات جيرانه
ميهاف : اها
دخلو البنات وجلست ميهاف على الطاوله
عبير : هلا تهانييي
راحت عبير وحضنت تهاني ب شوق
عبير : يحيوانه اشتقت لك
تهاني : أكثر
لين : كيفك
تهاني: بخير
تقدمت عبير ل ميهاف الي كانت جالسه على الطاوله وتهوجس
عبير : مرحبا
قامت ميهاف : ارحبي
عبير : انتي حرمت نايف صح
ميهاف : ايوه
جلسو وبدءو يتكلمون و لين و تهاني كانو يساعدون رفه و بسمه ويضحكون
🌷|تعريف بسيط عن عبير و لين وعيلتهم |🌷
عيله ابو وليد (جيرانهم)
ابو وليد حنين وقلبه طيب
ام وليد حبوبه والكل يحبها ويمون عليها تدخل القلب بسرعه
وليد الولد الكبير عمره 32 متزوج وعنده ولد اسمه سيف
امجاد حرمت وليد طيوبه وعمرها 26
عبير البنت الكبيره شعرها كيرلي قلبها طيب وحنونه عمرها 29
لين عمرها 27 محبوبه بين الكل
عبدالله عمره 25 العنقود عاد عبدالله صديق نايف يحبه أكثر من الكل (عبدالله الي نايف نام عنده بليله عرسه)
اتوقع عرفتوه 🥲😭
جلسو البنات يتكلمون ب المطبخ اله تنطق ميهاف : بنات عاد انا شفت في التيك حلا مره يجنن وش رايكم نسويه
البنات : ابد تم
العنود : وش المكونات
ميهاف قالت لها عن المكونات وكلها كانت في البيت
قامت ميهاف وبدئت تسوي الحلا
رفه : ميهاف تعالي اتغدي
ميهاف : ما ابي انتو اتغدو و انا بكمل اسوي الحلا
عبير : لين تعالي نروح للبيت ونرجع لكم بعدين
العنود : تمام
لبسو البنات عبير ولين عباياتهم وطلعو و الكل راح للمجلس يتغده اله ميهاف الي كانت مشغوله تسوي حلا
وجابت الايباد حقها وحطت هيفاء وهبي وبدئت تغني معها وترقص وتتمايل وتهز
• خساره فيك انا حبي
• وكل اشواقي في قلبي
ـــ
• كلامي يبوح ولا خبي
• حبك ما يرضيني
اله تجيها رساله على جوالها
طفت الاغنيه وفتحت جوالها وكان نفس الرقم راسل لها موقع
ميهاف كتبت : وش ذا
الولد : ذا المكان الي ابيك تجين له
ميهاف : تمام الساعه ثمنيه بجي
الولد شاف الرساله ولا رد
ميهاف طفت الجوال وتوترت وخافت وبنفس الوقت تبي تعرف وش الموضوع الي يبي يقوله لها
بعد مده
صار الحلا و جابته و جابت قهوه معه ودخلت للمجلس : Hi
الجد سلطان : انتي وش تهذرين
ميهاف : اقلك هاي يعني مرحبا
الكل : هههههههههه
خالد : وش جايبه معك
ميهاف : حلا
خالد : ياسلامم
خلف : ونت اربعه وعشرين ساعه تبي تاكل
ميهاف قطعت الحلا وبدءت توزع الين وصلت عند نايف : ايوه ذا هو الملابس السنعه ما ابيك تلبسين شي باين صدرك
ميهاف بهمس : مالك دخل ياخيي
وزعت للباقين وجلست
بسمه : ماشاءالله حلاك حلو
ميهاف اكتفت ب ابتسامه
ملاك : مره يجنن يخالتوو
ميهاف ارسلت ل ميهاف بوسه ب الهوا
العنود : يجنن كنت مشتهيه زي هل حلا من زمان
بسمه : لايكون حامل ي بنتي
العنود حطت يدها على صدرها وفتحت عيونها بصدمه : لا ما اظن
سعود : وليش ما تظني
الكل :ههههههههه
ميهاف : اقلك روحي و اتأكدي يمكن تطلعي حامل
العنود : لا لا
سعود : اله قومي البسي عباتك وتعالي
العنود : مايحتاج كل ذا تره بس أمس جتني دوخه و اشتهيت هل حلا
خلف ابتسم
ميهاف : ساره الله يرحمها كان زي كذا وبعدين طلعت حامل ب رهوفه....
ماكملت كلامها اله رهف الي كانت ب يد دانه صارت تبكي
دانه : بروح فوق ما ابي اخليها هنا تبكي عشان ما تعور راسكم
ميهاف : احلا من يعور راسها وقلبسسس
قامت دانه و راحت فوق ونطق الجد : خلف انت لازم تتزوج
خلف سكت ولا رد
الجد سلطان: دورو له عروسه
خلف قام بعصبية : قلت ما ابي اتزوج انا حبيت ساره. وغير ساره ما ابي
الجد سلطان: طيب و رهف
خلف : شوف عماتها حواليها و امي مارح يخلونها
بسمه : ي امي احنا مارح نجلس عندك بكره خواتم بيتزوجون و اخوانك بيتزوجون
خلف : لاحول
تهاني : زوجيه عبير
خلف : من عبير
رفه : اي ولله البنت تجنن حلوه و مؤدبه وسنعه
بسمه : اي وهي بنت جيرانه اي خلاص
عبد المجيد : واو ونا يوم قلت لكم زوجوني الجازي ما رضيتو والحين عبير الي قبيلتها غير قبيلتنا بتزوجيها خلف
خلف حط يده على وجها
الجد سلطان بصوت عالي : وجععع وش هل كلام لاتعلي صوتك على امك وبعدين انت لسا بزر وشو زواجه ما زواجه انقلع عن وجهي
قام عبد المجيد وراح فوق
بسمه : أجل خلاص بعد المغرب بنروح لهم ونخطبها
ابو سعود : خلاص تم
خلف سكت ولا رد بس كان معصب
اله تجي ملاك وتركض على ميهاف : خالتو
ميهاف : عيوني
ملاك : ابي حلاوه خلينا نروح زي ذيك المره
نايف ضحك وحط يده على بطنه
ميهاف ناظرت له وبهمس : وش فيه هل مجنون
خالد بصوت عالي : هيه جتك الحاله
الجد سلطان بدء يضحك ب صوت هادئ على ضحكته
فراس : هيه
نايف خلص ضحك وكان ماسك بطنه للحين وعيونه دمعت من كثر الضحك : معليش اتذكر شي
الجد سلطان : وش هو
نايف بضحكه : يوم ميه....هههههههههههههههه
ماكمل كلامه وبدء يضحك
خالد : اقول انجنيت شكلك
نايف : يوم ميهاف ضاعت هي و ملاك ولقيتهم كان شكل ميهاف يضحك شعرها طاير وملامح الخوف باينه عليها و شوي تبكي
ميهاف بزعل : هيه ورع
ملاك : ابي حلاوه
العنود : مافي حلاوه
ميهاف شالت ملاك : تعالي
ميهاف خذت ملاك و دخلو للمطبخ و أعطتها حلاوه : خذي
ملاك باست خد ميهاف ورجعو للمجلس وجلسو
ملاك : انا ابي خاله ميهاف تصير ماما
ميهاف ضحكت و العنود كذالك
سعود : ومن بيصير ابوك
ملاك أشرت على نايف : عمي نيوف
الكل : ههههههههههههههههه
ميهاف شرقت ب القهوه وطبطب على ظهرها خالد : انتبهي
نايف كان يناظر بعصبيه وغيرن عليها
أنت تقرأ
طبع حبها ف قلبي والايام ماتقدر تمحيه
Ngẫu nhiênالكاتبه :نسيم البري 🌷. •🌷 | مخيلتـي الأولى |🌷•
