ثاني يوم الصبح
كانت بسمه جالسه تتقهوه وتهوجس اله يجي عبد المجيد: صباح الخير يمه
بسمه : هلا صباح الخير
قرب عبد المجيد وقبل راسها وجلس جنبها : يمه بقلك شي
بسمه : هلا
عبد المجيد : انا ابي اكمل الثانويه ب الرياض
بسمه ابتسمت : اي خلاص بس يرجع سعود ل الرياض روح معه
عبدالمجيد : بس مب ذا الي بقوله
بسمه : اجل
عبد المجيد بتوتر : ابي ... ابي اتزوج..
بسمه صارت تضحك
عبد المجيد بزعل : يمهه
بسمه : وشو زواجه شفيك
عبد المجيد: ابي اتزوج ولو حتا ما تزوجتها ابي املك عليها احجزها اهم شي ما تاخذ غيري...املك عليها و يوم نكبر اتزوجها
بسمه بضحكه : طيب منهي
عبدالمجيد بفرح : الجازي
بسمه ب استغراب نزلت الفنجال : ومن ذي
عبدالمجيد : يمه الجازي بنت جيرانه
بسمه : منجدك
عبدالمجيد : اي ولله يمه انا ابيها وهي تبيني وليش ما نتزوج
بسمه : قوم قوم انقلع
قام عبدالمجيد بضيق وطلع بره البيت وسكر الباب بقوه
اله تطلع ميهاف وتهاني من المطبخ ومعهم القهوه و الفناجيل : صباح الخير
بسمه: هلا صباح النور
تهاني : فيك شي يمه
ميهاف وهي تصب القهوه بالفنجال : من مزعل حلوتي
بسمه ابتسمت : لا بس عبدالمجيد اليوم جاني وهو يبي يتزوج الجازي
تهاني شرقت :نعم
ميهاف طبطبت على ظهرها. : صحى يروحي
تهاني : ونا احسب أنه يتسلا فيها
ناظرت ميهاف و بسمه ل تهاني ونطقت بسمه : نعم
تهاني : وشو
بسمه بعصبيه. : يعني تعرفين بس ما قلتي لي
تهاني بتوتر : هووو شوفي انا اعرف بسسس...
بسمه : كملي شفيتس سكتي
تهاني : كنت أحسبه هرج اطفال ماكنت ادري أنه يحبها جد
ميهاف : ونتي ليش ما قلتي لنا
بسمه بعصبيه : اي ولله ليش ما قلتي ليش ما نطقتي وقلتي عبدالمجيد كذا يسوي
تهاني بضيق : شدخلني اقلك أحسبه هرج بزارين ويكبرون وينسون شدراني
بسمه : قومي قومي اذلفي قومي
قامت تهاني بزعل وراحت فوق
ونزل خلف و ساره و العنود ونايف
ألكل : صباح الخير
بسمه : صباح الخيرات
نايف و خلف و سعود تقدموا وقبلو راس بسمه ونطق نايف: وشفيكي يمه وش فيه وجهك
ميهاف : لابس عبد المجيد من صباح الله جاء وهو يبي يتزوج
الكل : زواجج ؟...
بسمه : اي ولله جاني وهو يبي يتزوج الجازي
نايف بصدمه : الجازي
ساره بتعب : الجازي مب بنت الجيران ؟؟
بسمه : اي ولله
ساره جت تبي تتكلم اله وتجيها دوخه ويمسكها خلف بخوف : يمه
الكل قام وهو خايف
بسمه : وش فيها
خلف بخوف وهو يحاول يصحيها : من أمس تدوخ وتستفرغ
(فلاش باك)
ساره : عاد بكره خذني ل السوق ابي اشتري فستان
خلف : من عيوني
ساره : لبى عيونك .... اقلك وش وضع ....
ماكملت كلامها اله وتجيها دوخه
خلف قام من الكنبه ومسكها : فيك شي
ساره حطت يدها على راسها وجلست على السرير : لا بس احس بتعب و احس بستفر.....
ماكملت كلامها اله تقوم وتروح للحمام ( الله يكرمكم) وتبدء تستفرغ
لحقها خلف ودخل للحمام ( الله يكرمكم) ونطقت : فيك شي
ساره : لا انا....
ماكملت كلامها وتبدء تستفرغ أكثر واكثر
خلف : بنادي امي
صد خلف عشان يروح يعلم بسمه لكن ساره مسكت يده : لاتروح
