گعد ايان وجهز نفسه ونزل ليجوه سلم على الكاعدين
وكعد وي جوليان وآريانا يسولفون ويضحكون
جوليان: آيان مارايك ان نذهب لنشتري بعض الملابس اليوم؟
آيان: نعم فكره مذهلة
نزل الجميع بعد دقائق واجتمعو حول طاوله الطعام
وبداو بتناول طعامهم
وبعد فتره انتهى الجميع وذهب آيان لامه
: يمه حنطلع اني وجوليان نشتري ملابس وكم غرض
روز: اخذ الباقين وياك خليشترون
عماد: اي والله ياريت تاخذهم
آيان: تمام لعد حنطلع بعد شوي
راح آيان وگال للشباب والبنات حتيطلعون كلهم سوه
آسر: متحتاجون واحد جبير وياكم
احمد: ليش عمي موبعينك اني
آسر:لا والله موبعيني
عباس: ميحتاج احد ندبرهه احنه
آسر: تمام على راحتكم
وره فتره قليله جهز الكل وجانو مستعدين يطلعون
صاح آسر: آيان
آيان: ها؟
آسر: هذا مفتاح البيت روح وجيب سيارتك
آيان: تمام
كال آيان وراح يلحگهم
جوليان وآريانا وعباس وامير بسياره جوليان
وادرييل واحمد وآيه وآيان و يولينا بسياره ادرييل
بس ادرييل جان لازم يروح للشغل فف وصلو آيان
لبيته وعافو يمه احمد وآيه ويولينا وراحو همه
احمد: ولكك هذا بيتكم يخبل
آيان: اشكرك
راح آيان ؏ الگراج وفتحه مطلع سياره
ل فيراري السريعه بعدين صفن مومال فيراري
مقرر يطلع سياره اخوه. لجي گلاس
آيان: يله اصعدو
احمد: اوكف ولك اني الجبير اني اسوق
آيان: انجب موسيارتي سياره يوسف يشگني
بالنص اذا صار بيهن شي
احمد: لعد ليش مطلعت سيارتك
آيان: من ارجع عود امر عليهه اخذهه خاف يصيرنه حادث عل اقل بسياره يوسف
ضحك احمد وركب بالسياره مر الوكت
وخلصو تسوق واشترو هوايي ملابس
ورجعو للبيت واكيد آيان رجع لبيتهم وجاب لفيراري مالته وكمل لبيت جده
وصلو اخيرا ورجع المفتاح لابوه
وراح يرتاح
وره ساعه
راح آسر لغرفه احمد ولكاه وي كاضم يدخنون
آسر: ولك احمد اني شگتلك مو كتلك لتدخن
احمد: هو انطاني مالي علاقه
كاضم: آسر شبيك اهده هو عاجبه يدخن وبدال
ميدخن ورانه يدخن گدامي
آسر: هاي عود انتَ الجبير والواعي ودكتور نفسي وكذا طيح الله حضك
وانت أحمد مالك علاقه بهذا عمك
صدگني مراح تجيب لروحك غير الامراض
ووجع الراس وابوك اذا دره ينعل
والدينك
احمد: عمي بداعت جهالك لتگوله شي
آسر: دنجب لك اني صح مراح احجيله بس
اني لراح اراقبك بس اشوفك تدخن بعد
احجي ل ابراهيم
احمد: تمام عمي توبهه ماسويهه
بهل اثناء دخل عليهم آيان
احمد: خربب نززتني ماعلموك تدك الباب
آيان: لا ماعلموني
احمد: شتريد هسه
آيان: ابراهيم يريدك
آسر: عمي ابراهيم
مو ابراهيم
آيان: ميهم روحله بسرعه يريدك
احمد: عصبي؟
آيان: لا موعصبي
وبينما كان آيان يتكلم مع احمد ناداه زوج خالته
آيان: ثواني
عافهم. وراح لزوج خالته دخل وياه للغرفه
لاحض أحمد وكاضم تغيرر ملامح آسر
كاضم: شبيك آسر؟
آسر: مابيه شي
احمد: خاف غرت لن راحله؟
آسر: انجب احمد بس مااحب ستيڤين
كاضم: ليش ماتحبه؟
آسر: احمد متروح لابوك؟
راح احمد لابوه
وراح آسر يرتاح بغرفته
وبقه كاضم يفكر بعلاقه الابن والاب الغريبه
هو لاحض آيان الي كلما يشوف ابوه
يتوتر ويحاول يطلع من المكان لبي ابوه ولاحض
عدم اهتمام آسر للموضوع اصلا علاقتهم غريبه
ولا كأنو علاقه اب وابنه حته علاقته
هو واحمد احسن منهم
تنهد كاضم من اخوه
تزوج بعمر صغير وبعده لحد هسه يحتاج
شخص ينطيه نصايح على التربيه وشخص يراقب تصرفاته تنهد مره ثانيه مقرر يحاجيهم
هم الاثنين
طلع آيان بعد فتره من الغرفه وهو يضحك
كاضم: آيان حبيبي تعال شوي
اتقرب آيان منه: ها؟
كاضم: اكعد اريد احجي وياك
كعد آيان على الجربايه
كاضم: آيان اريد اسألك تعرف نوع العلاقه بينك وبين ابوك؟
آيان باستغراب: اب وابنه؟؟
كاضم: هذا يعتبر سؤال اكثر مما هو جواب
آيان: شلون؟
كاضم: طريقه قولك للجواب جانت وكأنك تطرح سؤال مو تجاوب
آيان: طيب هو ابوي واني ابنه شنو نوع العلاقه لبيناتنه يعني عم وابن اخوه اكيد اب وابنه
كاضم: دتشوف علاقه ابراهيم بأحمد او
علاقتي بامير وعباس او مثلا علاقتي اني
واحمد
آيان: اي؟
كاضم: هذي يسموهه علاقه اب بابنه
سكت آيان وماحجه
كمل كاضم: شوف ابني علاقتك
بابوك ابدد محلوه والكل لاحض هالشي
يعني اكو فرق كلش جبير بي علاقه آسر وي يوسف و علاقته وياك
آيان: هاي شبيكم ياهو لاشوفه يسألني على علاقتنه
عمي والله علاقه عاديه كأي اب وابن شبيكم بعد
كاضم: لاا هاي موعلاقه ابن واب ابدد
آيان: بالنسبه اليه كلش عاديه
لن هي هاي علاقتنه من وعيت على الدنيه لسه
كاضم: طيب نفترض هي علاقتكم هيج
شبيك من توكف يمه تتوتر وترجف
واذا دخلت بنفس المكان وياه شوي وتطگ
آيان: انييي؟؟
كاضم: لا ابوي اكو غيرك
آيان: والله مادري
كاضم: ابوك هم ضاربك من قبل؟
آيان: شعليك خصوصيات
كاضم : انجب واحجي محد حيعرف غيري اوعدك
آيان: يعني يضرب بس مو دائما مرات واكثر شي
يرزل ويصرخ
كاضم: وانت شنو رده فعلك من يضربك
آيان: هواي ردات فعل
كاضم: اخر مره ضربك شسويت؟
آيان: عفت البيت
كاضم: وشسوه آسر
آيان: يوسف يگول انو اول ثلاث ايام مااهتم
ووراهه بقه يدور ويدور لحد مصار
شهر كامل
كاضم: وشلون بالجامعه؟
آيان: جنه بالعطله الصيفيه
كاضم: همم وشلون رجعت
آيان: الصدگ جبرني ارجع
كاضم: جنت تكدر ترفض ليش رجعت
آيان: والله رجعت علمود امي
كاضم: عفيه من رجعت وفكرت بامك
ابتسم آيان
آيان: يله خلصت جلسه التحقيق مالتك
ضحك كاضم: هاي شبيك بس ردت
اعرف اذا آسر مدبر الابوه لو لا
آيان: مدبرهه لتخاف
گال آيان وطلع من الغرفه لغرفته
و...........
The End
رايكمم؟؟
لاتنسون تعلقون وتخلون نجمه
وبسس 🤍✨
أنت تقرأ
The Son ※
Science Fictionعائله تعيش بمنزل واحد لكن ماسبب بعد الابن الاصغر عن والده وعلاقته المتوتره معه ايضا يقرر الاب ان يعود لمنزل عائلته بعد غياب دام سنوات كيف ستكون ردة فعل الاصغر؟ كيف ستكون ردة فعل العائله تجاه هذا الابن الذي لم يروه بحياتهم؟ (باللهجه العراقيه 🎀)
