انتهى آيان من تجهيز جنطته وراح لغرفه
ابوه وامه
آسر: تعال
اقترب آيان وصار گدام ابوه
انطاه آسر الجواز
شكره آياه بهدوء وراد يطلع بس استوقفه صوت
آسر: باجر نطلع بل 6 الصبح اريدك جاهز
آيان: تمام
كال وطلع من الغرفه
وتنفس بقوه ميعرف ليش جان حابس انفاسه
لما دخل: ءوفف شبيه هيج توترت عبالك داخل
جهنم
كال آيان بينه وبين نفسه
ودخل لغرفته حط الجواز يمه وبقه يگلب
بالتلفون لحد مصارت الساعه الاربعه الصبح
نزل جوه واكيد بس البنات كاعدات يجهزن بروحهن
والباقي نايمين
آيه: ليش كعدت هسه بعد وكت
آيان: مانمت اصلا
آيه: هاي هيج متحمس لعرس بت خالتك
صدكك شسمهه هيه
آيان: اريانا
ايه: حلوه؟
آيان: جنهه بريعص حته انتِ احله منهه
ضحكت ايه
وبدت تكمل تجهيز نفسهه
(هم ببغداد وهواي بنات ببغداد ممتحجبات
لذا ايه مامتحجبه بس ماتلبس نص ردن او قصير
كدام اي واحد من ولد عمومتهه يعني لبسهه محتشم)
طلع آيان للحديقه وكعد بيهه يگلب بالتلفون
وره فتره طلع آسر للحديقه وشاف ابنه بيهه
تقرب منه يحط ايده على كتفه
نز آيان بفجعه
حاط ايده على گلبه: خرب يومك نززتني
حجه ايان مغمض عيونه بدون ليشوف منو وراه
ولما التفت حانت الصدمه ابوه
ضحك آسر: يله جهز روحك حنطلع
آيان: تمام جاي
اخذ تلفونه ودخل اخذ جنطته بايده واخذ جواز سفره
رتب شعره شويه وحط عطر وطلع
حط الجنطه بالسياره الي راح يروح بيهه
قسم الجد السيارات
وانطلقو للمطار
كل الاولاد جانو متحمسين ماعدى ايان طبعا
الي طلع شويه يشتم هوه
اجه عمه كاضم وكعد يمه يدخن جكارته
كاضم: آيان انت تدخن
آيان: لا ماادخن
كاضم: تكدر تگلي الصدك تره عادي عندي
بهل اثناء اجه احمد وكعد يم عمه وكاضم انطاه
جكاره وجداحه وبده احمد يدخن
كاضم: تريد وحده
آيان: عندي ربو ماادخن
همهم كاضم يتفهم
طلع آسر يدور عليهم
وكف كدامهم برفعه حاجب
آسر: احمد ذب الجكاره لا انعل والديك
مراح احجي لابوك بس حسابك وياي اني
وانت عيني آيان شسوي هنا
آيان: گاعد
آسر: امشي طب جوه لتختنك
تافف آيان ودخل ليجوه رزل آسر كاضم واحمد وطببهم ليجوه
اجت طيارتهم
وطلعو بيهه ومن سوء حض آيان
جان كرسيه يم كرسي ابوه كعد الابن والاب
سويه آسر يقره كتاب
وآيان يتابع فلم
وبعد مده حس آسر بآيان نايم على چتفه
ابتسم وغطاه بسترته
وبعد ساعات وصلو لبرطانيا
آسر: آيان آيان اكعد بويه وصلنه
فتح آيان عيونه وباوع على ابوه
شاف وضعيتهم وفورا وخر راسه
آسر: وصلنه يله خل ننزل
هز ايان براسه
ونزلو واستقبلهم ابو روز
استقبال حار ووداهم لبيته الي هو اشبه بالفيلا
من كبره
احمد بصدمه: هذا بيت لو فله؟
آيان: لاتنصدم هيج محسسني بيتكم
مو جبير تره بكبر هذا البيت
احمد: اعرف بس واجيتهم احله من واجهيتنه
دخلو للبيت
(تعريف عن عائله روز
الاب اكاسيو
الام ميرينا
الاخ الوحيد لروز
دالتون
زوجته صوفيا
ابنهما الاكبر ادرييل
ابنتهما الصغرى يولينا
اخت روز الوحيده
ديانا
زوجها ستيڤين
ابنهما الاكبر جوليان
ابنتهما الاصغر آريانا
نهايه التعريف)
(ملاحضه اخرى راح اخليهم يحجون بالعربي الفصحى
عذروني بس مابيه اترجم)
اقترب جوليان وحضن آيان
واقتربت آريانا وحضنته همين
باركولها كلهم وهي ردت بخجل عليهم
آيه: ولك ايان هاي لتگول عليهه جنهه بريعص
آيان: بربج عود حلوه عيعع ماعرف شلون قنعت وليام يتزوجها اصلا
يوسف: اي والله عبالي يفلت بس الجلب
سواهه وتزوج
ايان: اي والله حته اني
المهم يخوان كعدو وسولفو وضحكو واصر
ابو روز حته يباتون يمه
ووافق عماد اخيرا
وراح كل واحد لغرفته حته ينام
لن جانو تعبانين من السفر
The End
رايكم؟
لاتنسون تعلقون وتخلون نجمه
وبسس🤍✨
أنت تقرأ
The Son ※
Ciencia Ficciónعائله تعيش بمنزل واحد لكن ماسبب بعد الابن الاصغر عن والده وعلاقته المتوتره معه ايضا يقرر الاب ان يعود لمنزل عائلته بعد غياب دام سنوات كيف ستكون ردة فعل الاصغر؟ كيف ستكون ردة فعل العائله تجاه هذا الابن الذي لم يروه بحياتهم؟ (باللهجه العراقيه 🎀)
