كعد ايان على صوت يوسف وسيف يگعده
حته يتريك وياهم
آيان: je ne veux pas
سيف: هيوو شدتمضرط بالفرنسي
يوسف: عل كيفك عيني سيوفي
ديگول ماريد
قرب يوسف من اذن آيان وعاط بيه: آيانن اگعد
من گد ما الصوت چان عالي حته الجوه سمعوه
نهض ايان بفجع من الصوت
آيان: ابن الزمال هو هيج ليگعد
يوسف: ديله كوم اتريك
سحله يوسف و وكفه وراح آيان يبدل
ويتجهز
وبعد مده قليله چان يحط من عطره
سيف: خربب ولك يوسف هذا شلون تطلعونه
يوسف: نطلعه من الباب
سيف: والله لو هذا اخويه
حته للمدرسه مااخليه يطلع
كال وهو ينزل الدرج ضحك آيان بخفه
سيف: والله زين من ضحكت عبالي متعرف
عماد: همزين تفاعل بسرعه وي ولد عمه
ابتسم آسر اله
آيان: صباح الخير
: صباح النور
كعدو وبدو يتريكون آيان بس يلعب بالاكل
لن هو ميتريك اصلا
عماد: آيان اليوم راح نسجلك بالجامعه
آيان: اوراقي وصلن؟
عماد: اي وصلن
سكت آيان وضل يفكر
بحياته وشلون راح تصير
آسر صار المدير الجديد رسميا
نهض آيان وراح لغرفته
وراح سيف يتجهز همين
خديجه: روز اشو هذا مااكل شي
روز: عمه هو ميحب يتريك يكتفي بالگهوه
خديجه: موزين هيج متشوفين جسمه
شلون صاير چنه عود
آسر: يوسف روح گول لاخوك يتجهز حته
اخذه
راح يوسف يگول لاخوه وبعد فتره اجه ايان
وسيف متجهزين
اخذهم آسر وكمل المعامله وبقه آيان يمه هو وسيف بالمكتب
آيان: ليش اجيت اني؟
آسر: حته يعرفك يوسف عل جامعه ويدليك عل قسمك
هز راسه بيطئ
اخذه سيف وفره الجامعه كلهه ودلاه قسمه
وراحو على اصدقاء سيف الي هم
ليث ومحمد عبدالله
سلم سيف عليهم
سيف: شباب اعرفكم على ابن عمي آيان
ليث: خرب ولك وين چنت ضامه هذا
سيف: مجان بالعراق جان ببرطانيا
عبدالله: تشرفنا بيك آيان
ابتسمله آيان
وبقو يحجون ويتعرفون على آيان
محمد: عيني خلنكعد بالقاعه مو احسن
وافق الكل و
دخلو القاعه وشافو حسن كاعد وي شباب هواي
باوعله آيان وابتسم
وراحو گعدو على صفحه يسولفون وجانو وره حسن
تقريبا
وره فتره دار حسن وجهه وشاف لمحه من آيان
رجع اندار مره ثانيه وشاف آيان كدامه
يحجي وي مجموعه من الولد
كام حسن وراح لايان وسحبه من ايده وخلاه گبال وجهه
حسن بصدمه: آيان؟
آيان: ها حسن
حضنه حسن بقوه واشتياق
حسن: ابن الزربه تدري شكد مشتاقلك
آيان: واني هم مشتاقلك بس خنگتني
وخر
حسن: طيح الله حضك وحض ليحضنك
صيحيح مگتلي شسوي هنا؟
آيان: العب يعني بشرفك لواحد شيسوي بالكليه
حسن: خرب لتخبلني يمعود شجابك للعراق
ماكتلي عندگ گرايب هنا
آيان: بيت جدي هنا واجينه هنا نستقر
حسن: خرب دينكك دوگف خل اصيح لعليي
وراح حسن يصيح لعلي
سيف: هيوو شنو نسيتنه وانوب اشو هذا گضاهه
بس شتايم عليك
آيان: لا مانسيت بس صار هواي مشايفه
مشتاقله واعذره شگد مشتم عمك
سيف: ديله روح وراه شوف هذاك لاسمه علي
راح آيان وره حسن ولگاه يحجي وي علي ويقنعه يدخل وهو يرفض
آيان: لك زمال متريد تشوفني
علي حضنه بقوه: لا حبيبي بس
ماصدكت بحسن دوم يگلي هيج ونوب يطلع يضحك عليه
آيان: اخخ عليوي مشتاقلك هوايي
علي: واني همين ليش متراسلني هيج هنت عليك
تعوفني لو نسيتني وره مصار عندك اصدقاء
آيان: افاا عليك اني انساك والله لو اصادق الف
واحد ميجون لشعره منك
علي: يروحي انتَ
آيان: ديله هواي مضرطنه خل اعرفكم ؏ ابن عمي
وداهم آيان لسيف
آيان: سيف هذولي حسن وعلي
وحسن وعلي هذا سيف ابن عمي
سيف: اتشرفت
حسن: واحنه همين
سيف:آيان يله عمي يگول خل نروح للبيت
ودع آيان جماعته ومشو
راحو لمكتب
سيف: والله ماتوقعت تكون صداقات بهل سرعه
كال سيف ببنما يدخل المكتب
ضحك ايان: شبيك يمعود هذول وياي من المتوسط
آسر: روحو گدامي للسياره جاي وراكم
راحو سيف وآيان مرتچين عل سياره
سيف: اگلك
آيان: كول
سيف: اعذرني اذا السؤال شخصي
بس شو علاقتك وي عمي بارده كلش
آيان: مفهمت شلون يعني؟
سيف: لاتسولف وياه ولا تحجي وياه
امكن قبل شويه يله حجيت وياه
وبس سألته وهاهيه وانوب
لاسألك عل كيله شلونهه لا صخام
آيان: مااشوف شي غريب
سيف: لك زمال احجي
آيان: شحجي يمعود هي هاي علاقتي بي
من اول مانخلقت
سكت آيان من شاف ابوه اجه
وركب بالسياره
ركبو همين
وجان الطريق فد هدوء وره فتره وصلو
للبيت ونزلو
سلم ايان وراح لغرفته
سبح وبدل ملابسه ونام
اما سيف هم راح بدل ورجع يتغده
سعاد: سيف روح شوف آيان وينه
سيف: آيان رجع نام
خديجه: شو مااكل. يمه آسر شبي ابنك
آسر: مابي شي بس يمه ليضل بالج هو متعود
هيج من يگعد ياكل
خديجه: مامقتنعه بكلامك
عماد: يمعوده عوفي للولد مناصبه اكله
سكتت خديجه وراح كل واحد يرتاح بغرفته
وصار العصر وكعدو كلهم
وآيان بعده نايم
عماد: ولك آسر خاف ابنك مات
آسر: لا مامات بس تعبان واكيد البارحه مانام
عدل ولقبلهه جان سهران
عماد: يمعود مو هيج الساعه راح تدگ ال6
روز: خليه عمو اذا گعدتو هسه يتخبل
علينه كلشي ولا واحد يگطع نومه
ضحك عماد.: اي سيوفيي شلونه آيان بالجامعه اليوم؟
سيف: والله ياجدي ايان اول يوم اله
ولكه اصدقائه هناك
عماد: اصدقائه
سيف: اي جدو حسن وعلي
عماد: تعرفهم
آسر: شلون مااعرافهم چانو رب المشاكل
كليوم مشكله جديده
وبقو يحجون عل شغل. وهاي السوالف
عماد: يوسف كوم كعد اخوك يله
صارت6:30
راح يوسف يگعد آيان وبعد تعب واخيرا گعد
آيان من النوم
يوسف: يبووو عليك دگعد كافي نوم
آيان: كعدت يمعود كعدت
يوسف: يله خلننزل
نزل آيان ويوسف. وسلم آيان عل گاعدين
وكعد يم اخوه
عماد: شهل نوم ولك
آيان: والله تعبان
عماد: زين جوعان اخلي البنات يصبولك
آيان: لا موجوعان
عماد: شلون موجوعان من البارحه مااكلت شي
آيان: موجوعان بس
عماد: براحتك ماضغط عليك
وفجأة اجتهم ايه تركض
آيه: جدوو بيبي متخربطه
عماد: شنوو شبيهه؟؟
ايه: مادري فجاة وگعت
ركضو كلهم
جانت خديجه متتحرك
عماد: شلون هسه
آيان: صديقي ببته قريب وهو يدرس طب
سنه رابعه اذا تردون اصيحهه يجي
يشوفهه
عماد: اتصل عليه فورا
اتصل ايان على علي
وفتح لسبيركر بينما يحاول يساعد
يتعديل بيبيته
علي: نعم حبيبي
آيان: تكدر تجي لبيتي هسه؟
علي: ليش عيناي خومابيك شي؟
آيان: تعال بدون مضرطه وجيب وياك ادواتك الطبيه
عدنه مريض
علي: اگول اتصالك بيه مو علمودي بس يله
اني جاي
آيان: تمام
وسدو الاتصال
احمد: شبيك تحجي وياه هيج
آيان: هذا الشي ميخصك صديقي واحجي وياه بكيفي
وبعد فتره قليله اندگ الجرس واجه علي
علي: ها آيون وين المريض
آيان: بالغرفه الحگني
لحگه ودخله على بيبيته فحصهه علي
علي بابتسامه: لتخافون مابيهه شي بس ارتفع ضغط الدم عدهه لازم تاكل اكل صحي وخلوهه
تلتزم بدواهه
آسر: مشكورين عليويي
علي: العفو مديرنا
طلع ولكه ايان مخلي ايده ؏ كتف سيف
علي: يروحي توخر ايدك لو اكسرهه الك
وخر ايان ايده: هاي شبيك يمعود
علي: آيان تعرف شبيه
باوع آيان على العائله كلها متجمعه يمهم
آيان لعلي: نحجي بره مو هنا
طلع علي وآيان للحديقه
كاضم: اميرر بسرعه روح اسمع شيحجون
طلع امير وراههم بسكون حته ميحسون عليه
وبده يتسمع
علي: آياني يعني بعدك زعلان عليه
آيان: طبعا بعدني نسيت شسويت لو اذكرك
علي: تره مسويت شي
آيان: لا ابدد بس
كسرت صاحبي تكسر
علي: غير صيح عليك وقلل ادبه وياك
ياروحي غير اخاف عليك وتدري بيه مااتحمل
واحد يأذيك
آيان: للمره الالف هذا مو مبرر حته تخلي الولد
بالعنايه المركزه ماكتلك لتضربه بس موهيج وهاي اخذتهه وانفصلت
علي: هسه شذكرك مو البارحه جنت خوش وليد
آيان: البارحه جنت ناسي وهسه تذكرت
علي: ءوفف كافي زعل يعيوني
والله تعبت واني اعتذر شكد اعتذرتلك
حته ردت اجي بس خالتي توفت ومكدرت اجيك
آيان: علي ماريدك تعتذرلي اعتذر للولد
المسكين
علي: موكتلك مااعتذرله
كافي تلح عليه
آيان: يعني اني الح
تعب علي من هذا النقاش
علي: كافي ايان والله تعبان
بطل زعل مو نعلت والديه
ايان: اي تستاهل يله علي ادعبل من گدامي
علي: يلوحلك فدوه علي
باوعله آيان بنضره اقل مايقال عنها
بومباستيكيه
رجع امير بسرعه وعلي راح لاهله
وآيان رجع وراح لغرفته يرتاح
ابراهيم: ايي شسمعتت
آسر: شبيكم هيج مهتمين؟
امير: كلي شنو لماسمعته
اقترب الكل منه حته اسر وروز اجاهم فضول يعرفون
أمير: جان آيان يتعارك وي علي-حجالهم
لسمعه-
كاضم: الله كتل الولد لن صيح عليه
آسر: اي اذكر الولد جان مكسر خطيه
عليوي نعل والدينه
كاضم: وانفصل
آسر: اي طبعا
امير: حرامات والله انوب شبي آيان زعلان فوك مدافع عنه
حجه يوسف متدخل: مو آيان هو جان خايف علي يدخل السجن او يطردوه من قسمه لذا زعل
عماد: آسر دير بالك علي ابنك اذا صارله شي
ماتلوم اله نفسك
آسر: ها بويه سالمين شكلك نسيت منو ابنك
عمدا: دنجب شنو عبالك ملاحضت
علاقتك وي ابنك
آسر: شبيه علاقتي وياه؟
عماد: مابيه شي بس ازبل من الزباله
اشوفك تحجي وي يوسف و و لد اخونك
بس وي آيان ابدد والنوب هذاك كلما يشوفك
يشرد عبالك شايف عزرائيل
مو ابوه
آسر: بويه شسويله يعني هو كلما يشوفني يطفر
عماد نهض بفزع: ولك ادبسز خاف تضربه
آسر: لايمعود والله مماد ايدي عليه
يعني بس مره وحده مرتين
عماد باوع ليوسف: هاي صدك ضاربه؟
يوسف: اي جدو هو يضربه بس نادرا لن اصلا
هم واحد ميشوف الثاني بالبيت اذا ابوي موجود
آيان ميطلع من غرفته
عماد: ابن القندره اذا بعد مديت ايدك عليه انعل والديك فهمت لو لا
آسر: حاضر بويه حاضر
(عبالك هو ابنه مو اني)
وبعدها كل واحد راح ينام بتعب
The End
رايكم؟
لاتنسون تعلقون وتخلون نجمه
وبسس 🤍✨
أنت تقرأ
The Son ※
Ciencia Ficciónعائله تعيش بمنزل واحد لكن ماسبب بعد الابن الاصغر عن والده وعلاقته المتوتره معه ايضا يقرر الاب ان يعود لمنزل عائلته بعد غياب دام سنوات كيف ستكون ردة فعل الاصغر؟ كيف ستكون ردة فعل العائله تجاه هذا الابن الذي لم يروه بحياتهم؟ (باللهجه العراقيه 🎀)
