دخلو للبيت وصعد آيان لغرفته
آسر: لاتگلي راح تنام
آيان: لا اريد اسبح
آسر: خوش طب واني منتضرك هنا
آيان: تمام
طب آيان وسبح بسرعه بسرعه وبدل ملابسه
لملابس بيت مريحه وطلع
شاف آسر كاعد على الجربيه
اجه وگعد يمه
آسر: راح اسألك سؤال وتجاوب عليه بصراحه
آيان: اي اسأل
آسر: عاجبك الوضع هنا لو تريد ترجع؟
آيان: اي عاجبني ليش ميعجبني لعد
آسر: لعد شبيك لاتاكل ويانه شنو الاكل ميعجبك لا تطلع وي ولد عمك
مو مثل قبل جنت متطب للبيت اصلا شبيك هاي الفتره؟
آيان: موسالفه ميعجبني الاكل بالعكس
امك تسوي اكل كلش طيب بس اني هاي الفتره
مااشتهي اي نوع اكل يجوز بسبب تغيرر البيئه
لجنت عايش بيهه فجأة
والطلعه اني اطلع موما اطلع بس اطلع وي حسن
وعلي لن ماارتاح لولد اخوانك
آسر: ماترتاحلهم لن محد بعمرك
هسه تجي عمتك نسمه
وعدهه حسين بگد عمرك تتفق وياه
آيان: عندك بعد اخت
آسر: اي عندي
يله نشف شعرك وانزل يمنه لتضل بغرفتك گاعد
آيان: تمام
طلع آسر ونشف آيان شعره وطلع يكعد وي الباقين
خديجه: آيان شوكت تشيل الكانونه
آيان: بعد يومين ثلاثه
خديجه: زين شتريد اسويلك اكل اليوم
آيان: بكيفج
عماد: اليوم تجي نسمه ويونس لذا راح نطلب اكل
خديجه: شوكت ت..
قاطع كلام خديجه دگ الجرس
عماد: اجو آيان روح افتح الباب
كام آيان وفتح الباب لعمته وجان حسين كبال وجهه
حسين: بويه شكلنه مخربطين بالبيت
ضحك آيان: لا عيني ممخربطين تفضلو
تقدم يونس منه: هذا بيت عماد
آيان: اي بيت عماد
ابتعد آيان سامحلهم يدخلون
دخلو وهم مستغربين من الولد الجديد
لفتحلهم الباب
حضنت نسمه اخوانها الكبار ولما اقتربت من آسر
كامت تبجي كونها مشافته من فتره كلش طويله
آسر: كافي تبجين يمعوده
مسحت نسمه دموعها: وين مرتك وجهالك
روز: هياتني هنا
اقتربت نسمه منهه وحضنتهه
آسر: هذولي اولادي يوسف-اشر على يوسف-
وآيان-اشر على آيان-
يونس: ياا وحسين يگول مخربطين بالعنوان
اقتربت نسمه وحضنت آيان: فدوه ل الله تخبل
ابتسملهه آيان
نسمه: غيث حسين هذا خالكم آسر
حسين: منين طلع هذا
نسمه: جان ببرطانيا
وهسه رجع
كعدو الكبار يسولفون سويه والاولاد كلهم
اجتمعو بغرفه وحد
جانو مجتمعين يسولفون كلهم عدى آيان الي جان يسولف وي علي
لاحض سيف نضرات حسين لآيان
: روح احجي وياه اذا تريد
حسين: زين هو شبي كاعد وحده
ميجي ويانه
سيف: هو يحب يبقه وحده تعال خلنگعد يمه
كامو سيف وحسين وكعدو يم آيان
سيف: آيان
آيان: ها
سيف: اداوم باجر لو لا
آيان: اي هواي فاتتني محاضرات ماعرف شلون راح انجح
حسين: بيا مرحله انتَ؟
آيان: الاولى
حسين: حلوو مثلي زين شنو تخصصك
آيان: تحقيق جنائي
حسين: الله تخصص حلو
سيف: الشباب يردون يطلعون تجي ويانه
حجه سيف كلامه موجه لآيان
آيان: خيي جماعتك ماحبهم ومااطلع وياهم
سيف: طيح الله حضك
زين عليويي وحسون ميجون
آيان برفعه حاجب: عليويي وحسون؟ هاي شنو
علاقتكم مطوره من وراي
سيف: كلش
آيان: تمام هسه آسال علي واردلك خبر
كام سيف يگعد وي الشباب وبقه حسين يم آيان
وحسين يباوع لآيان
حس آيان بنصراته: مضيع شي بوجهي؟
حسين: لا بس انتَ حلو
آيان: اشكرك
بقه حسين يباوعله
آيان: شتدرس؟
حسين: تقنيات حاسوب
آيان: اخيرا تخصص بي حض
حسين: اي والله تخصصاتهم كلهه تافهه عداك طبعا
بقه آيان وحسين يحشون على الولد الباقين
واندمجو بالحديث
لحد مدخل آسر على الولد
آسر: آيان
التفتله آيان واشرله آسر يجي
راح آيان لابوه
انطاه آسر دواه
آسر: يعني إله اذكرك يله تشرب
آيان: هي مره وحده ذكرتني
آسر انجب واشرب
شرب آيان دواه وكمل حجيه وي حسين
وبقو على هاي الحاله لحد مصار الليل وكل واحد راح نام بغرفته
The End
رايكمم؟
اعذروني اذا البارت قصير بس عندي امتحانن
(ادعولي)
لاتنسون تعلقون وتخلون نجمه
وبسس🤍✨
أنت تقرأ
The Son ※
Science Fictionعائله تعيش بمنزل واحد لكن ماسبب بعد الابن الاصغر عن والده وعلاقته المتوتره معه ايضا يقرر الاب ان يعود لمنزل عائلته بعد غياب دام سنوات كيف ستكون ردة فعل الاصغر؟ كيف ستكون ردة فعل العائله تجاه هذا الابن الذي لم يروه بحياتهم؟ (باللهجه العراقيه 🎀)
