مر اسبوع بالفعل منذ ذهب آل عماد
لبرطانيا وخلص العرس وهسه هم راجعين
للعراق العضيم وآيان ميعرف ليش
كرسيهه يم ابوه خصيصاا ليش
هو الوحيد الي يم ابوه شتم حضه وگعد بهدوء
مگلب بكتاب جابه وياه يقره بكل انسجام
لحد منسحب الكتاب منه فجأة
وطبعا آسر لسحبه منه
آسر: شنو هذا الكتاب؟
آيان: آمواج أكما
آسر: عن شنو يحجي؟
آيان: عن أهمية المحافظة على المبادئ والقيم الإنسانية حتى في أسوأ الظروف وأصعبها، وحتى مع ألد الأعداء.
آسر: اممم حلو منو الكاتب
آيان: مكتوب گبالك
آسر: بعدك صغير على هيج نوع كتب
آيان: ممكن ترجعلي الكتاب؟
آسر: لا عجبني راح اقراه اني
باوعله آيان بنضرات غير راضيه
آسر: اقره هذا
اخذ آيان الكتاب من ايده
آيان: اماريتا؟
آسر: يجوز يعجبك اقراه
فتح آيان الكتاب وبده يقره بكل تركيز
ومرت ساعه كامله وآيان يقره وكلش عجبه الكتاب
الي انطاه اياه ابوه وبدا يقره ويقره
ساعتين ثلاث ساعات اربعه............
لحد مكملت العشر ساعات وآيان ومشال عينه من الكتاب وكذالك آسر اضن آيان ورث حب الكتب
من آسر لو شتگولون؟
ابتسم الجد من شاف الاب وابنه يقرون بكل شغف طول الطريق ولحد موصلو البيت
وكل واحد راح لغرفته وآيان رغم تعبه ونعسه
بس جان اله فضول يكمل باقي الكتاب
بقت صفحات قليله ويخلص الكتاب مااتحمل لحد ماكمل الكتاب كامل حته گدر ينام
اجه العصر وكل العائله گعدت وتجمعو ماعدى آيان لجان لحد هسه نايم
عماد: روز روحي گعدي ابنج موزين لحد هسه يبقه
نايم
آسر: خليه نايم مانام بالطياره هو بكل الاحوال
راح يبقه نايم للصبح
روز: اي صحيح خلي نايم احسن ميضل يحوس الليل كله
عماد: خلاص اذا هيج خليه نايم
وبقو يحجون لفتره حته رجع كل واحد لغرفته
حته ينام
-اليوم الثاني-
كعد آسر من وكت ولگه آيان كاعد بالحديقه
وحرفيا محد كان كاعد غيرهم
كعد آسر يم آيان: كملت الكتاب؟
آيان: اي
آسر: عجبك؟
آيان: كلش
آسر: آيان
آيان: ها؟
آسر: بعد لاتقره مثل نوعيه ذاك الكتاب لاخذته منك
البارحه
آيان: ليش؟
آسر: هيج كتب مومال لبعمرك
آيان: تره عمري19مو 15 والكتاب مابي شي
ثقافي و وثائقي ويعلم
آسر: كتلك لاتقراه بعد يعني ماتقراه
تافف آيان وصعد لغرفته ورجع نام
مره ثانيه ومر الوقت
كعدو كلهم ومر الوقت اكثر واكثر لحد
مصارت الدنيه العصر
عماد طلب من روز تگعد آيان حته يگعد يمهم
(عماد وابراهيم وآسر يدخنون وكاضم لا)
راحت روز تگعد آيان ومن گعد جان
يحس بألم مو طبيعي جسمه كله يوجعه
والصداع راح يفتگ راسه
بس ضغط على روحه ونزل ليجوه
ومن سوء حضه جانو ثلاثتهم يدخنون عماد
وابراهيم وآسر
والغرفه كلها ريحه دخان
بس هو لاحض انو آسر بس شافه نزل
طفه الجگاره وكال لابوه ولاخوه يطفوهه بسبب كون آيان يعاني من الربو
بقه عماد يسولف وي آيان بامور تافهه بنضر آيان
ولما يصير جدال آيان يسكت فورا
ماله خلگ روحه (موبس انتَ مالك خلگ روحك)
وطبعا الاب الحنون لاحض تعب آيان
(شلون اب يخبل)
. وبعد ساعه من الحجي آيان حرفيا
مديشوف گدامه
فآيان حته يخلص گال راح يصعد يجيب
تلفونه ويرجع
ومن صعد الدرج الدرجه الاولي
وبالدرجه الثانيه بوممم
وقع آيان
الگاعدين سمعو صوت ارتطام
قوي دارت نسمه وجهه اول وحده
وصرخت من شافت
آيان مرمي جسمه ورجليه على الدرج
اما الباقين فچانو منصدمين حرفيا
ركض كاضم عليه
وضل يضرب على خده بخفه بس
فجأة صرخ: آسرر جيب السياره بسرعه
ولك راسه ينزف
آسر تجمد مكانه من الخوف خايف
يخسر ابنه
كاضم: مو وكت صدمتك بسرعهه روحح
باوعله آسر
وراح للسياره وفتحهه بسرعه
طلع ابراهيم شايل آيان المغمى عليه
وركبوه بالسياره
وانطلقو للمستشفى ولحگوهم الباقين
همين
دخلو آيان للطوارئ وبقت العائله منتضره
بره الغرفه وكلهم متوترين
روز تبجي بصمت
آسر هادئ بشكل غريب
يوسف يفتر بالممر بقلق
والباقين نص واكفين يباعون للغرفه
ونص يم روز يهدون بيهه
وره فتره موقليله
طلع الدكتور بملامح موراضيه ابد
عماد: ها دكتور بشرنه
الدكتور ادم: لا الحمدلله راخ الخطر عنه
كاضم: زين راسه ليش جان ينزف
ادم: منين وگع يبدو انو وكع من مكان شوي عالي
على راسه لذا اكيد راح ينزف لن انجرح
بس الجرح مو عميق
(نشكر اخوي على فكره شگ الراس)
و وين امه ابوه
اقترب آسر و روز منه
ادم بعتاب: يعني مالحضتو اكله القليل
جان ياكل شي اصلا بهاي الفتره
ولا صخونته العاليه معقول محد لمسه
ولاحضهه ولانقص الفيتامينات
مناعته كلش كلش ضعيفه
آسر: يعني شنسويله هو ليل نهار بغرفته
ادم: زين جان يعاني من الصداع قبل ميوگع
باوعو كلهم على يوسف لصافن بشرود
آسر: يوسفف
يوسف: ها؟
آسر: آيان جان يعاني من الصداع قبل ليوگع
يوسف: اي وچان كلش ياذيه
ادم: دائما يأذيه لو بس هالمره؟
يوسف: دائما
ادم: الصداع راح يلازمه هل فتره والالم حيكون
موطبيعي لذا لاتتصدمون اذا بچه من الالم
راح آسر وي الدكتور يستفسر اكثر واكثر عن حاله
آيان
-تسريع تحداث-
اليوم الثاني:
كعد آيان اخيرا بعد يوم كامل وهو نايم بالمستشفى لان فقد هواي دم
حضنته روز بقوه وهي تبجي
آيان: يمه تره مامتت والحمزه هي دوخه
روز: اي دوخه خلتك يوم كامل مغمى عليك مو
آيان: اهوو يعني شلون ارجع انام
روز: آيان انجب
ابتسملهه آيان وبقو الباقين يرزلوه
آيان: يمعودين كافي هسه فوك مامريض
وكلكم واكفيت فوك راسي وترزلون بيه
ماتحترمون المريض
عماد: اسكت آيان متعرف شكد قلقتنه عليك
آيان: هسه ليسمعكم عباله نمت شهر
هو يوم قحط
عماد: انجب آيان
(خطيه آيان كلساع واحد يگله انجب)
دخل آسر: واخيرا گعدت الاميره يله كوم كدامي
خلروح للبيت
كام آيان وطلعو من المستشفى واخيرا
يوسف: والله ماعرف شلون راح تنجح وانت
كضيتها يا سفر يا مريض
آيان: انجح انجح معليك
صعدو بالسياره وانطلقو للبيت
The End
رايكمم؟
لاتنسون تعلقون وتخلون نجمه
وبسس 🤍✨
أنت تقرأ
The Son ※
Fiksi Ilmiahعائله تعيش بمنزل واحد لكن ماسبب بعد الابن الاصغر عن والده وعلاقته المتوتره معه ايضا يقرر الاب ان يعود لمنزل عائلته بعد غياب دام سنوات كيف ستكون ردة فعل الاصغر؟ كيف ستكون ردة فعل العائله تجاه هذا الابن الذي لم يروه بحياتهم؟ (باللهجه العراقيه 🎀)
