မိနစ်လေးဆယ်လောက်ရှိသွားပြီ။ ဓာတ်လှေကားထဲတွင် မေ နှင့် မျက်နှာစိမ်းမိန်းကလေးတို့ပိတ်မိနေသည်မှာ မိနစ်လေးဆယ်ခန့်ရှိသွားပြီဖြစ်သည်။
"မိနစ်လေးဆယ်တောင်ရှိသွားပြီ။ ကယ်ဆယ်ရေးသမားတွေဘာလုပ်နေတာလည်းမသိဘူး"
မျက်နှာစိမ်းမိန်းကလေးက လက်ကနာရီကိုကြည့်ပြီးစကားဆိုလိုက်လေသည်။ ထိုမိန်းကလေးရဲ့စကားများကို မေ တစ်ယောက်မတုံ့ပြန်မိပါ။ စိတ်ထဲ မောင့်ကိုသာသတိရနေမိပါသည်။ ဒီလိုအချိန်ဆို မောင် သန်လျင်ကနေ ပြန်ရောက် လောက်ပါပြီ။ ဒါဆို သေချာပေါက် ငါ့ကိုလာရှာလိမ့်မယ်။ ငါ စိတ်မပူပါဘူး။ မောင့်ကို ယုံပါတယ်။ မေ တစ်ယောက် စိတ်ထဲချစ်သူမောင်ကိုသာလျှင် တမ်းတမိနေတော့သည်။ ထိုအခါဘေးနားတွင်ရှိနေသော မျက်နှာစိမ်းမိန်းကလေးက စိုးရိမ်ကြောင့်ကြမရှိ တည်ငြိမ်နေသောမျက်နှာထားပုံစံနှင့် ရှိနေသည့် မေ့ ကိုအံ့သြသွားကာ စကားဆိုလိုက်၏။
"ဟိုဟာ အမကြီးက စိတ်မပူဘူးလား။ ဒီမှာကျွန်မတို့ပိတ်မိနေတာအတော်ကြာနေပြီ။ နောက်ပြီး ကယ်ဆယ်ရေးသမားတွေကလည်းဘာသံမှမကြားရသေးဘူးလေ"
ထိုမိန်းကလေးက ထိုသို့ဆိုလိုက်တော့ မေ ရဲ့မျက်ဝန်းစူးစူးလေးက ထိုမိန်းကလေးဘက်သို့အလိုလိုလှည့်ကြည့်မိလျက်သားဖြစ်သွားလေသည်။ မေ့ အကြည့်များကြောင့်ထင်၏။ ထို မျက်နှာစိမ်းမိန်းကလေးရဲ့ အကြည့်တွေကလည်း မေ့ ကို စူးစူးစိုက်စိုက်ပင်ပြန်ကြည့်ပေးလိုက်၏။ အလိုလေး...။ ဘယ်လိုမိန်းကလေးပါလိမ့်။ ငါက သူ့ကိုခဏဘဲကြည့်ပေးလိုက်တာ..။ သူငါ့ကိုကြည့်နေတဲ့အကြည့်တွေက မောင့် ထက်တောင်ဆိုးနေသေးတယ်..။ မေ လည်း ထိုမိန်းကလေးကိုမကြည့်တော့ဘဲ တစ်ဘက်သို့မျက်နှာလွှဲလိုက်ပြီး စကားဆိုလိုက်လေသည်။
"ကယ်ဆယ်ရေးသမားတွေရောက်လာမှာပါ။ ညီမလေးသိပ်စိတ်မပူပါနဲ့။ နောက်ပြီး အမရဲ့ချစ်သူလည်းရောက်လာမှာပါ။ သူသေချာပေါက်အမကိုလာရှာမှာပါ။ ဒါကြောင့် အမက စိတ်မပူဘူးလေ"
မေ့ ကထိုသို့ဆိုလိုက်တော့ ထိုမိန်းကလေးရဲ့မျက်နှာက အနည်းငယ်ပျက်သွားသည်ကို မေ တစ်ယောက်သတိမထားမိပါ။ ဘာရယ်...ဒေါ်မေဘရဏီပျိုကချစ်သူရှိတယ်ဟုတ်လား..။ သူက ဘယ်သူလည်း..။ ဒီလောက်လှတဲ့ Tulip Group ရဲ့ ဥက္ကဌ ချစ်သူက ဘယ်သူလည်း...။ ဟားး။ ရမှာတဲ့လား။ ဒေါ်မေဘရဏီပျိုရဲ့ ချစ်သူက ငါဘဲဖြစ်ရမယ်....။ ဒေါ်မေဘရဏီပျိုရယ်။ ကျွန်မ ဒေါ်မေဘရဏီပျိုကိုအရယူပြမယ်...။ ထိုမိန်းကလေးကစိတ်ထဲထိုကဲ့သို့ကြုံဝါးပြီးနောက် မေ့ ကိုစကားဆိုလိုက်၏။
YOU ARE READING
Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (2) 🌷💖
Romance(သွေးအေးပြီး ရက်စက်သော မြေအောက်ရာဇာဂိုဏ်းရဲ့ မာဖီးယားအဖွဲ့ခေါင်းဆောင် မိန်းမချောလေး သျှားခတ်မောင်။ စီးပွားရေးလောကရဲ့ ဒိတ်ဒိတ်ကြဲထိပ်တန်း ဖြစ်သော သော Tulip Group Perfume Company ၏ ဥက္ကဌတစ်ယောက်၊ The Golden Myanmar Hotel နှင့် Easy Way Store များကို ပ...
