ليــتنـي يـاســعُـود مَــا شــرعـت له بــاب قلبـي

الــفــصـل الـــرابـــع

, , بعد مو انتهوا من الفطور قاموا الرجال يلحقوا على صلاه المغرب في المسجد أما البنات توجهوا يصلون و بعدها يرجعون للسفره .
بعد مو انتهوا من الصلاه رجعوا ليكملوا و الرجال توجهوا للمجلس اما البنات اخذن السفره و توجهن الى المطبخ ..
" في المطبخ "
  العنود و جود الي يجلون الصحون و الجوري و ريم يرتبون المطبخ
االجوري : بنات شرايكم بعد مو نخلص صلاه التراويح في المسجد نطلع نلعب في الحوش
ريم بحماس : قدااام
جود و هي تدفها : و الدراسه من يدرسها , مو عمري دخلت غرفتك و شفتك تذاكرين, طول وقتك مع الجوال او انك تلعبين مو كأنك اخر سنه
ريم بتأفف : يوووه , يلا خذلك نكدت علي هذي النفسيه , يا حبيبتي يا اختي العمر مره وحده خلني افلها و ادز امها .
الجوري و هي تعزز لها : اي كفو بنت اخوي
العنود و هي طايره عيونها و هي تأشر على الجوري : منو انتي تعززيلها , المفروض انتي الكبيره انتي العمه تنصحينها مو تدمرينها
الجوري و هي طايره عيونها : وش تقصدي , انا ادمركم ؟؟ ... الجوري لفت بشعرها لوراء بغرور و قالت : حبيبتي وين بتحصلين نفسي انصحكم و اسولف معاكم و افلها و اسوي لكم فعاليات .
العنود و جود طيروا عيونهم : اوله اوله وشو ذا الغرور يا شيخه مو شفته فأحد غيرك وش ذي الثقه
ريم و هي تصفق للجوري : كفوو عمتي كفوووو , و انا اقول على منو طالعه أثاريني عليك
الجوري و هي تطق ظهر ريم عالــخفيف : كفووو علييك
العنود و جود هزوا راسهم بأسف من خبالهم .
_ _ _ _ _
بعد مرور تقريبا ساعه على اذان المغرب , و هم جالسين حوالين بعض يتبادلوا اطراف الحديث فيما بينهم سمعوا صوت الاذان الي يصدح و يعلن دخول وقت صلاه التراويح .
الجد و هو يكلم اولاده و العيال : يلا قوموا تجهزوا لا تفوت الصلاه علينا
هزوا راسهم بالايجاب و توجهوا لاجل يتوضون للصلاه و يتجهزوا ... اما الجد التفت للجده سلمى و قال : و هاا يا سلمى انتوا بتروحون تصلون صلاه التراويح في المسجد و لا بتصلوها في البيت
الجده سلمى : وشوله نصلي في البيت , لا لا بنروح المسجد نصلي و لا وش رايكم يا بناات ؟؟
مريم : اي والله يا يمه بنصلي في المسجد
و هزوا البنات راسهم يأيدوا كلام الجده و مريم
الجد و هو يهز راسه : اجل يلا قوموا تجهزوا للصلاه بنمشي مع بعض
الكل هز راسه بالايجاب و توجهوا يتجهزون للصلاه ...
بعد حوال ربع ساعه الكل تجهز مو البنات
سلمان و هو عاقد حجاجه : وين هالبنات رح نتأخر على الصلاه , و بعدها نادى باعلى صوته و قال : يلا يا بنات عجلن , بنتأخر للصلاه
الجوري و هي تنادي من الداخل : اصبروا باقي مو خلصنا , خمس دقايق بالكثير و نكون خالصين
هز راسه الجد بالنفي و قال : نحن بنسبقكم للمسجد , و بعدها ناظر على الايهم و رعد و قال لهم : و انتوا انتظروا البنات يخلصون و تعالوا معاهم .
تأفف الايهم فداخله لانه بسببهن بيتاخر على الصلاه و بعدها ناظر لجده قال : ان شاء الله يبه
الكل توجه للمسجد مو عدا الايهم و رعد الي ينتظرون البنات و بعد خمس دقايق طلعن البنات و صادفن الايهم الي واصل حده من العصبيه و رعد الي مبتسم ببرود
الايهم و هو معصب و يناظر في ساعته : لا والله لو تاخرتوا زيااده عن كذا
الجوري : و الله شنسوي نحتاج وقت لنجهز و كان طابور على الحمام ( يكرم القارئ )
الايهم و هو يستغفر : زين زين .. يلا امشن وراي بدون صوت يلا حركن لانا متاخرين على الصلاه
جود هزت راسها و مشوا متوجهين للمسجد و كانوا يسرعون في المشي لاجل يلحقوا على الصلاه و بحكم انه المسجد مو بعيد مره عن البيت ف مو كان يحتاج انه يرحوا المسجد بسياره
_ _ _ _
بعد مو انتهوا من صلاه التراويح خرج الكل من المسجد و توجهوا للبيت مو عدا الجد و اولاده الي احد من اهالي الديره عازمهم على قهوه و توجهوا لمجلس الرجال , اما العيال فتوجهوا للبيت
_ _ _ _ _
" في بيت الجد عبدالله "
العيال الي يلعبون جاكاروا ( لفوا البوست بتحصلون شكل لعبه الجاكارو ) في الحوش و صوت صراخهم و ضحكهم واصل للداخل , بعد مو سمعوا البنات صوتهم خرجوا لهم عشان يتكيون معهم .
الجوري و هي تتخصر : هااا يا عيال وش تسون
سعود و هو يلعب : مثل مو تناظرين قاعدين نلعب
العنود لسعود : بنلعب وياكم
سعود هز راسه بالنفي : شلون تلعبون معنا و انتوا مو تعرفون لها
الجوري : عادي بتعلمونا وش المشكله
رعد و هو ياشر لهن يجلسن على جنب لاجل يعلمهم ، و هو يشرح لهن : اول شيء عندكم ورقه الكنج مكتوب عليها حرف (K) الي دورها في اللعبه تطلعي الحجره من البيت و (A) بعد تطلعي حجره وحده من البيت او انكم اذا م تبون تطلعون بـ ورقه (A) تقدمن الحجره احدى عشر خطوه للامام و اما رقم ( 10 ) تقدمي عشر خطوات للامام او انكم تحرقون ورقه الخصم الي بعدكم و آخر شيء رقم ( 4 ) الي ترجعي للخلف اربع خطوات و هذي اساسيات اللعب و مو رح اعيدهم
الجوري و هي تعدد على اصابعها : اووله كل هذا قوانين اللعب اوف اوف شلون احفظهن
سهم و هو يضحك عليها : هذا و انتي مو بديتي تلعبين
الجوري شمقت لـسهم : تتطنز انت و وجهك
سهم كتم ضحكته لا يجيه كف من الجوري ..
سعود و هو يكلم العنود : يااا العنود قبل لا نبدأ نلعب زبطينا باحلى ثلاجة شاي نعدل فيه مزاجنا قبل لا نبدأ
العنود و هي تأشر على عيونها : حااضر , ابشر من عيوني الحين ينزل لك احلى شاي من يدين العنود
سعود : تسلمين والله
محمد الي يناظرهم بحقد و غيره على تعاملهم مع بعض الي يفرق كثيير بين تعامل العنود مع اخوه سعود و تعامل العنود مع هو
قامت العنود و توجهت للمطبخ لتحضر الشاي الجوري بصوت عالي وهي تناديها : لا تنسين الفصفص
العنود : م ادري وينه
الجوري و هي قايمه : قايله لكم ما تقدرون بدوني
ريم : اكيد يا حبيبتي انت نور البيت
فيصل : الله يصبرنا على النرجسية
بعد عشر دقايق جهز الشاي و توجهت العنود ناحيه المكان الي قاعدين فيه
العنود و هي تنزل الشاي و تقول : هاا من يبي
الكل قال يبي مو عدا محمد سكبت لهم العنود في الاستكانات و بعدها انتبهت لاخوها محمد الي مو معه استكانه شاي و قالت : محمد اسكب لك شاي او مو تبي
هز محمد راسه بالنفي : لا مو ابي
هزت العنود راسها بتمام
بعدها نادى سهم الكل : يلا بنبدأ نلعب جاكاروا رح نلعب فريقين كل فريق من ثلاث اعضاء يلا قسموا
الجوري و هي تعد على اصابعها : نحن البنات اربعه و نريد نلعب ذي الجيم و اثنين منكم بيلعب معانا و اشرت على رعد و الايهم و قالت : انتوا بتلعبوا معانا
رعد هز راسه بالايجاب اما الايهم قال : مو ابي العب خل سعود يلعب عني
الجوري : ليه مو تريد تلعب ؟
الايهم و هو معصب عليهم من لما تاخروا على الصلاه و زياده انه مضغوط من الشغل : و لا شيء
سعود هو و يقسم : بنكون انا و العنود و جود في فريق و رعد و الجوري و ريم في فريق , موافقين ؟
الكل : موافقين
بدوا يلعبون و صوت صخك البنات مالي المكان و اثناء لعبهم حاول رعد انه يغش في اللعبه و انتبه له سعود و قال : هي هي انت رجع الورقه الي شلتها
رعد و هو يلتفت يمين و يسار : انت منو تكلم ؟؟ تكلمني انا ؟
سعود : ايه اكلمك انت شايف احد يلعب معانا من العيال غيرك لا
رعد و هو عامل نفسه بريء : وش سويت
سعود و هو يرفع حاجبه : لا ابد سلامتك مو عملت شيء الا انك بادلت بين ورقيتن حطهم هنا بسرعه
رعد و هو بدأ يعصب : شقاعد تقول انت انا مو بدلت و لا ورقه
سعود  : يعني عيوني تكذب و لا وش ؟؟
محمد و هو يدافع عن رعد : ايه عيونك تكذب أنا من اول كنت اتابع لعبكم و مو شفت رعد يغش شفتك انت الي تغش و بعدها ناظر رعد عشان يأيد كلاامه و قال : صح كلامي يلا رعد و لا انا غلطان
رعد : ايه والله انك صاادق و انا هم بعد شفتك و انت تبدل بين الاوراق و حطيتها فيّ
هنا سعود بدأ يعصب من اخوه الي واقف مع رعد رغم أنه رعد غلطان