High-class Shot

4

မက်သရူးရဲ့ '1st full album: black champagne' က အောက်တိုဘာလလယ်တွင် release လုပ်ခဲ့သည်။ ခြောက်လကြာမှလာတဲ့ cb ဖြစ်သည်ကတစ်ကြောင်း၊ ပထမဆုံး full album ဖြစ်သည်ကတစ်ကြောင်း seokrydans များမှာ သောင်ပြင်ကို လွတ်ကုန်ကြတဲ့ မြင်းများ၊နွားများသဖွယ် အပီအပြင်ရုန်းကြတော့သည်။ album sampler ထွက်သည့်အချိန်မှစ၍ social media platform များတိုင်းတွင် သောင်းသောင်းဖြဖြ ချီးကျူးမှုများနှင့် give away များဖြင့်သာ မြိုင်ဆိုင်နေခဲ့သည်။

'black champagne' official mv ထွက်သည့်ရက်တွင်မူ seokrydans အများစုမှာ 'မာမားဖန်' အဖြစ်မှ နှုတ်ထွက်၍ 'ရည်းစားဖန်' လုပ်ပါတော့မည် ဆိုကာ ဂယက်ရိုက်ကြပြန်သည်။ English lyrics အပြည့်နှင့် 'black champagne' မှာ နာမည်နှင့်လိုက်‌အောင် sexy concept ဖြင့် ထွက်ချလာခဲ့သည်မဟုတ်ပါလား။ အရင်အခါများနှင့် ကွဲထွက်နေသည့် concept ဖြစ်သည့်အပြင် seokrydans များ၏ ခပ်မိုက်မိုက် edit များကြောင့် non-fan များ၏ အာရုံစိုက်မှုကိုပါ ရရှိသွားသဖြင့် 'black champagne' မှာ ပို၍နာမည်ကြီးလာတော့သည်။

' ယောကျာ်းရေ တက်သာနင်းသွားပေးပါတော့.. မခံစားနိုင်တော့ဘူး '

' အားအားအားးးး သားလေးမွေးပေးချင်တယ်ပြောရင် ချီးကားမိမှာလားဟင် ငါမအောင့်နိုင်တော့လို့ပါ တောင်းပန်ပါတယ် '

' အပေါ်ထပ်ရေ စကားလေးတွေဆင်ခြင်ပါနော်။ ဒါ ငါ့ကလေးရဲ့အဖေပါ '

ထိုအချိန်တွင် အနည်းစုသာကျန်ခဲ့သော ဝဋ်ကြွေးဆပ်နေရသည့် မာမားဖန်များမှာမူ အပြိုင်အဆိုင်ကြူးနေကြသည့် ပို့စ်များအလယ်တွင် မျက်ရည်တောက်တောက်ကျသည့် meme ပုံများတင်၍သာ ခံစားချက်ကို ဖွင့်ဟကြရရှာသည်။

' သားရေ ဒီမာမားရဲ့ ရင်ဘတ်ထဲကနာကျင်မှုတွေကို မြင်ရဲ့လား '

' ငါ့ကိုလာမရှာကြပါနဲ့တော့... မနက်ဖြန်ကစပြီး သီလရှင်ဝတ်တော့မယ် '

' ဒီမာမားရဲ့ အနှီးထုတ်ထဲက ဘယ်ချိန်ထွက်သွားတာလဲ သားရယ် *sob *sob '

နာမည်အကြီးဆုံး post မှာမူ 'ဆော့မက်သရူး နွေးနွေးထွေးထွေးဝတ်ပါ' ဟူသည့် OP ၏ post ဖြစ်သည်။ caption မှာမူ 'သားရေ အအေးမမိစေနဲ့ ဒီမာမားစိတ်ပူတယ်' ဟူ၍ဖြစ်ကာ ဆော့မက်သရူး၏ ရင်ဘတ်ဟပြဲဖြစ်နေသော ပုံကိုလည်း အဝတ်အစားဝတ်ပေး၍ edit ထားသည်။