နှလုံးသားအရှင်သခင်ရဲ့အငြှိုး[ongoing]

Ep.1

Unicode

နှလုံးသားအရှင်သခင်ရဲ့အငြှိုး

Part.1

2003ခုနှစ်၊အောက်တိုဘာလ၊30ရက်နေ့။

''ကျွန်တော်မလုပ်ဘူး အဲဒါကျွန်တော်လုပ်တာမဟုတ်ပါဘူး...အဲဒါကထက်နိုင်ဆိုတဲ့ကောင်လုပ်တာပါ''

''ယောကျ်ား''

''အဖေ...အီးဟီး အဖေ''

''မိန်းမ ငါ့ကိုကယ်ပါဦးဟာ အဲဒါတစ်ကယ်ငါလုပ်တာမဟုတ်ဘူး''

ရဲတွေဆွဲခေါ်ရာနောက်ကိုအော်ဟစ်ငိုယိုကာပါသွားသောအဖေဖြစ်သူကိုကြည့်ပြီး သူမျက်ရည်တွေကျလာရလေ၏။

''ယောကျ်ား အီးဟီး...ကျွန်မယောကျ်ားကိုမဖမ်းပါနဲ့ သူလုပ်တာမဟုတ်ပါဘူး''

အဖေ့နောက်ကနေငိုပြီးပြေးလိုက်သွားသောသူ့အမေအား သူနောက်ကနေလိုက်မဆွဲမိပါ။

ဒါဟာ သူတို့မိသားစုရဲ့ဘယ်လိုကံဆိုးမှုကြီးလဲ''

•••

သူတို့မိသားစုရဲ့မဟာတံတိုင်းကြီးမှာ အက်ကြောင်းရာတွေထင်ဟပ်လာပြီး နောက်ဆုံး...

''သနားပါတယ်တော်...ထောင်ဒဏ်နှစ်သုံးဆယ်တောင်ကျခံရတာတဲ့''

''တော်ကတစ်ကယ်ပဲသူမလုပ်ဘူးဆိုတာကိုယုံတယ်ပေါ့''

''ဟဲ့...မြင့်ကျော်ဆိုတာငါတို့နဲ့သိလာတာဆယ်စုနှစ်ရှိပြီ...သူ့အကြောင်းကိုငါတို့သိတာပေါ့အေ့ သူကလူရိုးလူအေးကြီးပါ အခုကလည်းသူများချောက်ချခံရတာနေမှာ ငွေများတရားနိုင်လေ သိတယ်မလား''

''ကျုပ်ကတော့လေ အဓမ္မပြုကျင့်ခံခဲ့ရ​ပြီး​သေသွားတဲ့မိန်းကလေးကိုပဲသနားတယ်...သူ့မှာနှစ်နှစ်အရွယ်ညီမလေးရှိတယ်တဲ့ သူ့ခမျာညီမလေးကိုစိတ်ချပါ့မလားပဲ''

''သူ့ညီမလေးကရော''

''သူတို့အမျိုးကခေါ်သွားတယ်တဲ့''

''သူတို့မှာမိဘတွေမရှိကြတော့ဘူးလား''

''သူ့အဖေကသူ့အ​မေအငယ်လေးကိုကိုယ်ဝန်စဆောင်နေတဲ့အချိန်မှာပဲပိုးထိပြီးဆုံးသွားတယ်တဲ့...သူ့အမေကလ​ည်းမီးတွင်းထဲမှာပဲဆုံးသွားပြီး အဲ့ကောင်မလေးကပဲသူ့ညီမလေးကိုစောင့်ရှောက်ပေးနေတာတဲ့''