နှလုံးသားအရှင်သခင်ရဲ့အငြှိုး[ongoing]

E.8

Unicode

နှလုံးသားအရှင်သခင်ရဲ့အငြှိုး

Part.8

မထင်မှတ်တာတွေဖြစ်ပြီးသည့်နောက်ပိုင်းမှာ ကေ့အနေနဲ့လက်ရှိအခြေအနေကိုပဲအကောင်းဆုံးရှင်သန်ဖို့သာတွေးခဲ့ရသည်။

သူမဘဝကဆုပ်လည်းစူးစားလည်းရူးအခြေအနေကိုရောက်နေပြီပဲလေ။

''မင်းဘယ်လဲ''

ကေ ဆိုင်သွားဖို့ပြင်ဆင်ပြီးထွက်လာတော့ကိုကိုကမေးလာခြင်းပင်။

''ဆိုင်သွားမလို့လေ''

''မင်းကိုဘယ်သူကခွင့်ပြုလို့လဲ''

သူ့စကားကကေ့အားအတော်လေးမခံမရပ်နိုင်ဖြစ်နေခဲ့တာတော့အမှန်ပင်။

''ဘာပြောလိုက်တယ်ကိုကို''

''ငါ့ကို'ကိုကို'လို့ထပ်ခေါ်ရင် မင်းကိုအစာအငတ်ထားပစ်မယ် အဲဒါမယုံမရှိနဲ့''

ကေနှုတ်ခမ်းကိုခပ်တင်းတင်းစေ့ထားလိုက်မိ၏။

''ဒီမှာကိုသိင်္ခ...ရှင်ကျွန်မကိုအလုပ်ကိစ္စအထိလာပြီးချုပ်ကိုင်လို့မရဘူး''

''ဟုတ်လား...မင်းဆိုင်တစ်ခုလုံးရစရာမရှိအောင်ပျက်စီးပြီး မင်းဝန်ထမ်းတွေဒုက္ခရောက်မှာကိုမြင်ချင်ရင်လ​ည်းလုပ်လိုက်ပေါ့''

''ဘာ!''

''နားလေးနေလား...မင်းအိမ်ထဲကနေခြေတစ်လှမ်းရွေ့တာနဲ့ မင်းကြိုးစားထားသမျှအရာအားလုံးကို ငါကဖျက်စီးပစ်မှာ...မင်းသတ္တိရှိရင်စမ်းလိုက်ပေါ့''

ကေပုခုံးပေါ်ကပိုက်ဆံအိတ်ကိုကြမ်းပေါ်ပစ်ချပြီး သူ့ရှေ့တည့်တည့်ကိုလျှောက်လာကာ...

''ရှင်ကတော်တော်ကြောက်စရာကောင်းတဲ့သူပဲသိင်္ခ...ရှင်ကကျွန်မအချစ်နဲ့တစ်ကယ်ကိုမတန်ဘူး''

''ဟားဟား...ဘာအချစ်လဲ...ထွီ ငါ့ရှေ့မှာရွံစရာတွေလာမပြောနဲ့''

သူ့အပြုအမူနဲ့စကားလုံးတွေက သူမရင်ကိုအစိမ်းလိုက်ခွဲပြီးသွေးစိမ်းရှင်ရှင်ထွက်စေခဲ့လေသည်။

''မင်းရဲ့ခမ်းနားလွန်းတဲ့အချစ်တွေက ငါ့ရဲ့အာဃာတတွေကိုချေဖျက်မပေးနိုင်ဘူး မင်းနားလည်လား!''