နှလုံးသားအရှင်သခင်ရဲ့အငြှိုး[ongoing]

Ep.3

Unicode

နှလုံးသားအရှင်သခင်ရဲ့အငြှိုး

Part.3

ကေအိမ်ပြန်ရောက်တော့ ဟိုလူထားခဲ့အိတ်​လေးကိုအခန်းထဲထိယူခဲ့ပြီးမှ အထဲကလက်စွပ်ဗူးလေးကိုထုတ်ကြည့်လိုက်၏။

လက်စွပ်ကဒေစီပန်းပွင့်ပုံလေးမို့ကေ့နှုတ်ခမ်းလေးတွေကပြုံးရိပ်သမ်းသွားရသည်ထိပင်။

''ငါကြိုက်တဲ့ပန်းပဲ...ဒီလူကတစ်ကယ်ပဲဘာလဲ''

ကေလည်းဘာရယ်မဟုတ် ထိုလက်စွပ်လေးကိုလက်သန်းကြွယ်မှာစွပ်ကြည့်လိုက်တော့သူမလက်နဲ့ကကွက်တိဖြစ်နေသည်။

''အဟင်း...ငါ့လက်နဲ့လိုက်သားပဲ...ဒါပေမယ့် ပိုင်ရှင်ကိုပြန်ပေးရမှာပေါ့''

ကေချက်ချင်းပဲလက်စွပ်လေးကိုပြန်ချွတ်ပြီးဗူးထဲပြန်ထည့်ထားလိုက်၏။

အဲဒီ့လူ သူမဆီပြန်လာလောက်မှာပါ။

ဒါပေမယ့်.....

ကေထင်တာလွဲသွားသည်။

အဲဒီလူကကေ့ဆီကိုတစ်ပတ်ကျော်လောက်ထိရောက်မလာခဲ့ပါဘူး။

သူလက်စွပ်ပေးခဲ့ပြီးကိုးရက်မြောက်နေ့မှပဲသူမထံသို့ပြန်ရောက်လာ၏။

အဲဒါကလည်းကေ့ဆိုင်ကိုမဟုတ်ဘဲ ​ကေနေ့လည်စာစားနေတဲ့စားသောက်ဆိုင်ကိုရောက်လာတာပါ။

''ကေ...''

''ဟင်...ရှင်''

သူကခပ်တည်တည်နဲ့ပဲကေ့ရှေ့မှာဝင်ထိုင်လိုက်၏။

''ကျွန်မဒီမှာရှိတာကိုရှင်ဘယ်လိုသိလဲ''

''ကိုယ်ကမင်းဘေးမှာအရိပ်လိုအမြဲရှိနေတာပါကေရဲ့''

''ဒီမှာ ရှင်နဲ့ကျွန်မကမရင်းနှီးဘူးနော်''

''အခုရင်းနှီးလိုက်ကြမယ်လေ ကိုယ့်နာမည်ကသိင်္ခပါ...မင်းကကေသရီနော်''

''.......''

''လက်စွပ်ကတော်ရဲ့လား''

''ရှင်မနက်ဖြန်ကျရင်ဆိုင်ကိုလာခဲ့ပါ ရှင့်လက်စွပ်ပြန်လာယူလှည့်''

''မင်းအတွက်ပေးတာလေ...မင်းပိုင်တယ်...မင်းအကြိုက်ဒေစီလေး''

''ရှင်ဘယ်လိုလုပ်ပြီးသိတာလဲ''