عشق اليونس لابنة الملجأ

البارت الثالث والعشرون

فنظرت جودي إليه بصدمة ثم قالت له بغضب: يونس أنت كل يوم بتثبت لي إن عندك انفصام في الشخصية أكتر من اليوم إللي قبله بجد
يونس باستغراب: لى
جودي بسخرية: حبّيتني إمتى ولى
يونس بسخرية: وهو الحب عندِك بقى فيه إمتى ولى
جودي بسخرية: طبعاً كل حاجة لها أسباب جودي الغبية إللي كانت بتصدّقك ما بقيتش نفسها إللي موجودة قدامك وبتكلّمها الوقتي
يونس بحزن: أعمل إي عشان أرضيكِ وتصدّقيني
جودي بهدوء: رجّعني بيت بابا
يونس بغضب: بعد كل إللي عمله فيكِ ولسه عايزة تقعدي معاه
جودي بسخرية: على الأقل ما خدعنيش يا ريتني سمعت كلامه يوم ما شوفتك أول مرة في المطعم ما كانش ده بقى حالي صدّقني جوازي منك كان أكبر غلطة عملتها في حياتي وهعتبر إن ضربه عقابي
يونس بحزن: للدرجة دي بقيتي كارهاني
جودي بثبات ظاهري: أنا ما بكرهش حد أنا يا إما أحبّك يا إما أخرّجك من حياتي ولا كإنك كنت موجود فيها ثانية
يونس بحزن: قلبِك قسى عليّا أوي
جودي بسخرية: من عاشر القوم
يونس بابتسامة: زي ما قسّيته هحنّنه مفيش حاجة مستحيلة على يونس الشرقاوي
جودي بسخرية: إلا قلبي وصدّقني أنا مش هرجع لك غير لما أكسر غرورك
يونس بابتسامة: اعملي فيا كل إللي أنت عايزاه أنا ملك إيديكِ وراضي بالعقاب إللي هتحكميه عليّا بس ترجعي لي
جودي بسخرية: كلام
يونس بابتسامة: تيجي نتراهن
جودي بعدم فهم: على إي
يونس بابتسامة: نقعد مع بعض شهر وصدّقيني هخلّيكي تيجي لي بنفسِك وتقولي إنِك بتعشقيني مش بس بتحبّيني
جودي بسخرية: ارسم واحلم بالمستقبل وإللي بيحلم بكرا ينول وإذا ما قولتش
يونس بابتسامة: أنا واثق في ربنا ثم نفسي إن ده مش هيحصل بس إذا حصل فوقتها القرار قرارِك اتفقنا
جودي بهدوء: اتفقنا
عند سما نظرت إليه بصدمة ثم قالت له بتوتر: يحيى أنا لازم أمشي الوقتي
يحيى باستغراب: لى ما لِك
سما بتوتر: مفيش عندي شغل
يحيى بابتسامة: هنتقابل تاني إمتى
سما بابتسامة: بكرا إن شاء الله
يحيى بابتسامة: إن شاء الله تعالي أوصلِك
سما بتوتر: لا
يحيى باستغراب: لى
سما بابتسامة: مش عايزة أتعبك
يحيى بابتسامة: لا تعب ولا حاجة
سما بتوتر: خلّيها يوم تاني سلام يا يحيى
يحيى باستغراب: سلام
وتركته وركبت سيارتها التي قادتها لقصر داود وبعد قليل وصلت ودلفت له ووجدت داود جالساً على الأريكة بغرفة المعيشة فقالت له بغضب: يعني إي يونس طلع بيخدعنا يعني أنا كده خلاص ضعت لا أنا ما كنتش لوحدي أنت كمان كنت معايا أنا مش هقع لوحدي
ثم نظرت إليه بصدمة عندما وجدته يتنفس بصعوبة ويفكّ جرافته ثم فقد وعيه فصرخت وطلبت من الحرس أنا يحملوه لسيارتها التي قادتها لمستشفى الشرقاوي وبعد قليل وصلا ودلفا لها ثم فحصته وقال لها أحد الأطباء بحزن: المريض ده طلع عنده ورم في المخ ولازم نستأصله في أسرع وقت قبل ما يكبر أكتر والعملية دي صعبة جداً ونسبة نجاحها قليلة جداً ومفيش غير دكتور يونس الشرقاوي إللي ممكن يخاطر ويعملها
سما برعب: لا إن شاء الله مش هيموت أنا هكلم دكتور يونس
الطبيب باستغراب: إن شاء الله بس ما لِك يا دكتورة خايفة لى هو المريض ده يقرب لِك
سما بخوف: يا ريته كان يقرب لي بس
الطبيب بعدم فهم: أنا مش فاهم منِك حاجة خالص يا دكتورة والله بس لو عايزة تحكي لي ما لِك أنا جاهز أسمعِك في أي وقت
سما بابتسامة ظاهرية: تسلم يا دكتور
عند يونس نزل بمطار اسطنبول بصحبة جودي واستقلّا تاكسي ليذهبا لأحد الفنادق وبعد قليل وصلا وحجزا غرفة وصعدا إليها فقالت جودي له بغضب: ما حجزتش أوضتين لى
يونس بخبث وهو يضع يديه على خصرها ويقرّبها إليه ويسند جبهته على جبهتها التي قبّلها: لمين الأوضة التانية يا مراتي
جودي بغضب وهي تدفعه بعيداً عنها: ابعد عني وإياك تقرّب مني تاني مفهوم ومراتك في عينك ما تنساش إن كلها شهر وهنتطلّق
يونس بغضب وهو يمسك بذراعيها بقوة ويقرّبها إليه مرة أخرى: أنا أقرّب منِك زي ما أنا عايز لإنِك لسه مراتي لما يعدّي الشهر إللي اتفقنا عليه ونتطلّق ساعتها يبقى لكِ حق تكلّميني بالطريقة دي
جودي بتألم: دراعي وجعني حرام عليك
فابتعد عنها بغضب وقال لها: لى بتخرّجيني عن شعوري في كل مشكلة حصلت وبتحصل بينّا عشان تطلّعيني أنا الغلطان الوحيد
جودي بسخرية: أنا مش محتاجة أعمل حاجة عشان تغلط لإن في الأساس الغلط ماسكك من ساسك لراسك
يونس بدموع: مفيش حد معصوم من الغلط بس المهم نعرف غلطنا ونحاول نصلّحه وما نكرّروش وأنا عرفت غلطي وبحاول أصلّحه لى مش عايزة تساعديني
جودي بدموع: لإني مش بثق فيك ما تلومنيش على حاجة أنت كسرتها وما تحاولش معايا أكتر لإني عمري ما هصدّقك تاني
يونس بغضب: اومال بتثقي في مين في أبوكِ إللي رماكِ في الشارع بهدوم المدرسة لما كان عندِك سبع سنين فوقي واعرفي إن في ناس حوالينا في وشنا يبانوا ملايكة وفي ضهرنا يقلبوا إبليس وما خُفِيَ منهم أعظم وأكبر مثال على الناس دي هو أبوكِ إللي عمري ما ارتاحت له
فصفعته بقوة على وجهه وقالت له بغضب: لما تتكلّم عن بابا تتكلّم بكل أدب واحترام مفهوم
فابتسم بسخرية وقال لها: لا مش مفهوم وأنا مش همدّ إيدي عليكِ وهسيبِك للزمن إللي هيخلّيكي تضربي نفسِك ميت قلم على عِندِك معايا
جودي بسخرية: أنا لو فعلاً هندم على حاجة فهندم لو وثقت فيك تاني لو سمحت لك تقرّب مني لو جيبت منك طفل لإنك كداب زي حبك وكلمة بحبِك إللي قولتها لي دي أنا عمري ما هصدّقها لإني عارفة إنك عايز تخدعني بيها لحد ما توصل لغرضك مني عشان ترضي رجولتك وبعدين ترميني لإنك أكتر إنسان مستغلّ للفرص قابلته في حياتي
فنظر إليها بصدمة وعينين دامعتين وقبل أن يجيب عليها رنّ هاتفه ووجد المتصل سما فأجاب بغضب: خير
سما برعب: عمك داود عندنا في المستشفى
ففعّل مكبر الصوت وقال لها بقلق: ما له عمي داود
سما بقلق: بعد ما كشفنا عليه عرفنا إن عنده ورم في المخ ومحتاج عملية في أسرع وقت قبل ما الورم يكبر أكتر والعملية صعبة جداً ونسبة نجاحها ضئيلة جداً وطبعاً مفيش حد غيرك إللي ممكن يخاطر ويعملها
فنظرت جودي له بصدمة فقال لسما بصدمة: هخلّص المؤتمر بس يا سما وهنزل على طول خلّوا حالته مستقرة على قد ما تقدروا لحد ما أوصل سلام
وأنهى المكالمة قبل أن تجيب عليه فقالت جودي له بدموع وأمسكت يديه برجاء: يونس أنت هتعمل العملية لبابا صح أنت هتساعدني ومش هتتخلّى عني
فنزع يديه من يديها وقال لها بسخرية وغضب: لى مش كنت من شوية كداب ومستغلّ
جودي ببكاء: أنا آسفة ساعدني المرة دي بس وهعمل لك كل إللي أنت عايزه
فذهب يونس لحقيبة ملابسه وأحضر فستاناً قصيراً اشتراه لها ثم أعطاها إياه وقال لها بسخرية: البسيه
فنظرت إليه بصدمة وقالت: إي
فقال لها بسخرية: في رأيي مفيش فرصة أحسن من دي ممكن أستغلّها
يتبع بقلمي ساره صبرى