ရုပ်ရှင်ဧက္ကရာဇ်၏ခေတ်ဟောင်းမှချစ်ဇနီးလေး

chapter 54

Chapter 54
June 11, 2024
👥️Chapter 54

“အားလုံးပဲ .. ကျွန်တော်တို့တွေ မေးခွန်း ဘယ်နှခုလောက် မှန်မယ်လို့ ထင်လဲ ...”

ယီချန်းယန်က စင်အောက်တွင် ရှိနေသည့် ပရိသတ်များကို ပြုံးကာ မေးလိုက်သည်။

“ ၁၅ ခု ...”

“၂၀ ...”

“၃၀ ... အကုန်လုံး မှန်မှာ သေချာတယ် ...”

ပရိသတ်များက ကျယ်လောင်စွာ အော်ပြောလိုက်ကြသည်။ အော်သံများမှာ တစ်စထက်တစ်စ ပိုမိုကာ ကျယ်လောင်လာသည့်အတွက် လေထုတစ်ခုလုံး သက်ဝင်လှုပ်ရှားနေလေသည်။

အထူးတလည် မြူးတူးတက်ကြွနေသည့် လေထုနှင့်အတူ .. တင်ဆက်သူ အမျိုးသားက ပြုံးကာ ပြောလိုက်သည်။

“ချန်းယန်ကို ကြည့်ရတာ တော်တော်လေးကို ယုံကြည်ချက် ပြည့်ဝနေသလိုပဲနော် .. ဟုတ်သားပဲ မင်းတို့နှစ်ယောက်က အတူတူ အလုပ်တွဲလုပ်ဖူးတာ နှစ်ခါသုံးခါလောက် ရှိနေပြီ မဟုတ်လား .. ရှောင်ယု မင်းရော ဘယ်လိုလဲ ယုံကြည်ချက် အပြည့်ပဲလား ...”

တင်ဆက်သူကလည်း ထုတ်မေးနေပြီ ဖြစ်သည့်အပြင် ပရိသတ်များ၏ မျှော်လင့်သည့် အရိပ်အယောင်များကိုလည်း တွေ့နေရသည့်အတွက် . ယန်အန်းယုသည် သူ့စိတ်ခံစားချက်များကို ပြန်လည်ချိန်ညှိလိုက်၏။

“ဟုတ်ကဲ့ ကျွန်တော်က စီနီယာယီကို ယုံကြည်ပါတယ် .. ပြီးတော့ ကျွန်တော်ကိုယ်တိုင်လည်း အကောင်းဆုံး ကြိုးစားသွားပါ့မယ် ...”

“ဟားဟား .. ချန်းယန်နဲ့ ရှောင်ယုတို့က ယုံကြည်ချက်တွေ အပြည့်ဖြစ်နေမှတော့ .. ကျွန်တော်တို့တွေ ဒီလို လုပ်လိုက်ရင်ရော .. ခက်ခဲမှုအဆင့်ကို နည်းနည်းလေး ပိုမြှင့်ပြီး အချိန်ကိုလည်း တစ်မိနစ်ပဲ ထားလိုက်မယ်လေ ...”

ထိုစကားကို ကြားလိုက်သည့်တိုင် ယီချန်းယန်နှင့် ယန်အန်းယုတို့ နှစ်ဦးလုံးက အသာတကြည်သာ လက်ခံလိုက်ကြသည်။

“အဆင်သင့် ဖြစ်ပါပြီလား ...”

“ကဲ .. ဒါဆို အခုပဲ စလိုက်ကြရအောင် ...”