ناظرت له بعد سؤاله الغريب وقاعد انتظر الي ببالي يتحقق وابحرت بهواجيسي بالغلط "يعترف لي بانه يحب راكان ويبيني ابعد عنه او ممكن يهاوشني اويمكن يفضفضلي؟ او يمكن يبي نصايح!"
انغمست بالهواجيس لدرجه ما انتبهت للي قدامي والي
يناظرني بقله حيله وهو مكتف يدينه وعاقد حواجبه ويتكلم وانا ما اشوف الا فمه يتحرك بدون صوت وذا ما منعني من اني ما اهوجس الا فكرت بزياده " هو ليه عاقد حواجبه معقوله معصب؟ بس انا ماسويت شييي مالي ذنب اذا ركان حبني تكفى ابوي نايم تكفىىى"
ماحسيت الا بالصفقه الخفيفه على جبهتي خلتني اصحى من هواجيسي واناظر له
عبدالله وهو عابس :انت لي ساعه اناديك وين راح عقلك؟؟
ناظرت له وابتسمت ابتسامه توهيقه :اااامممم...ولا شي ولا شي كمل وش الموضوع
عبدالله تنهد وناظر لي بجديه :الحين انت تعرف ليه جايبك هنا؟
ناظرت له وانا افكر شوي وميلت راسي وقلت اكثر شي بديهي بالحياه : مم عشان الموضوع؟
عبدالله ناظرني وهو مو مصدق : واو اينشتاين كيف عرفت؟؟ مستحيل شكلك تقرا الافكار لاني مو قايل لك قبل شوي بالفصل صح؟
استوعبت وضحكت عليه وعلى جوابي : معليش معليش مو مركز هههههههههه طيب وش فيه من جد؟
عبدالله تنهد ورجع لمود الجديه الي يوتر : تعرف ليه كنت معصب اليوم لانك جبت طاري راكان؟
ناظرت بعيد وانا اتذكر كل استنتاجاتي المنطقيه بس سويت نفسي غبي ما اعرف...او يمكن انا فعلاً غبي وما اعرف :لا...وش هو؟
حط يده على الجدار وقرب مني شوي وهو يناظر لي بشك وانا وجهي احمر واذني صارت حاره وما صرت اقدر اناظر لوجهه من الاحراج
ابتسم عبدالله واهو يناظر لي ولا شال عينه عني
:هههه شفيك احمر؟
قلت وانا اتمناه يهاوشني ويخلص ويبعد عني لان انا المسكين والطرف الثالث وقلبي ما يتحمل المسافه الي بيننا
: ا.اخلص ق.قول تراك وترتني
أنت تقرأ
وكأن حين تلاقت اعيننا كُتب لنا قدر جديد
Romanceفيصل طالب جديد في اسوء مدرسه سمعه بالمدينه ولسوء حظه صار بالفصل الي كان يتمنى انه يروح كل الفصول الا هو ، كانت بدايه سيئه له او هذا الي فكر فيه وقتها لكن وهو يتعرف على اشكال الطلاب طاحت عينه على شخص كا يناظر له وبتمعن....يا ترا وش صار؟
