منجل الجنوب

الحلقـة الأولى

#منجل الجنوب

الكاتبة زهراء الساعدي

لطفًا صوتوا بالنجمة وعلقو بين الفقرات وتابعوا حساباتي
zahralsadi

^^^^^^^^^^^^^

اصدقائي القارئين قبل ان اقص لكم إي قصة
أتمنى من حضراتكم التعبير بكل ودً واحترام
وان يبقى الاحترام سيد قصتنا
تذكروا دائمًا
"وان كانت تفصلنا شاشة هذا لا يعني نتنازل عن اخلاقنا"

الجنوب / هناك يمكنُك تأمل وجوه الماره
ومعرفة عظمة قدرة الله وابداعه في الخلق
العيون الجميلة ، والشعر الطويل ، والسمار الذي لا يوصُف
في وجوههم
الصوت الجميل وتعابيرهم في الحزن التي تفطر القلب
" اليوم من القهر عضيت گلبي وعفت أصبعي "

واه من تلك اللهجة الجميلة التي تخرج من افواههم
" يخايب مچانك بگلبي "
واستخدامهم للـ چا والـ فدوه بشكل مفرط
حبًا لتلك الارواح النقية ، وقصصهم الحقيقية .

حيثُ الجنوب بدأت الحكاية
2024/11/20

أصوات قلقة ، همسات مختلفة ، ذبذبات كثيرة
أحاديث مخيفة ، نظرات مستغربة ، وجوه حائرة
بلعت ريگي واتقربت يم استبرق
- شنو يردون ؟

- استبرق : تفتيش ماعرف شصاير

عقدت حواجبي ورجعت انظر للأجسام الضخمة
جميعهم مرتدين اللون الأسود وأقنعة مخيفة
صدت عيوني بعيون أحدهم يخوفن
خزرني خزرة بلعني العافية بيها ، گبل غيرت نظراتي ..

- استبرق : هذا شبي يخوزر راح افگس عيونه

- حتى اني خزرني وخفت

باوعتلي بطرف عينها وردت
- استبرق : من شنو خفتي من عيونه الصفح

- يمعودة هذول ماعدهم شقه لايسمعچ

- استبرق : أخر همي

سكتت منها لان بس اجاوبها تجاوب وتغلط
ويسمعونه ، انا مو جبانة بس بهذا الموقف خفت
عيونهم كلها شر وجايين يدورون على شخص معين
اقل غلط واشتباك نوگع وياهم وبعد منو يخلصنه ..

اخذت نظراتي تتوزع في صفوف الواقفين
جميع قاعات إصحاب قسم الاشعة والسونر
" قسمي " مسطرين وذبذبات الرُعب واضحة في ملامحهم