#منجل الجنوب
الكاتبة زهراء الساعدي
لطفًا صوتوا بالنجمة وعلقو بين الفقرات وتابعوا حساباتي
zahralsadi
^^^^^^^^^^^^^
ترفه گلوبنا تشبه بياض الغيم
فتحت عيوني على وسعهم من شفت منسا مشمورة بالگاع
والدم صاير بقعة دائرية حواليها .
صرخت صرخة فززتهم كلهم ، دخلت ابينهم
مصدومة
دمي جامد بجسمي
اطرافي كلها ترجف
عيوني ما مصدگه التشوفه ، وعقلي رافض يستوعب الحدث .
رفعت راسها خليته بحضني وصرخت بصوت قوي
- سياااارة جيبو سيارة ناخذها
اجت استبرق تشهگ وتحچي
- استبرق : اجه ابوي ياخذها بسيارته
أتقدم ابوها رفعها واخذها للسيارة مشيت ورا ورجليه تررجف
صعدنه ليوره واستبرق يمه ليگدام
رفعتها لصدري اشهگ لفيتها بالعباية اكثر خاف تتكشف
وهيَّ ماتحب احد يلمح اظفرها
طول الطريق ابو استبرق يزمر ويصيح يريد بس يوصل
اشفايفي اتردد بالدعاء وعيني تتنقل عليها وعلى الطريق
استبرق دايرها نفسها علينه وكل شوي ترجع تنظر للشارع
وتصيح " عدنا حالة طارئة "
من ابو استبرق عرفت منسا انسحگت !
بـ إلف ياعلي وصلنه للمستشفى ، فتح الباب اخذها مني وركض
اعرف بيها ماتقبل شخص يلمسها غير ابوي
بس مو بيدي اتمنى تعذرني
ركضنه ورا لگيناهم ماخذينها منه سندت ظهري للحايط ابچي
رفعت ايدي حركتها على صدري وركزتها على گلبي
راح يوگف والله
- استبرق : افتحيلي رمز منسا
باوعتلها فاتحة جنطة منسا ومطلعه موبايلها
- من الواحد للخمسة
هزت راسها وسجلت الرمز ، طلعت بره تخابر
بقيت بمكاني جامدة ارجف وگلبي ينبض بقوة يريد يطلع من مكانه
باوعت لـ أبو استبرق وجها ينطي الوان ومبين خايف حيل عليها
ربع ساعة
التفت على صريخ أمي والبنات حتى علوشي جايبينه
شايلته تنسيم على خاصرتها وبأيدها الثانية تلطم
زهراء جايه حافية وامي وابوي كذلك
اتقدمت حضنتهم وبچيت ، انهبطو وگلبهم وگع
عبالهم ماتت لا سامح الله
بهل اثناء طلع الدكتور باوعنه كلنه علي
وبلحظتها قطره دم مابقت بعروگنه
- الحمدلله زينه رضوض خفيفة وجرح بسيط براسها خيطنا
- رسول : دكتور بنتي صحت ، هسة زينه ؟؟
- صحت وتگدرون تشوفونها
YOU ARE READING
منجل الجنوب
Romanceتقف إمامه وتقول له بـ بحه جنوبية " جنوبية انا گليبي دوهان ومحنة " يرد عليها بنفس اللهجة لكن النبرة مختلفة اقسى ، وارعب ، وأخشن "وانا هذا الجنوبي الأسمر المملوح حامل المنجل وبالغيرة معروف" قصة حقيقية باللهجة العراقية الجنوبية بقلمي انا زهراء السا...
