منجل الجنوب

توضيح مهُم

اهلاً حبيباتي حبيت انشر هل كلام حتى يكون
كلشي واضح يمكم  ..

نشر البارتات اني ملتزمة وبين يوم ويوم
واذا اتأخر ما اغيب  اكثر من ثلاث ايام
ومرات اظل انشر كل يوم
يعني ما مقصرة وياكم ابدًا
لكن بعض الاحيان تصير وياي ظروف
وعادي حالي حال اي شخص لذلك اتأخر لهذا
ميصير حبيباتي تحچون وتغلطون علي
مو حلو هالشيء بحقكم
" البعض غلط والبعض طلب باحترام "

اني حالي حالكم عندي حياة ومسؤلية
والبنات الي ؏ تلي يعرفون عندي حالة وفاة وكلش مكسورة
وكل هذا مجاي اقصر وياكم الله شاهد
واتمنى انتم متقصرون وياي بكلامكم الحلو ودعواتكم ❤️

اما بخصوص البارت قصير
بعينكم شوفو كل بارت شكم كلمة حتى تتأكدون
من صحة كلامي

5000 كلمة تعرفون شگد تاخد وقت ؟
وشگد تعب من اربط الاحداث واسرد
مجايه اگلكم شگد اتعب بس جاي اكلكم مو قصيرررر ابد
ابددد
يمكن انتم تندمجون وماتحسون من سلاسة السرد والاحداث
بس من تكتبون البارت قصيررر فد ابججي اي اي ابجي😂😂
" معليكم هاي اثار التراكمات "

المُهم ياحبيباتي اني من هالناحية هم ما اقصر
كله 5000 كلمة وفووووك بس انتم ما شاءالله عليكم
تقرون بسرعة وتكتبون قصيررر😍😂

اخيررر شي بخصوص السحكات
اني اسفة مرات من التراكمات والشغل المتراكم
ما اراجع البرتوت هواي وماعندي شخص يراجعلي مثل البقيه
اظل عين تراجع وعين للزبون والشغل🥲💔
فـ ان شاءالله انتبه لهل شي واحرص
" وسبحان الما يخطأ وهوَّ كاتب 5000كلمة غير نحوول😂"

الحمدلله السرد وملائي كلش مضبوط وحابيه
بس السحكات ومو هواااي ها مو هواي لا تدققون
شنو تنسون التعبير والترتيب وتنتبهون بس عليهن 😔😂

احبكم هواي حبيت اوضح على الكم شغلة
لان من تكتبون قصير البارت هواي قارئين جدد يجون
من يقرون هيچ يعوفون القصة وعبالهم فعلاً قصير
ومن تكتبون انشري بساع انسى الاحداث
واني بين يوم ويوم انزل عبالهم بالسنة مرة انزل وهم
يتركون القصة
المفروض انتم اترسون القصة حب وتشجعوني مو تكسرون
خاطري ..

كاااافي هواي حجيت وخالتي رزلتني
جاي تحجيلي ؏ قصة جابتها الي
والله حلوة واسم البطلة غررريب
خل اروح تكملي الاحداث واقرر اخذها لو للاااا 😂😂 🏃‍♀️

اوكفووو نسيت اكلكم ويانا ولد وضباط وشرطة ومنتسبين
يقرون ومتحمسين اكثر منجن
وهااا ابد ميكولون البارت قصير بالعكس يمدحون
بي بالانستا الخاص مالتي
ولكيت مسوين كروب ويتناقشون بالاحداث ويتوقعون
ديرو بالكم بنات ترى يقرون ويانه البسن شالات🌚😂.

تابعوني هنا مو تنسون
وهسة من صدگ بااااي 🏃‍♀️