منجل الجنوب

الحلقة الثامنة عشر

#منجل الجنوب

الكاتبة زهراء الساعدي

لطفًا صوتوا بالنجمة وعلقو بين الفقرات وتابعوا حساباتي
zahralsadi

^^^^^^^^^^^^^
-أستغفر الله.
-سُبحان الله.
-الحمدُ لله.
-لا إله إلا الله.
-الله أكبر.
-سُبحان الله و بحمده.
-سُبحان الله العظيم.
-أستغفر الله و أتوبُ إليهِ.
-لا حول و لا قوة إلا بالله.
-اللهُم صلِ على مُحمد وآل مُحمد.

.

"خل انزل من رتبتي ولا انزل منهن ،الحبيبات ذني "

فتحت عيوني على وسعهم على اثر صدمة كلامه
انهز جسمي كله ابتعدت وشردت ليم خالتي
غطيت نفسي ارجف نسيت وجع بلعومي نسيت
كلشي وركزت بكلماته ، ولحبيبات !

صابني شعور غريب تذكرت مراسلته وروحته
كشت نفسي
ليش يحچي ويايَّ هيچ وعبالك هايم بيه
يمكن متعود يغازل بنات ومتعود السانه على هالحچي .

اجه خله مخدته بصفي باوعتله واردفت
- رووح لغرفتك

- مصعب : ارد انام يم امي لا اتمنعيني

- امك على الچرباية مو بالگاع

- مصعب : ميخالف توصلني حنيتها

درت وجهي عنه ، صار وراي لزگ بظهري
حسيت بخشمه على رقبتي يجر النفس بقوة
قشعر كل جزء بيه وجسمي نمل
سحبت لروحي مد ايده لبطني حضنها ورجعني أله .

ظليت ارافس جوا همس
- اششش لا تتحركين

- وخرر انتَ ما تستحي
- لا
- ماتخجل ؟؟؟
- هم لا
- ماعندك خوات
- حرامات لا
- بشرفك
- وشرفي ماوخر .

اتشنجت بحضنه لدرجة انفاسي كتمتها
اتنفس بصعوبة وهدوء منا لحد ما غفى انسحبت منه
وركضت
للغرفة لزمت گلبي ينبض بقوة ، اجه طرق الباب
يصيح
- نجووووم

- ياضيم نجوم الما اظن يخلص

- مصعب : افتحي الباب جبانة