#منجل الجنوب
الكاتبة زهراء الساعدي
لطفًا صوتوا بالنجمة وعلقو بين الفقرات وتابعوا حساباتي
zahralsadi
^^^^^^^^^^^^^
مـشـهد
فزيت مرة ثانية على صـوت المطر والرعد
فتحت عيوني بثگل الكهرباء طافية والظلام دامس
دخل البرق من الشباك بقوة
بلعت ريگي خايفة من زاد صوت حفيف الرياح
وارتطام الأبواب وقوة المطر
لدرجة گلت راح يطيح البيت علينه
خفت ورجفت درت وجهي مالگيته
مو غريب كل ليلة يطلع ويرجع متأخر
وين يروح مادري
بس هالليلة شلون يگدر يرجع وهيَّ كلها مطر ؟
سحبت نفسي من الفراش ربطت شعري
وغطيته بالشال ، فتحت الباب بهدوء وطلعت
شغلت فلاش النقال وصعدت على خفه رجليه للسطح
فتحت الباب وصرت اباوع واجر بالنفس
المطر يتساقط بغزازة والماي صار عالي بالأرضية
رفعت راسي للسماء وشهگت
هرست أيدي على گلبي بضيگ وحسرة
لفحتني نسمة هواء باردة جريت نفس
انشرح صدري وانطرد الدخان الأسود ارتاحيت شوي
نزلت نظراتي وثبتت الفلاش بالگدامي عقدت حواجبي اركز
- هاي الغرفة مفتوحة ؟
فتحت عيوني على وسعهن بعدم تصديق
- اي والله صدگ هاي مفتوحة
YOU ARE READING
منجل الجنوب
Storie d'amoreتقف إمامه وتقول له بـ بحه جنوبية " جنوبية انا گليبي دوهان ومحنة " يرد عليها بنفس اللهجة لكن النبرة مختلفة اقسى ، وارعب ، وأخشن "وانا هذا الجنوبي الأسمر المملوح حامل المنجل وبالغيرة معروف" قصة حقيقية باللهجة العراقية الجنوبية بقلمي انا زهراء السا...
