💓💎إبن السنة💎💓

البارت 13

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:13

      نهار جديد

مصطفى كان كالس هاز تليفون فيدو كيهدر فالتليفون مع ختو
مصطفى:  غصووون اش كتقولي واش نتي مريضة وباغيا تمرضيني معاك
غصون:  كيف سمعتي انا مغاديش نرجع لديك الدار باش تتحكم فيا ماما لي كانت. عندي. فيها وكنجي ليها ماتت الله ارحمها دبا مبقة ليا اش ندير تماك. انا غادي. نبقة هنا فأمريكة باغا نعيش حياتي لي حرمتيها عليا
مصطفى شافت الباب تحلات كانت اسيا رجع كمل هدرتو:  غصون راه غادي. نجي ليك حتى لتماك ومغاديش اعجبك. الحال
غصون غوتات:  بعد. مني البشار مكتفهمش سير عيش حياتك. وخليني نعيش حياتي
قطعات ليه فوجهو
مصطفى رما داك التليفون حداه وشد على رجليه حس بيهم عطاوه لحريق بزاف
مصطفى:  اععععع
اسيا قربات عندو بزربة:  مصطفى مالك
مصطفى:  ضاريني رجليا
غمض عنيه كيحول اكتم داك لحريق رفعات عليه لغطة شافت فرجليه بان ليها كيحرك صباع رجليه بتسمات
اسيا:  مصطفى شوف نت كتحرك صباع رجليك
مصطفى بقا كيشوف فصباع رجليه كيف كيحركهم
اسيا بدات تماصي ليه رجليه:  الحمد الله بديتي ترجع لصحتك هانت شوف المفعول ديال دوا بدا ابان
مصطفى رجع اللور حاط راسو على الكادر دنامسية تنهد:  مبغاتش تجي
اشيا شافت فيه كلسات حداه:  شنو وقع معامن كونتي كتغوت فالتليفون
مصطفى:  غصون مبغاتش ترجع باغا تبقة فأمريكة
اسيا تنهد شافتو كيف مزير على يدو مدات يديها شدات ليه يدو بين يديها كتشوف فيه:  مديرش هاكة فراسك دبا دير عقلها وتجي متعصبش راسك راك. باقي مريض
مصطفى شاف فيديها لي شادة بيهم يدو هز يدو لخرة شد. ليها يديها ووهو كيشوف فعنيها:  اسيا
اسيا:  نعام
مصطفى تنهد:  عنداك تمشي شي نهار حتى نتي
اسيا:  اش هاد. الهدرة كتقول خاصك غير ترجع لينا بخير وعلى خير  غير رجع صحتك كيف كانت
مصطفى بتاسم ليها بدون سابق انضار تحنى. باسها حدا فمها هي تزنكات بقات غير كتشوف فيه بلعات ريقها عرفاه دبا راه مراتو ولكن باقي ممولفاش
اسيا ناضت:  نوض حاول تتمشة واش تقدر
مصطفى:  نتمشا
اسيا:  اه نوض حاول
ناضت. عوناتو وقف شاد. فيها واقف على رجليه باغي اهز رجلو باش اخطي خطوا كيعونها بيدو كيهز رجلو شوية بشوية كيخطي فخطوات صاغار وهي شادة فيه  بقات معاه شي ربع ساعة عاد. بدا كيدير شي خطيوات وهو مكالي بيها
مصطفى:  عييت مقدرش نزيد
اسيا كلساتو:  صافي كلس رتاح مزيان هادشي لي درتي دبا نتيجة زوينة
مصطفى بتاسم:  فيا الجوع كاع مفطرت
اسيا:  انا نمشي نجيب ليك لفطور راني وصيت الطباخة تقاد. ليك فطورك

     (بعد. مرور 15 يوم) 

دازت هاد 15 اليوم عادية غير مع مصطفى كيدير تدريبات ديالو حتى رجع صحتو ولا كيتمشى على رجليه  ولا كيف كان ولا أحسن